Juan 13:14 - Tagbanwa

¹⁴ Kayti it aku nga Ampuꞌan baw Manigtulduꞌ mi, miyugas it mga aꞌay mi, kaꞌilangan nga kamu, atkayan naga nga mugas it aꞌay it esa may esat imyu.

Juan 13:14 Iomraidhean Croise

Juan 11:2

Si Maria na ngayti, mabut i aldaw nga muꞌbuꞌ kanya it babangluun duꞌun it aꞌay it Ampuꞌan nga si Jesus bawnga tarapuwan yat buꞌuk ya. Ta it magsarut ngayti si Lazaro,

Mga Binwat 20:35

Atkaytuy binwat ku isaꞌun sana guruun mi gasiꞌ, nga matiyabangen kamu it beken, iyan nga mga marurupuk baw beken nga makukuriꞌ. Ka daꞌga baꞌ inaat it Ampuꞌan nga si Jesus nga subrang magkasagya i taw nga pirming magbegay, subraꞌ paꞌ kat taw nga pagbegayan?”

Roma 12:10

Kaꞌilangan magsigraras kamu it esa may esa baw magsiggalang nga subung kamut sang sulsugan, nga raras mi it maꞌiba mi, subraꞌ paꞌ it raras mi it sadili mi.

Roma 12:16

Kaꞌilangan, pabetang mi it esa may esa, surubung. Ega maat pataꞌas-taꞌas kamu baw ega raꞌwayen mi i beken nga maat raꞌyat u timawaꞌ, in daꞌga iba-ibaen mi nagat magayen. Ega ipabetang mi nga kamu nay subrang makaꞌrut.

1 Corinto 12:3

Aypaꞌ, kayti, isaꞌun daꞌkamu maꞌakalan, itulduꞌ ku nat imyu in magꞌuꞌunu matantuwan mi in Espiritu Santo talaga i garing it pagꞌampangen it esang taw u ega. Ipagpaꞌrut kut imyu nga ega maꞌampang it taw nga pagsasaruman it Espiritu Santo i ampang nga magꞌaat, “Sana maꞌiguꞌ si Jesus it panriga nga sumpa it Ampuꞌang Diyus!” Baw ega gasiꞌ maꞌampang it maski siyu i magꞌaat, “Kamatuudang Ampuꞌan si Jesus,” basta ega pagpadisiran kanya it Espiritu Santo.

1 Corinto 8:13

Aypaꞌ ka in sabap it pangaꞌen makapakursud kat kasalaꞌan i sulsug ku kat pamayaꞌ, seked talaga it kaꞌnu-kaꞌnu ega na lamang kumaꞌen aku it karniꞌ nga ipiyagsalisi isaꞌun ega makapakursud ku kanya kat kasalaꞌan.

2 Corinto 10:1

Ta kayti, may ipagpakiꞌupakat kut imyu, aku nga si Pablo nga pagꞌaaten it beken nga in duꞌun gat alaid maꞌiseg i nakem ya mampang it mga mabeꞌgat nga sugi-sugid, temed in nagꞌada-adapen, ega na magkaꞌurum mampang it atkayan. Sana magpatibayaꞌ tami nga pirmi it ki Cristo, nga mapiyalulus baw nakman.

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Galacia 5:13

Mga sulsug ku, kat pabetang-betang it Ampuꞌang Diyus, liꞌwan kamu na kat panguripen it mga urdin ngayti nga ipiyaskel it ki Moises. Temed maski atkayan na, ega pikiren mi nga mapakay nang sumbayaꞌen i maski unu nga maraꞌway nga kaꞌirgan it bilug, in daꞌga, kat kadakulat raras mi it maꞌiba mi, magsigsirbi kamu it esa may esa.

Filipos 2:11

Baw kapuꞌsaan ngaytu, pamatuud sira nga si Jesu-Cristo ngaytu, Ampuꞌan talaga kanya, kat ikabantug gasiꞌ it Diyus Amaꞌ.

1 Timoteo 5:10

Kaꞌilangan gasiꞌ nga matanug i mga adat yang magagayen, nga piyadisiran yat magayen i mga anak ya baw pagꞌistimaren yat magayen i mga taw nga magpaꞌabut duꞌut kanya. Egay pagdaꞌgaen ya nga pagsirbi it mga kaꞌibaan ya nga magpamayaꞌ. Pagtabangen yay mga magkakuriꞌan. Baw kaꞌlay ngaytu, yanay pagragaen ya, muꞌsang mga buwat nga magayen.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

1 Pedro 4:1

Dakulay siyagkaꞌ ni Cristo nga kakuriꞌan, iyan situ paꞌ kanyat banwa. Aypaꞌ kaꞌilangan tingled nay nakem ta nga pasbung it kanya nga masagkaꞌ. Sabap in siyu nga ega magdaꞌga it kakuriꞌan nga magꞌabut it bilug ya, talagang magpamatuud nga ega na pagbebegbegan kanya it kasalaꞌan.

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”