Juan 11:42 - Tagbanwa

⁴² Talagang magkaꞌrutan ku nga pirmi mu aku nga pagpapagnegan. Takaꞌ pagꞌampangen kuy atkaytu sabap it mga taw ngayni nga kaꞌibaan ku kayti, isaꞌun mamayaꞌ sira nga ikaw nga matuud i nagtaꞌeg it aken.”

Juan 11:42 Iomraidhean Croise

Mateo 26:53

Unu, ega magkaꞌrutan mu nga in ireg ku nga patabang, makaꞌangut aku duꞌun it Amaꞌ ku it rinibu-ribu nga mga anghil? Insigida yan nga papaꞌasituun ya sira.

Juan 11:22

Temed maski atkayan na, magkaꞌrutan ku nga ibgay it Ampuꞌang Diyus i maski unu i angutun mu duꞌut kanya.”

Juan 11:31

Diyasun si Maria it mga maꞌiba ya nga mga Judio ngayti nga magbanga-bangay it kanya duꞌut balay. Pagkalteg nirat atnang kelat it tindeg ni Maria bawnga nanliꞌwan, tanud nira paꞌaduꞌun kanyat lebeng ka sumgaw siꞌ duꞌun.

Juan 11:43

Pagkaꞌampang ya kayti, igiyaꞌuy ya nga magꞌaat, “Lazaro, manliꞌwan ka!”

Juan 12:11

Ka sabap it kanya, dakel nay mga Judio nga nagpablag nat kanira, ka namayaꞌ nat ki Jesus.

Juan 12:17

Iyan kadakel ngayti nga kaꞌibaan ni Jesus it iyan inggen yat paꞌuliꞌ si Lazaro, siging pamatuud nirat naltegan nira ngayti.

Juan 17:21

isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:25

Amaꞌ ku nga mataldeng talaga, daꞌka pagkilalaen it kadaklan sinit banwa ngayni, temed aku, pagkilalaen ku talaga ikaw. Baw mga kaꞌibaan ku ngayni, naꞌrutan na nira nga ikaw i nagtaꞌeg it aken.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 8:16

Temed maski mukuman aku, tamaꞌ naga i iꞌukuman ku, sabap ega lamang aku i magbetangan it ukuman, in daꞌga duwa kami nagat Amaꞌ ku nga nagtaꞌeg it aken it paꞌasitu.

Juan 8:29

Pirmi nga iba ku i nagtaꞌeg it aken. Ega pagpablagan ya aku, sabap it iyan i pirmi ku nga pagbuwaten, iyan nga magkasagyaan ya.”

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,

Hebreo 5:7

Si Jesus ngaytu, iyan situ paꞌ kanya ngayan it banwa, magpanggagaꞌuy kanya talaga nga uyut i luwaꞌ kat mga panalangin ya duꞌun it Ampuꞌang Diyus. Ka Ampuꞌang Diyus lamang i makaribri it kanya duꞌun it kamataynen. Baw talagang tiyubag i mga panalangin ya sabap nagpalulus kanya nga banar kat kaꞌirgan it Ampuꞌang Diyus.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

1 Juan 4:14

Baw kami ngaytu, talagang naltegan namen i Anak it Ampuꞌang Diyus, baw ipagpamatuud nga tiyaꞌeg it Diyus Amaꞌ i Anak ya ngaytu, nga kanyay Manriribri it muꞌsang taw situt sinirungat langit.