Juan 12:14 - Tagbanwa

¹⁴ Ipiyapisiꞌ ni Jesus i esang uꞌuybun it kabayuꞌ nga asno bawnga siyakayan ya. Atkayti ka isaꞌun matuman i magbebtang duꞌun it kasuratan nira

Juan 12:14 Iomraidhean Croise

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Juan 12:13

Binwat nira, namagpisiꞌ it palakpak it esang luwak nga subuk badangan baw namagpanliꞌwan sira duꞌun it siyudad ngayti ka susmuun nira si Jesus. Mamaggagaꞌuy-gaꞌuy siray mamagpanaw, nga magꞌaat, “Bantugun i Ampuꞌang Diyus! Mabantug kanya ngaytu nga tiyaꞌeg it Ampuꞌang Diyus! Mabantug i Adiꞌ ngaytut bangsa nga Israel!”

Juan 12:15

nga magꞌaat, “Ayaw kamut iꞌlam, mga taga siyudad it Sion. Magdadarapaꞌ nay magꞌadiꞌ situt imyu. Uꞌuybun it kabayuꞌ nga asno i pagsasakayan ya.”