Juan 13:18 - Tagbanwa

¹⁸ Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’

Juan 13:18 Iomraidhean Croise

Mateo 10:36

Talagang kalaban it esang taw, kat seled naga it pamalay-balay ya.

Mateo 26:21

Iyan mamagkaꞌen na sira, maat ni Jesus, “Matuud tuy isugid ku ngaytut imyu, nga esat imyu i bayaꞌen it mga kuꞌimatay it aken.”

Mateo 26:23

Pagtubag ni Jesus, maat ya, “Talagang esa naga nga kaꞌibaan kut magdiꞌtil situt karung, yanagay bayaꞌen it mga kuꞌimatay ngayan it aken.

Marcos 14:17

Pagdelem, namagꞌabut na na Jesus, sang siraan nagat sang puluꞌ baw duwa ngayting mga alagad ya.

Marcos 14:18

Iyan mamagkaꞌen na sira, mampang si Jesus. Maat ya, “Matuud tuy isugid ku ngaytut imyu, nga esat imyu i bayaꞌen it mga kuꞌimatay it aken. Eeꞌ baꞌ, esa nagat imyu nga kaꞌibaan ku ngaytut magkaꞌen kayti.”

Marcos 14:20

Tubagen sira ni Jesus, maat ya, “Esa nagat imyu nga sang puluꞌ baw duwa, esa naga nga kaꞌibaan kut magdiꞌtil situt karung, yanagay bayaꞌen ngayan.

Lucas 22:21

Temed kayti, kaꞌibaan ku naga it magkaꞌen i bayaꞌen it mga kuꞌimatay it aken.

Juan 13:21

Pagkaꞌampang ni Jesus kayti, subung it may ega magkabaraꞌan ya. Aypaꞌ iriyapar ya na, nga magꞌaat, “Kamatuudan tuy ipagꞌaat ku ngaytu, nga may esat imyu situ nga kanyay bayaꞌen it mga kuꞌimatay it aken.”

Juan 13:22

Nagseye-seyeken i mga alagad ya ngayti, ka egay uru-urut nira in siyu manggid it kanira i pagpaꞌiguꞌan yat iti nga inampang ya.

Juan 13:26

Maat i tubag ni Jesus, “Iyan begayan kut idiꞌtil ku nga tinapay, yanayan yan.” Pagkadiꞌtil yat tinapay duꞌut sabaw nga duꞌut didiꞌtilan, ipiyakawaꞌ ya na duꞌut ki Judas ngayting anak ni Simon Iscariote.

Juan 15:16

Ega maat kamu i miniliꞌ it aken. Akuy miniliꞌ it imyu, baw tiyaꞌeg ku kamu nga subuk muwaꞌ kamu it mga buwaꞌ nga maneꞌteꞌ. Aypaꞌ in unuy angutun mi duꞌun it Amaꞌ kat keseg it pakilagpit mit aken, ibgay ya talaga it imyu.

Juan 15:19

In beteꞌ kaꞌuyutan kamu paꞌ it mga ega magpamayaꞌ ngayti, simpri pagmaꞌalen nira kamu ka sang kamuwan. Temed it ega na, sabap it piniliꞌ ku kamu baw subuk ipiyapinpin na kat kadakel ngayti. Aypaꞌ ka isgan nayan nira kamu.

Juan 15:25

Temed nagꞌabut tu isaꞌun lamang matuman i magbebtang duꞌun it kasuratan nira ngayang ampang it Ampuꞌang Diyus nga magꞌaat, ‘Pagꞌisgan nira aku maski egay binwat ku nga dapat isgan.’

Juan 17:12

Mintras iba nira aku, pagtatarimaen ku sira kat keseg it guna mu nga ibinggay mut aken. Inarigraan ku sirat magayen, aypaꞌ maski esa, egay naꞌilang, puyrat iyan taw nga tiyulus yay ikaꞌilang ya, ka pagtuman lamang gasiꞌ it magbebtang duꞌun it kasuratan.

Juan 18:32

Atkayti ka isaꞌun matuman i ipiyagꞌaat ni Jesus pasar it pabetang-betang it kamataynen ya.

Juan 19:24

Namagrunding i mga sundaluꞌ ngayti, maat nira, “Ega rasiken tami i ituꞌun. Magpintuꞌan tami isaꞌun maꞌrutan ta in siyuy makasadili kaytu.” Nagꞌabut i atkayti ngayti isaꞌun matuman i magbebtang duꞌun it kasuratang ampang it Ampuꞌang Diyus, nga magꞌaat, “Biyagiꞌ-bagiꞌ nira i pakayan ku, baw sangbat gasing pakayan ku, piyagpintuꞌanan nira.” Atkayti nga matuud i binwat it mga sundaluꞌ ngayti.

Juan 19:36

Nagꞌabut tuy mga itu isaꞌun nga matuman i magbebtang duꞌun it kasuratan nga magꞌaat, “Egay mabariꞌ nga maski sangbat nga tuꞌlang ya.”

Juan 21:17

Tulung saꞌup i ingkut ngayti ni Jesus ngayting magꞌaat, “Simon nga anak ni Juan, unu talagang, kamatuudan i pagꞌireg mu ngayat aken?” Nasmek si Pedro kat ikatlu ngayting ingkut it kanya, nga magꞌaat, “Unu, pagꞌirgan mu aku?” Tumubag siꞌ si Pedro, maat ya, “Ampuꞌan, talagang magkaꞌrutan mu nay muꞌsang mga bagay. Urut mu na gasiꞌ in sang unuy pagꞌireg kut imu.” “Ta in atkayan,” maat siꞌ ni Jesus, “arigraen mut magayen i mga tupa ku.

Juan 6:70

“Daꞌga baꞌ,” maat ni Jesus, “sang puluꞌ may duwa kamung kataawan i piniliꞌ ku? Takaꞌ yay matuud, may esa nagat imyu nga magnanakem pat nakem it maraꞌe-raꞌet!”

Mga Binwat 1:16

Maat ya, “Mga sulsug ku kat pamayaꞌ, ega mapakay nga ega matuman i magsusurat nga ampang ni David ngaytit tagnaꞌ, kat panakem it Espiritu Santo, pasar it ki Judas ngayti nga nanguꞌnat mga namagdakep it ki Jesus.

Mga Binwat 1:2

seked it aldaw nga piyaꞌuliꞌ na kanya duꞌun it langit, pagkatupus it mga ipiyagꞌaat yat mga piniliꞌ ya ngayti nga mga alagad, nga isingkat yat kanira i buwaten nira kat keseg it Espiritu Santo.

2 Corinto 4:5

Talagang ega sadi-sadili namen i pagpanindegan namen in daꞌga si Cristo Jesus, kanya nga Ampuꞌan tami nga matuud. Baw ipagpabetang namen nga, kat pagsirbi namen it kanya, mga manigsirbi mi gasiꞌ kami.

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.

Mga Ipiyalteg 2:23

Pangimatayen ku gasiꞌ i mga anak ya nga lupaw. Sikayan maꞌrutan it muꞌsang magpamayaꞌ nga aku i manigrikisaꞌ it kaꞌirgan baw in unuy kat nakem it taw. Talagang tumbasan kuy kada esat imyu uyun kat mga pagbuwaten mi.