Juan 11:15 - Tagbanwa

¹⁵ Temed sabap it imyu, masagya aku nga daꞌku duꞌun, isaꞌun pamayaꞌnen mi aku kat buwaten ku. Ta kayti paꞌaduꞌun tami nat kanya.”

Juan 11:15 Iomraidhean Croise

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 39:5

Egay beken, garing it ipiyabaalaꞌ na ngaytit ki Jose i muꞌsa duꞌut pamalay-balay ngayti ni Potifar, talagang pagꞌildawan nat AMPUꞌANG DIYUS i pamalay-balay it taga Egipto ngayti sabap it ki Jose. Baw ega lamang kat pamalay-balay ni Potifar, in daꞌga pati duꞌut pagpasturan ya ngayti, talagang nagmagayen i muꞌsa kat ildaw it AMPUꞌANG DIYUS.

Isaias 65:8

Itu paꞌ i pagꞌaaten it AMPUꞌANG DIYUS, “Ega ibuntal i sang parungpung nga ubas basta may magayeng letes nga magkabwat nga pagꞌimnun. Atkayan naga i buwaten ku kat bangsa ngaytu nga Israel. Ega muꞌsat kanira i puuꞌun ku. Ipaꞌped ku naga i mga kamatuudan nga taawan ku, nga sira i makasbung it magayeng letes ngaytu.

Juan 11:14

Ta it ega magkasepsepan it mga alagad ya ngayti, iriyapar na ni Jesus, maat ya, “Miyatay na si Lazaro.

Juan 11:16

Si Tomas nga panaꞌwag it kanya, Gambar, rimnarang na gasit mga kaꞌibaan ya ngayting mga alagad. Maat ya, “Mayaꞌ tami naga bayat kanya. Matay in matay, basta sang tamiyan.”

Juan 11:4

Pagkatuturan duꞌut ki Jesus, maat ya, “Ega bayan kamataynen i baraꞌan it iyan nga sarut. Nagꞌabut lamang yan isaꞌun mabantug i Ampuꞌang Diyus baw sabap gasiꞌ it ikabantug it Anak it Ampuꞌang Diyus.”

Juan 12:30

Mampang siꞌ si Jesus, maat ya, “Nagnegan mi ngayan, ega maat sabap lamang it aken, in daꞌga sabap it imyu, isaꞌun mamayaꞌ kamu nga matuud.

Juan 17:19

Baw sabap it kanira, ipasiguru ku nay sadili ku nga sunudun kung banar i muꞌsang kaꞌirgan mu, isaꞌun masiguru gasiꞌ sira nga imu nang matuud, nga alaid na kat kasalaꞌan.”

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

2 Corinto 4:15

Pagsagkaꞌen namen i muꞌsang mga kakuriꞌan nga magꞌabut it amen sabap kat ikagayen mi nagaytu, baw kat ikabantug it Ampuꞌang Diyus. Sabap in dakel na nga makatanggap it ildaw ya ngaytu, subrang dumakel na i magpasalamat baw magbantug it kanya.

2 Timoteo 2:10

Aypaꞌ ka pagsagkaꞌen kuy maski unu nga kakuriꞌan it magayen i nakem, sabap kat ikagayen tu it mga napiliꞌ it Ampuꞌang Diyus. Pagsagkaꞌen kuy muꞌsa isaꞌun maribri sira gasiꞌ kat keseg it pakilagpit nirat ki Cristo Jesus, baw makaꞌuyut gasiꞌ sira it egay kaskedan nga kagayenan ya duꞌut langit.

1 Juan 5:13

Itung mga bagay, ipagsurat kuytu asat imyu nga mga magpamayaꞌ baw magsarig it Anak it Ampuꞌang Diyus, isaꞌun masiguru mi nga kamu, may kaꞌgenan na nga egay kaskedan.