Juan 12:1 - Tagbanwa

¹ Kaꞌnem mana pistaꞌ na it Pistaꞌ ngaytit Tiyaꞌliban, miyabut siꞌ si Jesus duꞌun it Betania nga lansangan ngayti ni Lazaro nga inggen yat paꞌuliꞌ.

Juan 12:1 Iomraidhean Croise

Mateo 21:17

Gimnaring na si Jesus, nanliꞌwan duꞌun it siyudad ngayti. Nagpaꞌaduꞌun kanya it Betania ka duꞌun i inigaꞌan ya.

Marcos 11:11

Diritsu si Jesus duꞌun it Jerusalem, baw siminled kanya duꞌun it Templo. Pagkapanleteg-leteg ya it muꞌsang mga bagay duꞌun it seled, nanliꞌwan na kanya ka apu-apun na, aypaꞌ nagpaꞌuliꞌ duꞌun it Betania, kaꞌibaan ya nagay sang puluꞌ baw duwa naga ngayting mga alagad ya.

Lucas 24:50

Iyan naꞌbut nay timpu nga muliꞌ na si Jesus duꞌun it langit, piyabayaꞌ ya i mga alagad ya duꞌun it liꞌwan it siyudad ngayti. Pagꞌabut nira duꞌun it adeꞌdeng it baryu it Betania, ipiyatindeg ni Jesus i mga alima ya ka miyampang, nga piyatdekan sira it ildaw.

Lucas 7:37

Ta, duꞌun it iting lansangan may esang babay nga magkaꞌrutan it kadakel nga makasalaꞌan. Nabaritaꞌan ya nga duꞌun si Jesus it balay it Pariseo ngayti, nangaꞌen duꞌun. Pagkaꞌrut yat duꞌun si Jesus, naꞌaduꞌun kanya, magtataban it ega basta-bastang berebtangan nga punuꞌ it babangluun.

Juan 11:1

May esang taw nga magsarut, pagpangaranan it ki Lazaro. Duꞌun i pagtataꞌidan yat Betania. Yamanay iba ya, duwa nga sulsug yang mga babay nga si Maria baw si Marta.

Juan 11:43

Pagkaꞌampang ya kayti, igiyaꞌuy ya nga magꞌaat, “Lazaro, manliꞌwan ka!”

Juan 11:44

Egay beken, nanliꞌwan si Lazaro ngayti, pagbebedbedan nagat rambay i aꞌay baw alima ya, nga adat nira in ipaglebeng, baw pagbebegkesan nagat lages i rupa ya. Maat ni Jesus it kanira, “Pangawaꞌen mi i muꞌsa ngayan asat bilug ya, isaꞌun ega nay lesa-lesa ya.”

Juan 11:55

Magꞌadeꞌdeng siꞌ i pistaꞌ it mga Judio ngayting pagpangaranat Pistaꞌ it Tiyaꞌliban. Dakel nga taga prubinsiya nga naꞌaduꞌut Jerusalem parabir mabut i pistaꞌ, isaꞌun mabwat nira i mga kaꞌugaliꞌan nira nga panlimpiyuꞌ.

Juan 12:12

Pagkadedelman dakel i taw nga duꞌut pistaꞌan ngayti nga duꞌut Jerusalem nga nakaꞌrut nga magpapaJerusalem si Jesus.

Juan 12:20

Ta uyut it kadakel nga miyabut duꞌut Jerusalem nga pakiragiꞌ it pistaꞌ ngayti baw sumamba it Ampuꞌang Diyus, may pirang kataawan nga mga Griego.

Juan 12:9

Dakel nga dakel nga mga Judio i nakabaritaꞌ nga si Jesus, duꞌun it Betania, aypaꞌ ka naꞌaduꞌun sira. Ega lamang sabap it si Jesus i enged nira, in daꞌga isaꞌun maltegan nira beken si Lazaro ngayti, nga inggen it paꞌuliꞌ.