Juan 12:42 - Tagbanwa

⁴² Takaꞌ maski atkayti na, maski mga pagbayaꞌen it mga Judio, dakel na nga namayaꞌ it ki Jesus ngayti. Temed pataguꞌ-taguꞌ lamang i pamayaꞌ nira, ega pagꞌaminen nira, ka magpaꞌelak sirat mga Pariseo, ka barang awaꞌen sira duꞌun it papagsambaan, nga ega na uyut it pagkaJudio.

Juan 12:42 Iomraidhean Croise

Mateo 10:32

Yay matuud, in siyu-siyu nga magkilala it aken kat adapan it kadadaklan it taw, kilalaen ku gasiꞌ kanya duꞌun it adapan it Amaꞌ ku nga duꞌun it langit.

Lucas 12:8

Maat siꞌ ni Jesus, “Itu gasiꞌ i iꞌaat kut imyu. In siyu-siyuy magkilala it aken kat adapan it kadadaklan it taw, kilalaen gasiꞌ kanya it Taga Langit nga Ipiyanganak it Taw kat adapan it mga anghil it Ampuꞌang Diyus.

Lucas 23:13

Tiningped ni Pilato i mga pagbayaꞌen it sasirduti, mga mataꞌas nga ginuꞌu baw kadakel it mga taw.

Lucas 6:22

Magkasagya kamu in pagꞌisgan kamu, pagpakitabugan baw pagtibabaꞌen it masigkataw mi, nga pati ngaran mi pagraꞌwayen nira, sabap it magpamayaꞌ kamu nat aken nga Taga Langit nga Ipiyanganak it Taw.

Juan 11:45

Mga Judio ngayting mamagbanga-bangay it ki Maria, naltegan nira i binwat ngayti ni Jesus nga inggen ya siꞌ si Lazaro it paꞌuliꞌ. Aypaꞌ dakel siray namayaꞌ nat ki Jesus.

Juan 12:11

Ka sabap it kanya, dakel nay mga Judio nga nagpablag nat kanira, ka namayaꞌ nat ki Jesus.

Juan 16:2

Siguradu yang awaꞌen i pagkaJudio mi. Mabut i timpu nga in siyu-siyuy mimatay it imyu, kat pasepsep ya, tanud ya magayeng ipagsirbi duꞌun it Ampuꞌang Diyus i pagbuwaten ya ngayti.

Juan 19:38

Ega naꞌlay, may miyabut na duꞌut ki Pilato ngayti nga esang taw nga taga Arimatea, ngaran ya si Jose. Esa kanya gasiꞌ nga magpamayaꞌ it ki Jesus, temed ega magpabisik-bisik ka magꞌiꞌlam it kaꞌibaan yang mga Judio. Inangut ya nga pisiꞌen yay bilug ni Jesus ka ilbeng ya. Ipiyalugut ni Pilato ngayti it kanya, aypaꞌ inaduꞌun ya na ka pinsiꞌ.

Juan 3:2

Kaꞌsang delem nanungbalay kanya duꞌut ki Jesus. Maat ya, “Manigtulduꞌ, magkaꞌrutan namen nga esa ka nga Manigtulduꞌ nga ipiyatindeg it Ampuꞌang Diyus, sabap egay magkabwat it mga kalililuꞌang bagay nga subuk imu nga pamagbuwaten, in daꞌga pagtabangen kanyat Ampuꞌang Diyus.”

Juan 7:13

Temed yanayti, ega ipagpabusak-busak nira duꞌun it kadadaklan ka magꞌiꞌlam sirat mga pagbayaꞌen nira.

Juan 7:31

Temed dakel naga sira nga magpakimatuud it kanya. Maamaatan sira, “Unu sadaw, in paꞌasitu na ngayan i Cristo ngayang paꞌaaten, makabwat kanya it mga tandaꞌanan nga kalililuꞌang bagay nga subraꞌ paꞌ it magkabwat it itung taw?”

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

Juan 9:34

Kaꞌampang siꞌ i mga Pariseo ngayti, maat nira, “Ipiyanganak ka nga makasalaꞌan nga banar. Kayti ikaw pay manulduꞌ it amen!” Pagkaꞌampang nira kayti, inimugaw na nira.

Mga Binwat 5:41

Ta it atkayti i nabetangan it mga apustul, masagyang-masagya sirang gimnaring duꞌun it Sanedrin ngayti, ka binggayan sirat Ampuꞌang Diyus it galang, ka piyalabay ya sira it kaꞌeꞌyaꞌan sabap it pakilagpit nirat ki Jesus.

Roma 10:10

Sabap in tingled talagay pamayaꞌ baw pagsarig ta, yay ikapisiꞌ tat italdeng kat panleteg it Ampuꞌang Diyus. Baw in mayaꞌngan nay dilaꞌ tat magpamatuud it pasar it pamayaꞌ baw pagsarig ta ngaytu, siguradu nay karibriyan ta.

1 Juan 4:15

Ta kayti, in siyuy magpamatuud nga si Jesus, Anak kanya it Ampuꞌang Diyus, talagang pagteꞌteꞌan kanya it Ampuꞌang Diyus baw kanya, teꞌteꞌ na gasiꞌ duꞌun it Ampuꞌang Diyus ngaytu.

1 Juan 4:2

Magꞌaꞌatkaytu yan i ikaꞌrut mi in talagang Espiritu Santo nga piyapasarum it Ampuꞌang Diyus i magpanakem it esang taw. Iyan nga magpamatuud nga si Jesu-Cristo, nagbalyu talaga nga taw nga banar baw limnampud situt banwa, siguradung Espiritu Santo it Ampuꞌang Diyus i magpanakem it kanya.