Juan 11:19 - Tagbanwa

¹⁹ baw dakel nga mga Judio i naꞌaduꞌun it kana Marta ngayti duwa ni Maria, ka magbanga-bangay it kanira sabap it sulsug nira ngayting natay.

Juan 11:19 Iomraidhean Croise

Genesis 37:35

Pagbanga-bangayen naga kanya it beken ngayting mga anak ya, babay, lalaki. Temed ega nagpabangay kanyat kanira. “Ega bayan mabangay mi aku,” maat ni Jacob. “Isugid kut imyu, patayan ku lamang i kademdem ku ngaytu. Sugawan kuytuy anak ku ngaytu seked it makitaan ku siꞌ kanya duꞌun it abutan it mga miyatay.” Siminggaw kanya nga matuud sabap it anak ya ngayti.

Lucas 10:39

May sulsug ni Marta ngayti nga babay gasiꞌ nga si Maria i ngaran. Magꞌaꞌdung na lamang duꞌut saru-sarungaan it Ampuꞌan nga si Jesus i buwat ni Maria ngayti ka magpagneg it ipagpangadal ya.

Lucas 10:42

Temed esa-esa lamang i talagang kaꞌilangan nga buwaten. Piniliꞌ ni Maria i subraꞌ ngaytu nga magayen, nga pagpagnegan yay panulduꞌ ku, baw ega naytu awaꞌen paꞌ situt kanya i piniliꞌ ya ngaytu.”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 11:1

May esang taw nga magsarut, pagpangaranan it ki Lazaro. Duꞌun i pagtataꞌidan yat Betania. Yamanay iba ya, duwa nga sulsug yang mga babay nga si Maria baw si Marta.

Juan 11:31

Diyasun si Maria it mga maꞌiba ya nga mga Judio ngayti nga magbanga-bangay it kanya duꞌut balay. Pagkalteg nirat atnang kelat it tindeg ni Maria bawnga nanliꞌwan, tanud nira paꞌaduꞌun kanyat lebeng ka sumgaw siꞌ duꞌun.

Juan 11:33

Talagang rimnaꞌe-raꞌet i nakem ni Jesus baw nanrusarem i rupa ya, pagkalteg yat ki Maria ngayti nga magsugaw baw mga Judio ngayting kaꞌibaan ya nga mamagsugaw gasiꞌ.

Juan 11:36

Pagkalteg it mga Judio ngayti, “Ungayan baꞌ,” maat nira, “talagang pagmaꞌalen ya si Lazaro.”

Juan 11:45

Mga Judio ngayting mamagbanga-bangay it ki Maria, naltegan nira i binwat ngayti ni Jesus nga inggen ya siꞌ si Lazaro it paꞌuliꞌ. Aypaꞌ dakel siray namayaꞌ nat ki Jesus.

Juan 11:8

“Aa bilaꞌ, Manigtulduꞌ,” maat it mga alagad ya ngayti. “Daꞌga baꞌ may kapira paꞌ kayti, pagkubatuun ka ngayat mga pagbayaꞌen tami nga mga Judio? Ta unuka kuꞌaduꞌun ka siꞌ?”

Roma 12:15

Magayen, in unuy pagsagyaan it sulsug mi kat pamayaꞌ sagyaan mi gasit imyu. In may magkasmekan ya, ipabetang mi nga magkasmekan mi nga muꞌsa.

2 Corinto 1:4

Talagang daꞌtami pagpabaya-bayaꞌan ya kat mga kakuriꞌan tami, in daꞌga pagpasagyaen yay nakem tami, isaꞌun magkapasagya tami gasiꞌ it in siyu nga may kakuriꞌan. Ka in unuy ipagkasagya it nakem nga ipagbegay it Ampuꞌang Diyus it aten, iyan nagay ipagpasagya tami it nakem it mga maꞌiba ta nga magkakuriꞌan.

1 Tesalonica 4:18

Aypaꞌ ka magsigpademdem kamu it itu nga ipagpangadal isaꞌun mapasagya i nakem it esa may esa.

1 Tesalonica 5:11

Aypaꞌ ipasigi mi i pamagbuwaten mi na ngayan kayti, nga pasagya it nakem it esa may esa baw magtabang-tabangen nga pagpaksegen mi i pamayaꞌ it esa may esa gasiꞌ.