Juan 11:53 - Tagbanwa

⁵³ Garing it iting aldaw, pagtulusun na nira in magꞌuꞌunu nira maꞌimatay si Jesus.

Juan 11:53 Iomraidhean Croise

Genesis 37:18

Temed ta, magdarapaꞌ paꞌ kanya, nalawag nat mga sulsug ya ngayti. Pagkalawag, nagꞌupa-upakaten sira nga imatayen nira si Jose ngayti.

Nehemias 4:16

Garing sikayti, iyan gurupu it taw nga mga taawan ku, sang lubuk na lamang i magtabang it pagbuwat it kutaꞌ, sang lubuk, mga bantay siray kanira. Iyan mga bantay ngayti, siray magseskel it mga basiꞌ it katataawan, mga besak, panaꞌ baw mga kanukal it deꞌgan. Iyan mga pagbayaꞌen it katataawan, duꞌun i kanirang puwistuꞌ it talikudan it mga tungtung-inapuꞌ ni Juda

Mateo 12:14

Temed nagliꞌid i mga Pariseo, ka namagrunding sira in magꞌuꞌunu maꞌimatay si Jesus ngayti.

Mateo 16:21

Ta garing sikayti, ipiyapuꞌun na ni Jesus it paꞌrut it mga alagad ya nga kaꞌilangan nga paꞌaduꞌun kanya it Jerusalem. Labayen yay dakel-dakel na nga kakuriꞌan nga subraꞌ na kat alima it mga mataꞌas nga ginuꞌu, mga pagbayaꞌen it sasirduti baw kat mga manigpaꞌyag it urdin, langkuy imatayen nira kanya. Temed pagꞌikatlung aldaw, maꞌgen naga kanya it paꞌuliꞌ.

Mateo 22:46

Egay nakatubag nga maski esat kanira, baw gimnaring sikayti, ega nay nangaas mingkut it ki Jesus.

Mateo 26:4

Pagrundingen nira nga maꞌakalan nira si Jesus isaꞌun madakep nira kanya baw maꞌimatay.

Mateo 26:59

Ta, mga pagbayaꞌen it mga sasirduti baw muꞌsa ngayting kaꞌibaan nira nga kaꞌuyutan it Sanedrin, sigi nga tulus nira it manistigu kuntraꞌ it ki Jesus ngayti, isaꞌun maꞌimatay nira kanya.

Marcos 14:1

Duwang aldaw mana, ipagpistaꞌ na nira it Pistaꞌ it Tiyaꞌliban baw Pistaꞌ it Tinapay nga Egay Ipagpaꞌalsa. Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌakalan nira si Jesus isaꞌun madakep nira kanya baw maꞌimatay.

Marcos 3:6

Namagliꞌwan nga lagi i mga Pariseo, nangupakat sira it mga kakampiꞌ ni Herodes. Namagrunding sira in magꞌuꞌunu maꞌimatay si Jesus ngayti.

Juan 11:47

Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Juan 12:10

Aypaꞌ ka pagpikiren gasiꞌ it mga pagbayaꞌen it mga sasirduti nga pati si Lazaro, imatayen.

Juan 7:1

Ega naꞌlay napanaw siꞌ na Jesus, nanlekep-lekep it Galilea. Pagtemden yang ega paꞌ paꞌaduꞌun it Judea ka kuꞌimatayen kanyat mga pagbayaꞌen it mga Judio duꞌun.

Mga Binwat 5:33

Ta, pagkagneg it mga pagbayaꞌen ngayti, timnalaluꞌ nga banar i iseg nira. Ireg nira nang pangimatayen i mga apustul ngayti.

Mga Binwat 9:23

Iyan naꞌlay na, pagꞌisun-isunan nat mga Judio duꞌun nga imatayen nira si Saulo ngayti.