Juan 11:11 - Tagbanwa

¹¹ Maat ya pang beken, “Magꞌigaꞌ i iba-iba tami nga si Lazaro. Paꞌaduꞌun aku ka sulagen ku kanya.”

Juan 11:11 Iomraidhean Croise

Exodo 33:11

Baw yay matuud, pakisugi-sugid ngaytit AMPUꞌANG DIYUS it ki Moises, subung na sirat nagꞌadap, nga atnat susugid it nagꞌiba-iba. Pagkatupus it muꞌsang pagsugiden, ki Moises, muliꞌ nayan duꞌut pagbabalay-balayan nira ngayti. Temed ki Josue nga mangaꞌwaꞌen paꞌ nga katabang ya, matuduꞌ duꞌut bala-balay ngayti. Ega magliꞌid kanya duꞌun.

Mateo 27:52

Miyukaꞌ i mga lebeng baw dakel i naꞌgen nga miyatay na nga mataldeng kat panleteg it Ampuꞌang Diyus.

Mateo 9:24

Inaat sira ni Jesus, “Manliꞌwan kamu daꞌan nga muꞌsa. Egaytu patay i waꞌwaꞌ ngaytu. Magꞌigaꞌ lamang tu.” Talagang sinleman na kanya it mga taw ngayti.

Marcos 5:39

Pagkasled ni Jesus ngayti, inaat ya sira, “Unu nay magkasgawan mi ngaytu nga atnakaytu, it ega bayan patay i waꞌwaꞌ ngayan. Magꞌigaꞌ lamang yan.”

Juan 11:10

Temed magkasampuk i magpanaw it delemen sabap it ega nay eyag ngayti.”

Juan 11:12

“Magayen yan, Ampuꞌan, nga magꞌigaꞌ kanya ka gumayen naga,” maat it mga alagad ya ngayti.

Juan 11:13

Tanu-tanud tu it mga alagad ya ngayti, paꞌaaten ni Jesus, igaꞌ nga matuud. Arit yay paꞌaaten ya, miyatay na si Lazaro.

Juan 11:3

aypaꞌ binwat it duwa ngayting mga sulsug yang babay, may tiyaꞌeg nira nga paꞌaduꞌut ki Jesus, taban i ampang nira nga magꞌaat, “Ampuꞌan, magsarut i iba-iba mu nga pagmaꞌalen mu.”

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

Mga Binwat 7:60

Iyan magꞌababaꞌ nay ginawa ya, limningkuꞌud kanya baw nanggaꞌmaran it dadakulaꞌ. Maat ya, “Ampuꞌan, ipasinsiya mut kanira i itung binwat nirang kasalaꞌan.” Magkatupus i iting ampang ya, pagbugtuꞌan kanya.

1 Corinto 15:18

Ega lamang desang iyanꞌen, limiꞌwan gasiꞌ nga muꞌsang miyatay na nga may pamayaꞌ baw pagsarig it ki Cristo, kat kakuriꞌan naga nga egay kaskedan.

1 Corinto 15:34

Ipatarunus mi na i pikiran mi baw indiꞌan mi na i buwat it kasalaꞌan. Ka iyan beken asat imyu, egay kamatuudan nga pagkilala it Ampuꞌang Diyus. Ikaꞌeyaꞌ mi talagaytu.

1 Corinto 15:51

Pagnegan mi i kalililuꞌan ngaytu nga sugi-sugid nga ipiyaꞌrut nat Ampuꞌang Diyus it aken pasar it aten nga magpamayaꞌ. Ega maat matay nga muꞌsa parabir mabut i Ampuꞌan, temed muꞌsa ta, baꞌguun.

Efeso 5:14

Subung tu it mga ampang ngayan nga magꞌaat, “Masulag ka na, ikaw nga maꞌlek pay igaꞌ. Ikaw nga patay, magꞌegen ka na. Siguradu nga eyagan kang banar ni Cristo.”

1 Tesalonica 5:10

Natay tu kanya ka nangganti it aten kat panriga ngayti it Ampuꞌang Diyus. Aypaꞌ egen u patay na asan it pamaꞌuliꞌ ya, kasagpun ya na kita duꞌun it kaꞌgenan nga egay kaskedan.

Santiago 2:23

Aypaꞌ iyan binwat ya ngayti i ipagpamatuud it kasuratan ngayan nga magꞌaat, “Piyamayaꞌ ni Abraham i inaat it Ampuꞌang Diyus. Aypaꞌ ka ipiyabetang kanya it Ampuꞌang Diyus nga taw nga mataldeng kat panleteg ya.” Baw panaꞌwag it kanya, Magayen nga iba-iba it Ampuꞌang Diyus.