Juan 11:48 - Tagbanwa

⁴⁸ In pabaya-bayaꞌan tami na lamang, mamayaꞌ nat kanya i muꞌsang taw. Ta, baraꞌan ya kayan, buwaten it mga Romano ngaytu, awaꞌan ta nat aten nga banwa baw tari-tariwanaken tami na.”

Juan 11:48 Iomraidhean Croise

Mateo 22:7

Pagkaꞌrut it adiꞌ ngayti, ereꞌeret talagay iseg ya. Piyapaꞌaduꞌun yay mga sundaluꞌ ya, ipiyapuuꞌ i mga mangingimatay ngaytit masigkataw, baw piyasuriban paꞌ i siyudad nira.

Mateo 22:9

Aypaꞌ paꞌaduꞌun kamu it mga dalan nga mataawun. Kumpur makitaan mi, pangimbitaren mi sira it pagkaraꞌnen ngaytu.’

Mateo 24:15

Maltegan mi yan duꞌun it ega basta-bastang rugar i talagang maraꞌway kat panleteg it Ampuꞌang Diyus nga pagtibabaꞌ it kanya, nga pagpaꞌiguꞌan it isiyugid it prupitaꞌ nga si Daniel. Sepsepen tu it magbasa kaytu!

Mateo 27:25

Katubag i mga taw ngayti, “Panubagan namen yan baw mga kaꞌanak-anakan namen i kamataynen ya!”

Lucas 11:52

Subrang makuriꞌ i magꞌaꞌareg it imyu, mga manigpaꞌyag it urdin. Sabap iyan kamatuudan nga garing duꞌut Ampuꞌang Diyus, ega kupamayaꞌnen mi, baw ipagtaguꞌ mi paꞌ duꞌun it katataawan. Kabilangan mi, subung it esang taw nga ega kusled duꞌut balay, baw inawaꞌ yay gunsiꞌ isaꞌun egay kasled nga beken.”

Lucas 8:12

Pagpaꞌiguꞌan it nasaꞌbugan nga padalan, mga taw nga makagneg it panulduꞌ ngaytu temed malipatan nira naga, ka madali-daliꞌ mapisiꞌ ni Satanas isaꞌun daꞌsira kapamayaꞌ baw maribri.

Juan 1:7

Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Mga Binwat 5:28

“Daꞌga basaꞌan”, maat ya, “maseked-seked nga piyaar namen na kamu nga ega na ipanulduꞌ mi i pasar it iyang taw? Temed magꞌeꞌget kamu ga. Ilingkep mi nat Jerusalem i panulduꞌ mi ngaytu, baw ireg mi pang ipabekbek it amen i sabap it kamataynen ya.”