Juan 11:25 - Tagbanwa

²⁵ Tubagen ni Jesus, maat ya, “Aku ngaytu i manigꞌegen it paꞌuliꞌ baw puꞌun it kaꞌgenan. Iyan magpamayaꞌ it aken, maski matay na kanya siguradung maꞌgen nagat paꞌuliꞌ.

Juan 11:25 Iomraidhean Croise

Lucas 23:43

Pagtubag ni Jesus, maat ya, “Matuud talagay iꞌaat kut imu, nga kayti ngaytu nga aldaw iba ku na ikaw mabway duꞌun it langit.”

Juan 1:4

Kanya ngaytung pagpangaranan it Ampang, kanyang kaꞌgenan, ega basta-basta, nga yanay puꞌun it kaꞌgenan it muꞌsang taw. Baw kanya ngaytu i piyakatidaw isaꞌun maꞌyagan i mga taw.

Juan 14:19

Ega na maꞌlay nga timpu, daꞌku na maltegan it kadakel ngayting ega magpamayaꞌ it aken. Temed kamu, maltegan mi naga aku. Baw sabap it magꞌegen akut paꞌuliꞌ, siguradu nga kamu gasiꞌ, mabut nga magꞌegen kamu naga kat matuud nga kaꞌgenan nga egay kaskedan.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Juan 3:16

Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 5:21

Ka in magꞌuꞌunu pagꞌegnen it Amaꞌ i mga miyatay, atkayan naga egnen naga it Anak i kumpur ireg ya nga egnen.

Juan 5:26

Iyan Amaꞌ, egay piyanggaringan it kaꞌgenan ya ka kanyay puꞌun it kaꞌgenan. Baw ipiyabetang-betang ya nga atkayan gasiꞌ i kaꞌgenan it Anak ya.

Juan 6:35

“Aku i paꞌaateng pangaꞌen ngayan nga magkabgay it kaꞌgenan,” maat ni Jesus. “Iyan pasakep it aken, ega na maat getmanan paꞌ, baw iyan nga mamayaꞌ nat aken, seked kaꞌnu-kaꞌnu ega na kumuꞌinum.

Juan 6:44

Ka egay makapasakep it aken magpuyra it panakman kanya it Amaꞌ, nga kanyay nagtaꞌeg it aken. Baw iyan nga pasakep it aken, egnen ku kanyat paꞌuliꞌ asan it umur nat banwa.

Mga Binwat 3:15

Baliswaꞌ talagay binwat mi ka, si Jesus ngayti, kanya i puꞌun it kaꞌgenan ta, temed kamataynen i itiyumbas mit kanya. Takaꞌ inggen kanyat Ampuꞌang Diyus it paꞌuliꞌ, baw magpamatuud kami kaytu, ka pagkaꞌgen ya ngaytit paꞌuliꞌ, nakitaan namen naga kanya.

Roma 4:17

Ka daꞌga basaꞌan magꞌaat ngayan duꞌun it kasuratan, “Ipiyabetang-betang ku nga ikaw na ngaytu i panggaring-garingan it dakel nga bangsa.” Saꞌup ku sing iꞌaat nga talagang matuman i isiyanggup ngaytit ki Abraham ka egay beken nga simnanggup in daꞌga Ampuꞌang Diyus nga pagpamayaꞌnen baw pagsarigan ya, kanya nga ega basta-bastay guna ka maski taw nga patay, magkaꞌgen ya, baw, mga bagay nga ega paꞌ miyabut, magkapabaraꞌ ya.

Roma 8:2

Ka, sabap it pakilagpit tat ki Cristo Jesus, nabaꞌgu nat Espiritu Santo i pangaꞌgenan tami. Ipiyagribri ya na kita kat pamegbeg it kasalaꞌan nga yay tumaban it aten duꞌun it kamataynen nga egay kaskedang panriga.

1 Corinto 15:18

Ega lamang desang iyanꞌen, limiꞌwan gasiꞌ nga muꞌsang miyatay na nga may pamayaꞌ baw pagsarig it ki Cristo, kat kakuriꞌan naga nga egay kaskedan.

1 Corinto 15:29

Ta, paꞌuliꞌan kuy pagꞌegen ngaytut paꞌuliꞌ it mga miyatay. Maski iyan mga taw asat imyu nga magpabawtis nga pagbatuꞌan nira kunuꞌ i mga natay na, pagsiguruun nira nga mabut i aldaw nga egnen siꞌ i mga pagbatuꞌan nira ngayti. Simpri in ega atkayan i kat pikir nira, unuka buwaten niray atkayti?

2 Corinto 4:14

Sabap magkaꞌrutan namen nga Ampuꞌang Diyus nga minggen it paꞌuliꞌ it Ampuꞌan nga si Jesus, egnen ya gasiꞌ kami sabap it pakilagpit namen it ki Jesus ngaytu, bawnga ipabulun ya kita nga muꞌsa kat adapan ya, nga mga taawan na nga ega nay kakasalaꞌan.

Filipos 1:23

Ka subung it magkawayni-wayni na i pikir ku. Sabap ire-ireg ku na i matay isaꞌun kapasagpun aku na duꞌun it ki Cristo, ka yay subrang magayen pat pangaꞌgenan ku ngaytu kayti.

Filipos 3:10

Talagang iyan nay pagꞌabaten ku kayti, makilalaan ku pang banar si Cristo, baw malabayan ku kat pangaꞌgenan ku i keseg it guna nga magpanggaring duꞌut kanya sabap it inggen kanya it paꞌuliꞌ. Ireg ku talaga nga makaꞌuyut aku it mga kakuriꞌan nga nalabayan ni Cristo, baw subuk makaꞌuyut aku gasiꞌ it kamataynen ya ka magpasbung akut kanya kat pagsunud yat kaꞌirgan it Ampuꞌang Diyus.

1 Tesalonica 4:14

Ka daꞌga baꞌ, pagpakimatuudun tami nga Ampuꞌan ngaytu nga si Jesus, natay kanya baw naꞌgen naga it paꞌuliꞌ? Aypaꞌ ka siguruun tami nga kumpur patay na nga maglalagpit it ki Jesus ngaytu, talagang egnen it Ampuꞌang Diyus it paꞌuliꞌ baw ipabayaꞌ ya it ki Jesus kat pamaꞌuliꞌ ya situ.

Mga Ipiyalteg 1:18

Egen aku talaga it ega basta-bastang kaꞌgenan. Matuud natay aku temed egen aku naga kayti. Ega naytuy kaskedan it kaꞌgenan ku ngaytu. Talagang kat pamegbeg ku nay keseg it kamataynen baw rugar nga pagꞌaꞌanuꞌan it mga miyatay.

Mga Ipiyalteg 20:5

Ituy paꞌaaten nga uꞌnang pagꞌegen it mga miyatay. Egnen mana siꞌ i miyatay nga beken in matupus nay sang ribu ngaytung taꞌun.

Mga Ipiyalteg 21:4

Baw panisen nat Ampuꞌang Diyus ngaytu i mga luwaꞌ nira, nga ega na makasmek. Ega nay kamataynen, magkasgawan u maski unu nga sakit, ka nagtaꞌlib naytung muꞌsa i itung mga bagay.”

Mga Ipiyalteg 22:1

Ipiyalteg gasit aken it anghil i magburus nga danum nga magbegay it kaꞌgenan. Talagang maliꞌgaw nga maliꞌgaw subung nat pirmirang salamin. Magtumbud ti duꞌun it araꞌdungan it Ampuꞌang Diyus baw paꞌaaten ngaytung Uꞌuybun it Tupa kat pagkaꞌadiꞌ nira.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.