Juan 12:26 - Tagbanwa

²⁶ Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 12:26 Iomraidhean Croise

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Mateo 25:21

‘Magayen! Talagang magkasarigan ka nga uripen. Ta, it magkasarigan ka kat dekeyeꞌ nga kantidad, kayti papamaalaꞌen ku ikaw it dakulaꞌ nga kantidad. Mabagiꞌan ka it kasagyaan ku.’

Marcos 8:34

Piyapaꞌadeꞌdeng ni Jesus i mga taw baw mga alagad ya ngayti baw miyampang kanya, nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Lucas 12:37

Talagang makasagya i mga uripen nga, abutan it agalen nira, alistu sira nagay mamagꞌelat. Matuud talagay iꞌaat kut imyu, nga magtarakan i agalen ngaytu ka pakaꞌnen ya duꞌut papangaꞌnan i mga uripen ngaytu, nga kanya paꞌ i magꞌarigra it magkaꞌen.

Lucas 6:46

Bawnga miningkut si Jesus, nga magꞌaat, “Ta, unuka pagtaꞌwagen mi aku nga Ampuꞌan, it ega naga pagbuwaten mi i mga ipagꞌaat kut imyu?

Lucas 9:23

Bawnga may inaat ya siꞌ duꞌun it kadakel it mga taw nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yat aldaw-aldaw i sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 13:16

Kamatuudan tu nga kamatuudan i pagꞌaaten ku ngaytu, nga iyan manigsirbi, ega mataꞌas paꞌ kanya it agalen ya. Baw iyan nga tiyaꞌeg lamang, ega mataꞌas paꞌ it nagtaꞌeg it kanya.

Juan 14:15

“In matuud nga pagmaꞌalen mi aku, simpri sunudun mi i mga urdin ku.

Juan 14:3

Ta it matuud nga paꞌaduꞌun aku nga buwaten kuy ikataꞌid mi duꞌun, matuud gasiꞌ nga paꞌuliꞌ aku naga situ ka pabayaꞌen ku na kamu. Sang tamiyan nay tumaꞌid duꞌun.

Juan 15:20

Dedemdemen mi i ipiyagꞌaat ku ngaytut imyu nga egay manigsirbi nga mataꞌas pat agalen ya. In aku, pagpakuriꞌan nira, simpri kamu atkayan naga yan, pakuriꞌan nira gasiꞌ. In pagsunudun niray ipagpanulduꞌ ku, sunudun nira gasiꞌ yan i imyung mga ipagpanulduꞌ.

Juan 17:24

Baw itu gasiꞌ i ireg ku, Amaꞌ, nga kumpur ibinggay mut aken, makataꞌid sira gasiꞌ duꞌut pagtataꞌidan ku. Ka in duꞌun na, maltegan niray kabantugan ku nga ibinggay mut aken, ka talagang garing pat tagnaꞌ nga ega pay banwa, pagmaꞌa-maꞌalen mu na aku.

Juan 21:22

Katubag si Jesus, maat ya, “In ireg ku nga egen kanya seked it pamaꞌuliꞌ ku, unuy labe-labet mu? Kaꞌilangan magsunud kay imu it aken.”

Roma 1:1

Mga pagmaꞌaleng iba-iba nga asan it Roma, wayan i surat ku, aku nga si Pablo nga esang manigsirbi ni Cristo Jesus. Esa akung ipiyatindeg it Ampuꞌang Diyus nga apustul nga tiyaꞌeg yang mangadal it Magayen ngaytung Baritaꞌ pasar it karibriyan ngaytu nga ipiyabetang-betang ya.

Roma 14:18

Basta atkayan i pagsirbi tat ki Cristo talagang pagsagyaan ta it Ampuꞌang Diyus baw pagdaya-dayawun it masigkataw.

2 Corinto 4:5

Talagang ega sadi-sadili namen i pagpanindegan namen in daꞌga si Cristo Jesus, kanya nga Ampuꞌan tami nga matuud. Baw ipagpabetang namen nga, kat pagsirbi namen it kanya, mga manigsirbi mi gasiꞌ kami.

2 Corinto 5:8

Aypaꞌ maski kamataynen i mabut makseg nagay nakem namen nga tananan i pandenaꞌ ngaytung bilug isaꞌun kasagpun namen nay Ampuꞌan nga duꞌut langit. Baw iyan gasiꞌ i subraꞌ namen nga masagyaan.

Galacia 1:10

Ta sikayan daꞌga baꞌ maꞌyag nga ega iyan i pagꞌangaden ku, basta lamang sagyaan it mga taw i panulduꞌ ku. Ega maat atkayan, in daꞌga yay ipagpadaꞌeg ku kat nakem ku, masagyaan akut Ampuꞌang Diyus. Ka in yapay pagpaꞌresan ku, masagyaan akung pirmi it taw, ta daꞌga maꞌaat nga taw nay pagsirbiyan ku, ega na si Cristo?

Filipos 1:23

Ka subung it magkawayni-wayni na i pikir ku. Sabap ire-ireg ku na i matay isaꞌun kapasagpun aku na duꞌun it ki Cristo, ka yay subrang magayen pat pangaꞌgenan ku ngaytu kayti.

Colosas 3:24

Ka magkaꞌrutan mi na nga talagang may magayeng tumbas nga ibgay it Ampuꞌan it imyu kat pagdadarapaꞌen. Ituy tumbas nga magꞌaꞌareg ya kat muꞌsang mga anak ya. Ka si Cristo talaga i matuud nga pagsirbiyan mi nga Agalen.

Colosas 4:12

Iyan kabanwa mi ngaytung si Epafras, nga esa gasing manigsirbi ni Cristo Jesus, magkumusta gasit imyu. Talagang papaꞌres nay panalangin yat imyu asan nga magmapaꞌgen i pagsarig mit Ampuꞌan baw magpamayaꞌ kamu it ustung pamayaꞌ, nga magkasepsepan mi nga banar i kaꞌirgan ya.

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.

1 Juan 5:3

Ituytu i paꞌaaten nga pagmaꞌal tat Ampuꞌang Diyus, masunud tami it mga urdin ya. Ka mga urdin ya ngaytu, ega nagaytu subraꞌ nga mabeꞌgat.

Judas 1:1

Aku nga si Judas nga manigsirbi ni Jesu-Cristo baw sulsug ni Santiago i tagsurat kaytu. Pagsuratan ku kamu, nga mga ipiyapinpin it Diyus Amaꞌ isaꞌun mataawan ya na baw talagang pagrarasan ya, kamu nga pagtatarimaen nga pirmi ni Jesu-Cristo baw piyanakman nga pasakep it kanya.

Mga Ipiyalteg 14:4

Mga taw ngayti, ega simnalya manriꞌe-riꞌeng it maski siyu nga babay. Mamagbaya-bayaꞌ sirang pirmi it paꞌaaten ngayting Uꞌuybun It Tupa. Talagang kat muꞌsang katataawan, napiliꞌ sira nga subuk inalang, nga sira, mga taawan na it Ampuꞌang Diyus. Baw kabilangan nira, subuk uꞌnang lutuꞌ nga tirigu nga ipagpasalamat duꞌun it Ampuꞌang Diyus baw Uꞌuybun ngaytit Tupa.