Juan 12:45 - Tagbanwa

⁴⁵ Baw iyan magleteg it aken, magkaltegan ya nay nagtaꞌeg ngayti it aken.

Juan 12:45 Iomraidhean Croise

Juan 12:41

Inampang ni Isaias i atkayti sabap it ipiyalteg it kanya in sang unuy kabantugan it mabut nga Cristo, aypaꞌ inampang yay atkayti pasar it kanya.

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

Colosas 1:15

Duꞌut ki Cristo ngayti ipiyalteg nat aten in magꞌuꞌunu i Ampuꞌang Diyus nga ega magkaltegan. Baw may kataꞌasan ya nga subrat kataꞌasan it muꞌsang mga giyunang bagay nga may ginawa, subung nagat kataꞌasan it panganay nga anak kat mga ariꞌ ya.

Hebreo 1:3

Duꞌun it Anak ya subuk magsingkar i kabantugan it Ampuꞌang Diyus sabap in magꞌuꞌunu i Ampuꞌang Diyus, atkayan nagay Anak ya ngaytu. Kat keseg it ampang it Anak ya ngaytu, kanya na i magꞌaꞌalima baw magtaban it muꞌsang bagay. Pagkabwat yat panlimpiyuꞌ it kasalaꞌan it taw, miyadung na kanya duꞌun it iwanang ayun it landaw nga gunaan nga Ampuꞌang Diyus nga duꞌun it langit.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.