Juan 12:5 - Tagbanwa

⁵ “Unuka ega ipiyaꞌalang i babangluun ngayan, isaꞌun bayad ya ibgay duꞌut mga makukuriꞌ? Siguradu yang rega ya, kasbung it inaldaw it sang taꞌun.”

Juan 12:5 Iomraidhean Croise

Exodo 5:17

Katubag i adiꞌ ngayti, “Magarus kamung banar! Ega lamang kubwat kamu, aypaꞌ pagꞌingeꞌreten mi nga ipalugut ta kamu nga mapanaw ka sumamba kamut AMPUꞌANG DIYUS mi.

Exodo 5:8

Temed siguruun mi nga kadakel it ipagbuwat-buwat ngayti nga buwaten nira, subung naga it tagnaꞌ ngayti. Ega pakurangan it maski sangbat. Mamaggarus lamang yan sira, aypaꞌ yan mamagpamꞌun it manamba sirat Ampuꞌang Diyus nira.

Mateo 18:28

Ega naꞌlay it panaw it magꞌuliꞌ ngayti, naragpangan yay esa nga ipiyagkamanigsirbi ya, nga magꞌuꞌutang duꞌun it kanya it kantidad lamang it limang gatus. Riyusuban yang lagi baw biniꞌkel, dengan i ampang ya nga magꞌaat, ‘Sigi, bayadan mu nay utang mu kayti!’

Mateo 20:2

Pagkaparag ya, nagꞌupakat na sirat tangdan nga ustung tangdan it magꞌapun. Ta it napakay nat murnal ngayti, piyapaꞌaduꞌun ya nat ubasan ya ngayti.

Lucas 12:33

Sigi, ipaꞌalang mi nay mga kusas mi, bawnga ipamagiꞌ mit mga makukuriꞌ. Yay magayen, riminut it kamanggadan nga duꞌun it langit, nga kabilangan ya, subung it berebtangat pirak nga ega magkaranggaꞌ baw ega gasiꞌ magkawaraꞌan. Sabap iyan i kamanggadan nga ega magkatakaw baw ega magkaketket it tanga.

Lucas 18:22

Pagkagneg ni Jesus kayti, maat ya siꞌ, “May esa paꞌ nga bagay nga magkakurangan mu. Ipaꞌalang muy muꞌsang mga kusas mu bawnga iyan bayad ya, pamagiꞌ-bagiꞌen mu kat mga makukuriꞌ. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Lucas 6:41

Taꞌway in unuka, in puling gat beken nga kapu-kapu lamang, iyan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang.

Juan 12:4

Pagkamuya it esang alagad nga si Judas Iscariote, nga iti nga taw, mabut i timpu nga subuk idagang ya si Jesus, maat ya,

Juan 12:6

Iti nga inampang ni Judas, ega maat matuud nga may ildaw yat mga makukuriꞌ, in daꞌga sabap it, kanya, mananakaw. Kanya i magkekpet it pundu nira. Sumang kaꞌanu may paglimat-limaten ya na.

Juan 13:29

Sabap si Judas ngayti i magseskel it pirak nira, tanud niraytu, pagtaꞌgen si Judas it mangalang it kaꞌilangan nirat pistaꞌ, u pagtaꞌgen kanyat mamgay duꞌun it mga makukuriꞌ.

Juan 6:7

Katubag si Felipe, maat ya, “Bilaꞌ, maski beteꞌ tagdedekeyeꞌ lamang i ipamgay it kanira, tinapay nga maꞌalang it tangdan it balit walung bulan i binwatan, ega talaga manepay-tepay it yanayan ngayang kadakel it taw.”