Juan 11:41 - Tagbanwa

⁴¹ Pagkaꞌampang ya kayti, inawaꞌ niray maglelpen ngayti nga batu. Yimnaꞌngad si Jesus bawnga miyampang kanya nga magꞌaat, “Amaꞌ, magpasalamat akut imu ka pagtubagen mu aku.

Juan 11:41 Iomraidhean Croise

Mateo 11:25

Kat iti nga timpu, nanalangin si Jesus nga maat ya, “Pagpasalamatan ku ikaw, Amaꞌ, ikaw nga Ampuꞌan it langit baw banwa, sabap itiyagu-taguꞌ muy itu nga mga kamatuudan isaꞌun ega matantuwan it mga magpataꞌas-taꞌas it sadiling kiyaꞌrutan baw pasepsep. Iyan i piyaꞌyagan mu, mga raꞌyat lamang nga may palulus.

Mateo 11:26

Matuud tu, Amaꞌ, ka iyan i ipiyabetang-betang mu nga kaꞌirgan mu.”

Mateo 27:60

Idiyuꞌun ya na it sadili ya nga lelbengan nga ega paꞌ naꞌlay i pagkapabwat ya, piyalamunan ya nga batu. Pagkapagayen-gayen ya, parabir miyuliꞌ, ipiyapabaliling yay dakulaꞌ nga batu ka ilimpen duꞌun it balaꞌbaꞌan it lebeng ngayti.

Marcos 15:46

Aypaꞌ nangalang si Jose it pirmirang abel. Bawnga pagkaꞌawaꞌ it bilug ni Jesus duꞌun it krus, biyuꞌtungan ya nat iti ngayti. Idiyuꞌun ya nat esang lelbengan nga piyalamunan nga batu. Pagkapadayag it ki Jesus duꞌun it seled, ipiyapabaliling yay dakulaꞌ nga batu ka ilimpen duꞌun it balaꞌbaꞌan it lebeng ngayti.

Lucas 10:21

Kat iting uras, piyasagya nga banar it Espiritu Santo si Jesus. Egay beken, nanalangin kanya nga magꞌaat, “Amaꞌ, pagbantugun ku ikaw nga Ampuꞌan it langit baw banwa, sabap ipiyagtaguꞌ muy kamatuudan ngaytu isaꞌun ega matantuwan it makakaꞌrut baw mapipikir kat sadiling pasepsep lamang. Iyan i piyaꞌyagan mu, mga taw nga mapiyababaꞌ nga magpasbung it dekeyeꞌ nga waꞌwaꞌ. Talagang matuud tu, Amaꞌ, ka iyan i ipiyabetang-betang mu nga magkasagyaan mu.”

Lucas 18:13

Iti, manigpabayad ngaytit barayadan, ala-alaid kanya duꞌun it Pariseo baw beken nga taw. Magrurungguk kanya nga subuk magꞌeyaꞌ yumaꞌngad duꞌut langit, baw siging baneg yat deꞌgan ya kat kadakulat kasmek ya. Maat i panalangin ya, ‘Ampuꞌang Diyus, sanguꞌan mu naga aku ngayni nga makasalaꞌan.’

Lucas 24:2

Abutan nira, magbabaliling na i batu nga ilimpen it piyadayagan ngayti.

Juan 11:22

Temed maski atkayan na, magkaꞌrutan ku nga ibgay it Ampuꞌang Diyus i maski unu i angutun mu duꞌut kanya.”

Juan 17:1

Pagkatupus it iting pagꞌampangen ni Jesus, timningaraꞌ kanya duꞌut langit bawnga nanalangin. Maat ya, “Amaꞌ, naꞌbut nay timpu. Buwaten mu nga maltegan i kabantugan it Anak mu, isaꞌun kat buwaten ku nga Anak mu, ipalteg ku i kadakulat kabantugan mu.

Juan 20:1

Madelem-delem paꞌ it aldaw it Linggo, naꞌaduꞌun na si Maria Magdalena it limbengan ngaytit ki Jesus. Pagꞌabut ya, letganan ya, pagꞌaꞌawaꞌen nay ilimpen ngayti nga batu duꞌun it balaꞌbaꞌan it lebeng.

Mga Binwat 7:55

Temed si Esteban ngayti, kat keseg it Espiritu Santo nga magsasarum duꞌut kanya, timningaraꞌ duꞌun it langit, baw naltegan ya i ega basta-bastang kabantugan it Ampuꞌang Diyus. Naltegan ya gasiꞌ si Jesus nga magtitindeg duꞌun it iwanan nga ayun it Diyus Amaꞌ.

Filipos 4:6

Ega palibegan it pikiran mi i maski unu nga bagay, in daꞌga yay magayen, ipanalangin mi. Angutun mi it may pasalamat duꞌun it Ampuꞌang Diyus i muꞌsa nga pagkaꞌilanganen mi.