Juan 12:13 - Tagbanwa

¹³ Binwat nira, namagpisiꞌ it palakpak it esang luwak nga subuk badangan baw namagpanliꞌwan sira duꞌun it siyudad ngayti ka susmuun nira si Jesus. Mamaggagaꞌuy-gaꞌuy siray mamagpanaw, nga magꞌaat, “Bantugun i Ampuꞌang Diyus! Mabantug kanya ngaytu nga tiyaꞌeg it Ampuꞌang Diyus! Mabantug i Adiꞌ ngaytut bangsa nga Israel!”

Juan 12:13 Iomraidhean Croise

Mateo 23:39

Ka talagang matuud i iꞌaat kut imyu, nga pagkagaring ku situt banwa, ega na maltegan mi aku seked it ega paꞌ naꞌbut i aldaw nga maꞌaat mi, ‘Mabantug kanya nga tiyaꞌeg it Ampuꞌang Diyus.’”

Mateo 27:42

Maamaatan sira, “Magkaparibri yay beken, temed ega magkaribri yay sadili ya nga bilug. Daꞌga baꞌ kanyay Adiꞌ it Israel? In lumampud kanya kayti asan it krus ngayan, simpri mamayaꞌ tami nat kanya.

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 12:14

Ipiyapisiꞌ ni Jesus i esang uꞌuybun it kabayuꞌ nga asno bawnga siyakayan ya. Atkayti ka isaꞌun matuman i magbebtang duꞌun it kasuratan nira

Juan 12:15

nga magꞌaat, “Ayaw kamut iꞌlam, mga taga siyudad it Sion. Magdadarapaꞌ nay magꞌadiꞌ situt imyu. Uꞌuybun it kabayuꞌ nga asno i pagsasakayan ya.”

Juan 19:15

Gimnaꞌuy siꞌ i mga Judio ngayti, nga magꞌaat, “Ega nayan egnen! Imatayen nayan! Iransang yan duꞌun it krus!” “Unu,” maat ni Pilato, “iparansang ku duꞌun it krus i Adiꞌ mi ngaytu?” “Egay adiꞌ namen nga beken, in daꞌga Impiradur lamang,” maat siꞌ it mga pagbayaꞌen ngaytit sasirduti.

Mga Ipiyalteg 15:3

Pagkantaꞌen niray kantaꞌ ni Moises nga esang manigsirbi it Ampuꞌang Diyus it tagnaꞌ paꞌ, baw kantaꞌ it paꞌaaten ngayting Uꞌuybun It Tupa, nga magꞌaat, “Ampuꞌang Diyus nga landaw nga gunaan, mabantug baw kalililuꞌan i mga buwat mu. Ikaw nga Adiꞌ it muꞌsang bangsa, mataldeng baw kamatuudan i mga ipiyabetang-betang mu.

Mga Ipiyalteg 19:16

Magsusurat duꞌun it pakayan ya baw duꞌun it paꞌa yay ampang nga magꞌaat, “Adiꞌ it muꞌsang mga adiꞌ baw Ampuꞌan it muꞌsang mga agalen.”

Mga Ipiyalteg 7:9

Iyan natupus nay sabap it iting bagay, iyan siꞌ i naltegan ku, dakel nang dakel nga pagtaw. Daꞌna mabilang it maski siyu. Iting mga taw, nanggaring-garing kat kada ampang baw bangsa. Mamagtitindeg sira kat adapan it magꞌaꞌdung ngayti kat araꞌdungan it adiꞌ baw kat adapan it paꞌaaten ngayting Uꞌuybun It Tupa. Mamagpapakay sirang muꞌsa it maputiꞌ baw may sekel nira nga palakpak it subuk badangan.