Juan 12:48 - Tagbanwa

⁴⁸ May mukuman yan it kumpur magpandaꞌga it aken baw ega magpamayaꞌ it mga inampang ku. Iyan mga ampang ngaytu nga nakasugid ku na, iyan i mukuman it kanya asan it umur it banwa.

Juan 12:48 Iomraidhean Croise

Isaias 53:3

Tiyeger-teger kanya it mga taw baw diyaꞌga. Talagang dakulay magkasmekan ya baw dakulaꞌ gasiꞌ i pasakit it taw it kanya. Egay maski nagpatiklib it semyek duꞌut kanya it seyek nga may sanguꞌ. Talagang tinibabaꞌ ta kanya, nga ipiyabetang ta nga egay kakapulusan.

Mateo 10:15

Talagang matuud tuy iꞌaat ku ngaytut imyu nga in asan nat aldaw nga ipangukuman, subraꞌ paꞌ nga mabeꞌgat i panriga it iti nga mga taw duꞌun it iti nga lansangan, subraꞌ paꞌ kat labayen it mga taga Sodoma baw taga Gomorra.”

Mateo 21:42

Miningkut siꞌ si Jesus it kanira. “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay. Talagang binwat tu it Ampuꞌang Diyus, baw kalililuꞌan talaga.’

Mateo 25:31

Ipiyasigi ni Jesus, nga maat ya, “In mabut aku nga Taga Langit nga Ipiyanganak it Taw, nga maꞌyag nay kabantugan ku baw kaꞌibaan kuy muꞌsang mga anghil, madung aku na duꞌun it ega basta-bastang araꞌdungan it adiꞌ.

Marcos 12:10

Bawnga miningkut si Jesus, “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay.

Marcos 16:16

Siyu-siyu nga pakimatuud baw mamayaꞌ baw pabawtis, siguradu yan nga maribri. Temed in siyuy ega mamayaꞌ, siguradu yan nga ukumanan it panriga.

Marcos 8:31

Egay beken, ipiyapuꞌun na ni Jesus it paꞌrut it mga alagad ya nga, kanya nga Taga Langit nga Ipiyanganak it Taw, dakel-dakel na nga kakuriꞌan i malabayan ya. Tibabaꞌen kanya it mga mataꞌas nga ginuꞌu, mga pagbayaꞌen it sasirduti baw mga manigpaꞌyag it urdin, baw imatayen paꞌ kanya. Temed pagꞌikatlung aldaw, maꞌgen naga kanya it paꞌuliꞌ.

Lucas 10:16

Maat pay paꞌugdun ni Jesus duꞌun it mga alagad ya, “Iyan magpagneg it imyu, aku yan i pagpagnegan nira. Iyan gasiꞌ magpandaꞌga it imyu, magpandaꞌga gasiꞌ yan it aken. Baw iyan magpandaꞌga it aken, magpandaꞌga gasiꞌ yan it Amaꞌ ku nga nagtaꞌeg it aken.”

Lucas 17:25

Temed kaꞌilangan lumabay aku daꞌan it dakel-dakel nga kakuriꞌan baw tibabaꞌen aku it mga taw it kayti na ngaytu.

Lucas 20:17

Tiyermek sira ni Jesus it semyek baw iningkut ya. “Ta in atkayan,” maat ya, “unuy ireg sugiden it itu nga isiyurat nga ampang it Ampuꞌang Diyus nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay.’

Lucas 7:30

Temed kadaklan it mga Pariseo baw manigpaꞌyag it urdin, diyaꞌga nira i pabetang-betang it Ampuꞌang Diyus sabap it kanira, nga daꞌsira nagpabawtis it ki Juan.

Lucas 9:22

Baw maat pay beken nga ipiyagꞌaat ni Jesus it mga alagad ya, “Aku nga Taga Langit nga Ipiyanganak it Taw, dakel-dakel nga kakuriꞌan i malabayan ku. Tibabaꞌen aku it mga mataꞌas nga ginuꞌu, mga pagbayaꞌen it sasirduti baw mga manigpaꞌyag it urdin, baw imatayen aku paꞌ. Temed ikatlung aldaw, egnen aku naga it paꞌuliꞌ.”

Lucas 9:26

Yay matuud, in siyu-siyu nga iꞌyaꞌ yay pasakep it aken baw pakimatuud ya it ampang ku, talagang aku nga Taga Langit nga Ipiyanganak it Taw, iꞌyaꞌ ku naga kanya, pagpaꞌuliꞌ ku siꞌ situ. Eeꞌ baꞌ, paꞌuliꞌ aku siꞌ situ, nga matanyag nay kabantugan ku baw kabantugan it Amaꞌ ku nga situ nat aken, baw kaꞌibaan kuy ega babasta-bastaeng mga anghil.

Juan 11:24

Katubag si Marta, maat ya, “Talagang magkaꞌrutan ku nga magꞌegen naga kanya kat umur it banwa in egnen siꞌ i kumpur miyatay.”

Juan 5:45

Ega pikiren mi nga akuy dimimanda it imyu duꞌun it Amaꞌ. In daꞌga iyan si Moises, nga mga kasuratan yay pagpanggaringan it pagꞌiꞌinawaren mi, kanya i dimimanda it imyu.

