Juan 12:41 - Tagbanwa

⁴¹ Inampang ni Isaias i atkayti sabap it ipiyalteg it kanya in sang unuy kabantugan it mabut nga Cristo, aypaꞌ inampang yay atkayti pasar it kanya.

Juan 12:41 Iomraidhean Croise

Lucas 24:27

Bawnga ipiyaꞌyag ni Jesus it kanira i muꞌsa nga inaat duꞌun it kasuratan nga ampang it Ampuꞌang Diyus, nga kanya i pagpaꞌiguꞌan, gimnaring duꞌun it mga isiyurat ni Moises seked duꞌun it isiyurat it muꞌsang mga prupitaꞌ.

Juan 1:14

Si Jesus ngaytung pagpangaranat Ampang, nagbalyung taw bawnga nanaꞌidan situt banwa nga kaꞌibaan tami. Nagpasar tu kat mata namen i kabantugan ya, nga kabantugan ya ngaytu, kabantugan it paeꞌesa-esang Anak it Diyus Amaꞌ. Natantuwan namen gasiꞌ i kadakulat ildaw ya baw kamatuudan talaga i muꞌsang ipiyaliꞌwan ya.

Juan 1:18

Talagang garing paꞌ it tagnaꞌ, egay maski siyu nga nakalteg it Diyus Amaꞌ. Temed kayti subuk naltegan ta na kanya, ka ipiyaꞌyag nat aten it paeꞌesa-esa ngaytu nga pagmaꞌa-maꞌalen yang Anak i pasar it Diyus Amaꞌ ngaytu.

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Mga Binwat 10:43

Kanya na ngaytu gasiꞌ i ipagpamatuud ngayat muꞌsang mga prupitaꞌ it tagnaꞌ nga magꞌaat i isiyurat nira, in siyu-siyuy mamayaꞌ baw sumarig it kanya, pasinsiyaen i mga kasalaꞌan nira kat buwaten ya nga panribri.”

2 Corinto 4:6

Kayti naꞌyagan tami na ka iyan Ampuꞌang Diyus, kanya nga nagguna it eyag kat keseg it ampang ya isaꞌun ega bulun nga kadleman, kanya nagay minggay it eyag kat pikiran tami isaꞌun makilalaan tami nga banar i kabantugan ya nga magkatantuwan duꞌun it ki Cristo.

Hebreo 1:3

Duꞌun it Anak ya subuk magsingkar i kabantugan it Ampuꞌang Diyus sabap in magꞌuꞌunu i Ampuꞌang Diyus, atkayan nagay Anak ya ngaytu. Kat keseg it ampang it Anak ya ngaytu, kanya na i magꞌaꞌalima baw magtaban it muꞌsang bagay. Pagkabwat yat panlimpiyuꞌ it kasalaꞌan it taw, miyadung na kanya duꞌun it iwanang ayun it landaw nga gunaan nga Ampuꞌang Diyus nga duꞌun it langit.

1 Pedro 1:11

Ka ireg nirang ireg matantuwan in kaꞌnung timpu baw in magꞌuꞌunu-unuytu magꞌabut i mga bagay nga ipiyagpasugid it kanira it Espiritu Santo ni Cristo. Sabap egay beken nga pagpaꞌiguꞌan it mga ipiyagpasugid ngayti, mga malabayan ni Cristo nga kakuriꞌan bawnga kabantugan nga liꞌwan ya.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”