Juan 11:20 - Tagbanwa

²⁰ Pagkaꞌrut ni Marta it miyabut na si Jesus duꞌut Betania, simnusmu na kanya, temed si Maria, duꞌun nagat balay.

Juan 11:20 Iomraidhean Croise

Mateo 25:1

Magꞌaat pay beken nga ipiyanulduꞌ ni Jesus, “Kaꞌalimbawaan it kaꞌadiꞌan it Ampuꞌang Diyus, subung it itu ngaytu. May sang puluꞌ nga umbay paꞌ nga mga babay. Kaꞌsang apu-apun, uyun it adat ta, napanaw sira ka sumusmu it lalaki nga papagsaduun na. Kada esat kanira, may taban nga titidawan.

Mateo 25:6

Iyan lubuk nat delem, may gimnaꞌuy na nga magꞌaat, ‘Magꞌaꞌabut nay lalaki nga papagsaduun! Susmuun mi na kanya!’

Juan 11:30

(Siyusmu ka ega paꞌ nakaꞌbut si Jesus ngayti duꞌut lansangan nga banar, duꞌun pat siyusmuwan ngayti ni Marta it kanya.)

Mga Binwat 10:25

Desang magseled na si Pedro, siyusmu na ni Cornelio. Nanluud kanya ka sambaen ya si Pedro.

Mga Binwat 28:15

Iyan nabaritaꞌan it mga magpamayaꞌ duꞌun it Roma ngayti nga magꞌaꞌabut kami, ega biyali niray alaid, namagpanusmu sirat amen. May simnusmut amen duꞌun it lansangan it Foro de Appio. Iyan beken, duꞌun it lansangan it Tres Tabernas i kanira manang siyusmuwan. Pagkalteg nga lagi ni Pablo it kanira, nagpasalamat kanya duꞌun it Ampuꞌang Diyus baw kiminseg siꞌ i nakem ya.

1 Tesalonica 4:17

Bawnga pagkaꞌgen nira, kita nga mga egen paꞌ, padibwat ta na nga subung it sibnutun, isaꞌun sang tamiyan nat mga inggen ngaytu i sumusmu it Ampuꞌan duꞌun it lawang. Ta gumaring sikayan, kaꞌiba-iba ta nay Ampuꞌan ngaytu it egay katupusan.