Juan 6:39

Ka ituytu i kaꞌirgan ya, ega pataꞌnan ku na lamang nga maꞌilang i maski esa nga ibinggay ya it aken, in daꞌga egnen sirang muꞌsa asan it umur nat banwa.

Juan 8:47

Iyan kat Ampuꞌang Diyus nga mga taw, talagang magpagneg sira it ampang ya. Temed daꞌkamuy imyu kat Ampuꞌang Diyus. Aypaꞌ ka daꞌkamu magpagneg it ampang ya ngaytu.”

Mga Binwat 17:31

Ka ipiyabetang-betang ya nga lagi i aldaw nga ipangukuman ya it muꞌsang taw kat mga kasalaꞌan nira. May esang taw nga ipiyatindeg ya nga mangukuman, baw mataldeng i pangukuman ya ngaytu. Kamatuudan it kanya i ipiyatindeg it Ampuꞌang Diyus, natay kanya bawnga inggen kanyat Ampuꞌang Diyus it paꞌuliꞌ.”

Mga Binwat 3:23

Ka in siyuy ega sumunud it itung prupitaꞌ, talagang mabeꞌgat i panriga it kanya, ka maꞌiriꞌ kanya kat mga taawan it Ampuꞌang Diyus.’

Roma 2:16

Ega lipaten it Ampuꞌang Diyus i muꞌsa ngaytu kat aldaw ngayan nga ipaꞌalima ya nat ki Cristo Jesus i pangukuman it muꞌsang binwat it katataawan, maski mga pagbuwaten nga ipagtagu-taguꞌ nira kayti. Ituy ipagpangadal ku kat Magayen ngaytung Baritaꞌ.

2 Corinto 4:3

In beteꞌ subuk magtataguꞌ paꞌ i paꞌaaten it Magayen ngaytung Baritaꞌ nga ipagpangadal namen, pagsisiguruun ku nga atkaytu lamang kat mga taw nga kamatayneng panriga nga egay kaskedan i abutun.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

Hebreo 10:25

Kaꞌilangan gasiꞌ nga ega beteꞌ buwaten ta nga papanemdeman i pagtingped tami nga sumamba it Ampuꞌang Diyus, nga subuk adat it mga beken. In daꞌga iyan i magayen, pirmi nga paksegen i pamayaꞌ it esa may esa, subraꞌ na kayti nga subuk pagsisiguruun ta na nga magꞌadeꞌdeng nay pamaꞌuliꞌ it Ampuꞌan situt banwa nga mangukuman.

Hebreo 12:25

Aypaꞌ magꞌintur kamu nga ega pasngelan mi i ampang it Ampuꞌang Diyus. Ka iyan ega simnunud it ampang ya nga garing duꞌut Bukid it Sinai it tagnaꞌ, ega talaga nakaribri sira it panriga. Ta, subraꞌ na kayti in pasngelan tami i ampang ya nga taban ni Jesus nga ipiyalampud ya nga garing duꞌut langit.

Hebreo 2:3

Ta, in atkayan, siguradung daꞌtami makapalagyu in baliwalaꞌen tami paꞌ i karibriyan ngaytung ega basta-basta. Ampuꞌan nga si Jesus i uꞌnang nagpaꞌyag it karibriyan ngaytu bawnga, iyan mga nakagneg it kanya, ipiyagpamatuud nira gasit aten.

Hebreo 4:12

Sabap, iyan ampang it Ampuꞌang Diyus, ega lulugud-lugudun. Dakulay magkabwat ya. Kaꞌaat ka egen talaga baw matarem. Kabilangan ya, subraꞌ pang matarem it basiꞌ nga limbak tarem. Pagtaꞌseben ya i pati nakem baw pikiran it taw. Aypaꞌ maski unu nga pagꞌantapen u pagkubwaten it taw, pagkutkutun nga banar it ampang ya ngaytu.

1 Pedro 1:5

Ta sabap it pagsarig baw pamayaꞌ mi it kanya, pagtatarimaen kamu nga pirmi kat guna it Ampuꞌang Diyus, mintras pagꞌeꞌlaten mi i karibriyan nga tumanen ya baw itanyag asan it umur nat banwa.

2 Pedro 3:3

Uꞌnat muꞌsa nga kaꞌilangan mi nga maꞌrutan, in magdadarapaꞌ nay umur it banwa, abutun kamu it mga mamagsumbayaꞌ it sadiling kaꞌirgan nga maraꞌe-raꞌet, baw buwaten nira na kamu nga kasesleman sabap it pamayaꞌ mi.

2 Pedro 3:7

Baw ta, talagang mabut siꞌ nga, kat keseg nagaytut ampang ya, ranggaꞌen ya siꞌ i ega na desang banwa, in daꞌga pati langit gasiꞌ, ka antengen ya na. Magꞌaꞌareg i panranggaꞌ ngaytu kat aldaw nga ipangukuman, nga rigaen ya nat ega makatindeg i mga taw nga pirming pagkuntraꞌen niray kaꞌirgan ya.

1 Samuel 8:7

Tiyubag kanya it AMPUꞌANG DIYUS, nga magꞌaat, “Sunudun mu nay pagꞌangutun it mga taw ngayan, ka yay matuud, ega yan ikaw i pagdaꞌkuun nira, in daꞌga akuy pagdaꞌkuun nirang mamaalaꞌ it kanira.