Juan 13:1 - Tagbanwa

¹ Naꞌbut nay papuꞌun na it Pistaꞌ ngaytit Tiyaꞌliban. Si Jesus ngayti, magkaꞌrutan ya nang lagi nga naꞌbut nay timpu nga ilꞌid ya situt banwa ngaytu, ka muliꞌ na duꞌun it Amaꞌ ya. Talagang pagmaꞌalen yay mga alagad ya nga situt banwa ngaytu. Ta kayti, ipiyalteg ya na in sang unuy kadakulat pagmaꞌal ya ngayti it kanira.

Juan 13:1 Iomraidhean Croise

Mateo 26:45

Pagkapanalangin ya, piyaꞌuliꞌan ya siꞌ i tulu ngayti. Pagꞌabut ya, maat ya, “Unu, magꞌigaꞌ kamu paꞌ, kupapaꞌna ga lamang? Siguru naꞌbut nay uras nga nakadagang aku na nga Taga Langit nga Ipiyanganak it Taw. Ipaꞌalima aku na duꞌun it mga taw nga makasalaꞌan.

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Lucas 22:53

It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun. Takaꞌ kayti na ngaytu nga delem, piyaꞌintulutan kamu nga makatimpu. Baw piyabayaꞌan na si Satanas nga tabusun yay kubwaten ya nga karaꞌe-raꞌetan.”

Lucas 9:51

Iyan magꞌadeꞌdeng nay timpu nga muliꞌ na si Jesus duꞌun it langit, ipagpadaꞌeg ya na kat nakem ya i paꞌaduꞌun nat Jerusalem.

Juan 11:55

Magꞌadeꞌdeng siꞌ i pistaꞌ it mga Judio ngayting pagpangaranat Pistaꞌ it Tiyaꞌliban. Dakel nga taga prubinsiya nga naꞌaduꞌut Jerusalem parabir mabut i pistaꞌ, isaꞌun mabwat nira i mga kaꞌugaliꞌan nira nga panlimpiyuꞌ.

Juan 12:23

Katubag si Jesus, nga maat ya, “Naꞌbut nay timpu nga makapaliꞌwan nay kabantugan it Taga Langit nga Ipiyanganak it Taw.

Juan 13:29

Sabap si Judas ngayti i magseskel it pirak nira, tanud niraytu, pagtaꞌgen si Judas it mangalang it kaꞌilangan nirat pistaꞌ, u pagtaꞌgen kanyat mamgay duꞌun it mga makukuriꞌ.

Juan 13:3

Urut talaga ni Jesus nga ibinggay nat kanya it Amaꞌ i muꞌsang pudir. Baw urut ya nga kanya, egay beken nga giyaringan ya, duꞌun it Ampuꞌang Diyus, baw duꞌun nagat Ampuꞌang Diyus i uliꞌan ya.

Juan 13:34

Itu nay baꞌgung urdin nga ibgay kut imyu. Kaꞌilangan nga magsigraras kamu it esa may esa. In magꞌuꞌunu i raras kut imyu, atkayan nagang pirmi i raras mit esa may esa.

Juan 14:28

Isiyugid ku nang lagit imyu nga magliꞌid aku temed paꞌuliꞌ aku naga. In talagang pagmaꞌalen mi aku, sagyaan mi i panguliꞌ ku ngaytu duꞌut Amaꞌ, sabap subrang mataꞌas i Amaꞌ, subraꞌ paꞌ it aken.

Juan 14:31

Temed it isaꞌun matantuwan it kadaklan situt sinirungat langit nga pagmaꞌalen ku nga banar i Amaꞌ, tumanen ku talagay piyapaꞌasituwan yat aken. Tindeg kamu na ka tami na.”

Juan 16:28

Talagang garing aku duꞌut Amaꞌ bawnga limnampud aku nga naꞌasitut banwa ngaytu. Ta kayti, limꞌid aku na situt sinirungat langit ka muliꞌ aku na duꞌun it Amaꞌ.”

Juan 17:1

Pagkatupus it iting pagꞌampangen ni Jesus, timningaraꞌ kanya duꞌut langit bawnga nanalangin. Maat ya, “Amaꞌ, naꞌbut nay timpu. Buwaten mu nga maltegan i kabantugan it Anak mu, isaꞌun kat buwaten ku nga Anak mu, ipalteg ku i kadakulat kabantugan mu.

Juan 17:16

Ega na sinakepan sirat karaꞌe-raꞌetan ya ngayti sabap, subung na sirat aken nga ega taga sinit banwa ngayni.

Juan 17:26

Ipiyakilala ku na ikaw sinit kanira baw tamaran ku pay pakilala ngaytu isaꞌun, in magꞌuꞌunu pagmaꞌalen mu aku, atkayan nagay pagmaꞌal nira. Baw beken, isaꞌun aku nagay kaꞌibaan nirang pirmi kat Espiritu Santo nga pasarum duꞌut kanira.”

