Juan 12:21 - Tagbanwa

²¹ Minlep sira duꞌut esang alagad nga si Felipe nga taga Betsaida nga sakep it Galilea. Inupakat nira nga magꞌaat, “Agalen, ireg namen sana nga kimita it ki Jesus.”

Juan 12:21 Iomraidhean Croise

Mateo 11:21

Maat ya, “Abaa, subrang makuriꞌ talagay magꞌaꞌareg it imyu, nga mga taga Corazin baw taga Betsaida. Sabap in beteꞌ duꞌun lamang it Tiro baw Sidon, nga taw ya ega Judio, i binwatan it mga kalililuꞌan ngaytu nga binwat situt imyu, matuud nga naꞌlay na nga namagpakay it maꞌerep baw mamagꞌadung duꞌun it kaꞌabuwan i mga taga duꞌun, isaꞌun ipakilala nga magsinguliꞌ sira nga matuud.

Mateo 2:2

Pagꞌabut nira duꞌut Jerusalem ngayti, sigi nang ingkut-ingkut nira in ariyen i ipiyanganak nga magꞌadiꞌ, nga Adiꞌ it mga Judio. “Sabap naltegan namen,” maat nira, “i baꞌgung bituꞌun nga limimbat duꞌut lebatan nga ayun, nga tandaꞌanan it simnakit na kanya. Ituytu i panaw namen ngaytu, sambaen namen kanya.”

Juan 1:48

Iningkut ni Natanael si Jesus, “Tabiꞌ it imu, magꞌuꞌunu naꞌrutan muy adat ku?” Timnubag si Jesus, “Parabir nasugidan ka ni Felipe, naltegan ku na ikaw duꞌut siꞌrung it kayu nga igos.”

Juan 6:40

Sabap talagang itu i kaꞌirgan it Amaꞌ ku, iyan muꞌsa nga mamayaꞌ it aken nga Anak ya, baw sumarig it aken, begayan sira it kaꞌgenan nga egay kaskedan. Baw egnen ku sirang muꞌsa asan it umur nat banwa.”