Juan 13:17 - Tagbanwa

¹⁷ In magkasepsepan mi i itung mga bagay, basta buwaten mi lamang makasagya kamu yan.”

Juan 13:17 Iomraidhean Croise

Genesis 6:22

Ta, muꞌsa ngayting ipiyagꞌaat it Ampuꞌang Diyus nga munaꞌaw ya it ki Noe, siyunud nga muꞌsa ni Noe.

Exodo 40:16

Ta, binwat ni Moises i muꞌsa ngayti nga kumpur ipiyagꞌurdin ngaytit AMPUꞌANG DIYUS.

Mateo 12:50

Sabap in siyu-siyu nga magsunud nga banar it kaꞌirgan it Amaꞌ ku nga duꞌun it langit, sira i bilang inaꞌ ku baw mga sulsug ku.”

Lucas 11:28

Temed timnubag si Jesus, nga magꞌaat, “Yay matuud, subraꞌ pang magkasagya i magpagneg it ampang it Ampuꞌang Diyus baw pagsunudun ya.”

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Roma 2:13

Ka ega maat tumaldeng i taw kat panleteg it Ampuꞌang Diyus in sabap lamang it piyaskelan it mga urdin ya, in daꞌga iyan lamang nga magsunud it mga urdin ngaytu.

Galacia 5:6

In maglalagpit tami nat ki Cristo Jesus talagang ega nay kuwintaꞌ it pagturiꞌ ngaytu in naturiꞌan u ega. Iyan i ega matuduꞌ, kamatuudang pamayaꞌ baw pagsarig it ki Cristo ngaytu nga magkamuyaan kat kadakulat raras tat masigkataw ta.

Santiago 1:25

Temed talagang ildawan i iyan taw nga pagꞌineꞌteꞌen ya nga banar i muꞌsang mga ipiyagꞌurdin nga kaꞌirgan it Ampuꞌang Diyus, nga ampang ya ngaytu, egay kakurangan baw magkabgay it karibriyan. Ildawan kanya basta ega desang pagpagnegan lamang nga basta natupus nalipatan, in daꞌga pasigi nga pagsunudun ya. Ka in atkayan, tabangen kanya it Ampuꞌang Diyus kat muꞌsang pagbuwaten ya.

Santiago 4:17

Aypaꞌ dedemdemen mi tu. Iyan taw nga magkaꞌrutan ya nay in unuy magayen, nga dapat ya nga pagbuwaten, temed ega yay pagbuwaten ya, kasalaꞌan ya naga yan.

Mga Ipiyalteg 22:14

Magkasagya talaga sira nga pirmi nga maglimpiyuꞌ it mga pakayan nira, nga ireg sugiden, pagsinguliꞌan i kada kasalaꞌan isaꞌun maꞌawaꞌ. Ka mabgayan sirat pudir nga semled situt siyudad ngaytu baw kumaꞌen it buwaꞌ it kayu ngaytu nga magbegay it kaꞌgenan.