Juan 10:7 - Tagbanwa

⁷ Aypaꞌ saꞌup siꞌ nga inaat ni Jesus i mga taw, “Matuud i iꞌaat kut imyu, nga aku i bilang puwirtaꞌan nga paglapasan it mga tupa.

Juan 10:7 Iomraidhean Croise

Isaias 53:6

Kitang muꞌsa, subuk mga tupa nga namagkateꞌag-teꞌag na nga nanganya-kanya nat piyanawan. Temed, iyan ukuman nga panriga nga pagꞌangutun it kasalaꞌan tami nga muꞌsa, ipiyalabay na it AMPUꞌANG DIYUS it kanya.

Juan 10:1

“Kamatuudan talagay ipagsugid kut imyu,” maat ni Jesus. “Iyan nga magseled duꞌun it antur it mga tupa nga magpamtes, nga ega duꞌut puwirtaꞌan i paglapasan ka in ari-ari na lamang i pagguꞌrapan, ega yay belag, mananakaw yan u in daꞌga manigpanrangpas.

Juan 10:9

Aku i bilang puwirtaꞌan. Kumpur semled situt aken, ka aku nay pagpamayaꞌnen baw pagsarigan ya, siguradung maribri. Tarimaen ku kanyat magayen, nga subuk pagtarima it manigꞌeper it mga tupa it magseled, magliꞌwan, isaꞌun ega maꞌunu, in daꞌga maparagan yang pirmi i magagayen nga pagpasturan.

Juan 14:6

Timnubag si Jesus, maat ya, “Aku na ngaytu i dalan, aku i kamatuudan baw aku gasiꞌ i kaꞌgenan. Egay kapaꞌaduꞌun it Diyus Amaꞌ in daꞌga akuy dalan nga panawan ya.

Efeso 2:18

Ka sabap it ki Cristo ngaytu, surubung tami na kayti nga pagtanggapen it Diyus Amaꞌ in magpatpad tami duꞌun it kanya kat tabang it Espiritu Santo nga magsasarum situt bilug tami nga muꞌsa.