Juan 11:47 - Tagbanwa

⁴⁷ Aypaꞌ tiningped it mga pagbayaꞌen it sasirduti baw mga Pariseo i mga kaꞌibaan nira nga manigꞌukuman, mga kaꞌuyutan it Sanedrin. Pagkatingped nira, maat nira, “Unuytuy magayen nga buwaten tami, it dakel nang tandaꞌanan nga mga kalililuꞌang bagay i pagbuwaten it itung taw?

Juan 11:47 Iomraidhean Croise

Mateo 26:3

Kat iti ngayting timpu, duꞌun it balay it Piyakamataꞌas nga Sasirduti nga si Caifas, tingped duꞌun i mga pagbayaꞌen it mga sasirduti baw mga mataꞌas nga ginuꞌu.

Mateo 5:22

Temed kayti aku na i magꞌaat it imyu, maski desang miseg ka it maꞌiba mu, siguradu nga turubagen mu na duꞌun it Ukuman. Ka basta manregda-regda ka, mapakay nga ukumanan ka it manigsurugiden. Aaten muy iba mu, ‘Magpulpug ka!’ mapakay nga iduꞌun ka it apuy nga ega magpamu-pamugdaw, nga panriga it Ampuꞌang Diyus.

Marcos 14:1

Duwang aldaw mana, ipagpistaꞌ na nira it Pistaꞌ it Tiyaꞌliban baw Pistaꞌ it Tinapay nga Egay Ipagpaꞌalsa. Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌakalan nira si Jesus isaꞌun madakep nira kanya baw maꞌimatay.

Lucas 22:2

Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌimatay si Jesus it ega dalaꞌan sirat mga taw. Sabap yanayti, magꞌiꞌlam sira naga it mga taw ngayti nga magkasaga it panulduꞌ ya.

Juan 11:57

Sabap ipiyagpaꞌimbanda it mga pagbayaꞌen it mga sasirduti baw mga Pariseo nga in siyu-siyuy magkaꞌrut it in ariyen si Jesus, kaꞌilangan itulduꞌ ya, isaꞌun madakep nira kanya.

Juan 12:19

Namagrunding-rundingen siꞌ i mga Pariseo, maat nira, “Ungaytu, ega bay magkabwat ta nga may paglapusan, ka letganan mi ga, magsunud nang muꞌsat kanya i mga katataawan.”

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 6:2

Tiyundug kanya it dakel na nga mga taw sabap it magkaltegan nira ngayti nga mga tandaꞌanan nga kalililuꞌang bagay nga pagbuwaten ya, nga pagpagayenen ya i mga magsarut.

Juan 7:32

Naringid-ringidan it mga Pariseo i pamagrundingen it mga katataawan ngayti pasar it ki Jesus. Aypaꞌ binwat it mga Pariseo ngayti baw mga pagbayaꞌen it mga sasirduti, piyapaꞌaduꞌunan nira it mga taawan nira nga guwardiya it Templo ka dakpen si Jesus ngayti.

Juan 7:45

Namagꞌuliꞌ na i mga tiyaꞌeg ngayting mga guwardiya it Templo duꞌun it namagtaꞌeg ngaytit kanira nga mga pagbayaꞌen it mga sasirduti baw mga Pariseo. Pagꞌabut nira, inaat sirat namagtaꞌeg ngaytit kanira, “Ta ari nay itiyaꞌeg namen ngayat imyu? Unuka egay magbabayaꞌ nga kanya?”

Mga Binwat 5:21

Aypaꞌ, pagꞌeyag, naꞌaduꞌun sirang matuud it Templo ka namagpanulduꞌ siꞌ. Ta, mga namagpadakep ngaytit kanira, nga Piyakamataꞌas ngayting Sasirduti baw kaꞌibaan yang mga Saduceo, ipiyatawag niray muꞌsang mga kaꞌibaan nirang beken, kumpur kaꞌuyutan nagat Sanedrin, nga sira i mga pagbayaꞌen it mga Judio. Iyan tiꞌmes na sira, ipiyapisiꞌ na nira duꞌut pirisuwan i mga apustul.

Mga Binwat 5:24

Pagkagneg it mga pagbayaꞌen it mga sasirduti baw pagbayaꞌen it mga guwardiyat Templo, talagang nalibeg i pikiran nira ka ega naꞌrutan nira in unuy abutun kayti nga matanaꞌan.