Juan 17:5

Aypaꞌ kayti, Amaꞌ, in asan aku sit imu, ibgay mu sit aken i kabantugan nga aken nang lagi, iyan asan aku paꞌ ngayat imu, parabir giyuna i banwa ngaytu.”

Juan 18:4

Magkaꞌrutan nang lagi ni Jesus i muꞌsa nga madnaꞌan ya, aypaꞌ siyusmu ya na sira baw iningkut ya, nga magꞌaat, “Siyuy pagtulusun mi?”

Juan 19:28

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Juan 2:13

Iyan masepek nay ipagpistaꞌ it mga Judio it pistaꞌ nira nga pagpangaranat Tiyaꞌliban, nagpaJerusalem si Jesus.

Juan 6:4

Magꞌadeꞌdeng siꞌ i ipagpistaꞌ it mga Judio it Pistaꞌ it Tiyaꞌliban.

Juan 7:30

Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 7:6

Maat i tubag ni Jesus it kanira, “Ega paꞌ kayti i ibinggay it aken nga iꞌaduꞌun. Iyan imyu, maski unu nga timpu mapakay nga paꞌaduꞌun kamu.

Juan 8:20

Mga itu ngaytu, inampang ni Jesus iyan magpanulduꞌ kanya duꞌun it esang bagiꞌ it Templo nga duꞌun manggid it adeꞌdeng it mga berebtangan it bilang ipagbegay it mga taw duꞌun it Ampuꞌang Diyus. Temed ega naga diyakep kanya it maski siyu, ka ega paꞌ naꞌbut i ipiyabetang-betang nga timpu.

Roma 8:37

Temed, kat muꞌsa ngaytung mga kakuriꞌan nga magkalabayan tami, kabilangan ta, landaw talaga it piyakamagayen nga mandadaꞌeg, sabap it subraꞌ nga pagsisiguruun tami i ega basta-basta ngaytung raras ni Cristo it aten.

1 Corinto 1:8

Baw esa gasing ildaw ya, seked it umur it banwa papaꞌgenen ya kamu kat pamayaꞌ mi isaꞌun egay maꞌiway it imyu in asan nat aldaw nga ipaꞌuliꞌ it Ampuꞌan tami nga si Jesu-Cristo nga mangukuman.

Hebreo 3:14

Sabap, kita ngaytu, kaꞌiba-iba na ni Cristo basta seked it umur, maneꞌteꞌ nga mapaꞌgen i kasiguruwan ta nga kamatuudan i mga bagay pasar it ki Cristo ngaytu nga pagpamayaꞌnen ta garing it tagnaꞌ paꞌ.

Hebreo 3:6

Temed si Cristo ngaytu, kamatuudan gasiꞌ i pagsirbi ya, takaꞌ ega lamang manigsirbi kanya kat pamalay-balay it Ampuꞌang Diyus in daꞌga pagbayaꞌen, ka Anak kanya it Tagbalay. Ta kita na ngaytu i paꞌaaten nga pamalay-balay it Ampuꞌang Diyus in seklen tat maꞌingget baw ega ipagꞌeyaꞌ tami i pagsunud tat kanya, baw ipagꞌunay tat masagyang-masagya i pagꞌinawar tami it muꞌsa nga isiyanggup yat aten.

Hebreo 6:11

Temed yay kaꞌirgan ku nga kada esat imyu i magpaꞌres it atkaytu nga pagbuwaten seked it pamaꞌuliꞌ situ it Ampuꞌan, isaꞌun subraꞌ nga mapaꞌgen i kasiguruwan mi it muꞌsa nga pagꞌiꞌinawaren tami nga mga magpamayaꞌ it kanya.

1 Pedro 1:13

Aypaꞌ kayti, ipaꞌabwatay mi i pikiran mi, nga magꞌaꞌalistu na. Kaꞌilangan pagsupilen mit magayen i sadili mi. Baw tingleden mi i inawar mi kat karibriyan nga iꞌildaw it imyu ni Jesu-Cristo asan it aldaw nga ipaꞌuliꞌ ya situ.

1 Juan 4:19

Yay matuud, may pagmaꞌal baw kararas tami nay aten sabap it pagmaꞌalen baw pagrarasan ta nga lagi it Ampuꞌang Diyus.

Mga Ipiyalteg 1:5

Kanya ngaytung si Jesu-Cristo, purus kamatuudan i kumpur ipagpamatuud ya. Iti, inggen kanyat Ampuꞌang Diyus it paꞌuliꞌ. Talagang kanya i piyakamataꞌas kat muꞌsang egnen paꞌ it paꞌuliꞌ. Baw kanya ngaytu i magbebegbeg it maski siyung magsasakep nga subuk mga adiꞌ situt sinirungat langit. Sana bantugun tami si Jesu-Cristo, nga magraras talaga it aten. Sabap kat kamataynen ya, nga ipiyaturuꞌ yay duguꞌ ya, ipiyaliꞌwan ya na kita kat panguripen it kasalaꞌan.