Juan 10:5 - Tagbanwa

⁵ Temed talagang daꞌsira magbayaꞌ it beken. Mamagpalagyu ga in may belag, ka ega magkakilalaan niray gaꞌmaran ya ka ega gaꞌmaran it manigꞌeper nira.”

Juan 10:5 Iomraidhean Croise

Marcos 4:24

Paꞌugdun paꞌ ni Jesus, maat ya, “Kaꞌilangan nga pasepsepan mit magayen i magkagnegan mi nga panulduꞌ ku. Ka in unuy pangukuman mi, nga sunudun it magayen u baliwalaꞌen na lamang, yanagay iꞌukuman it Ampuꞌang Diyus it imyu, u subraꞌ paꞌ.

Lucas 8:18

Aypaꞌ pagneg kamu it magayen. Sabap iyan taw nga pagsepsepen yay nagnegan ya situt aken, dungagan it Ampuꞌang Diyus i kasepsep ya seked magbastanti nay magkaꞌrutan ya. Temed iyan ega pagsepsepen yay nagnegan ya ngaytu, awaꞌen nat Ampuꞌang Diyus i maski iyan nga tanud ya nasepsepan ya na, isaꞌun egay lapusan ya.”

Juan 10:16

May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:4

Basta yan nakapaliꞌwan yay kumpur sadili ya, kanya nay duꞌut uꞌnaan baw dumasun nay mga tupa, ka magkatandaꞌan na niray gaꞌmaran ya.

2 Timoteo 4:3

Sabap mabut i timpu nga ega na pagnegan it kadaklan i kamatuudan ngaytu nga ipagpangadal ta. In daꞌga yanayan, yan i paglabiyen nira, kalasi-kalasing pangadal nga siyang. Aypaꞌ ka dakel i kunkunun nira nga manigpangadal nga mampang uyun na lamang it pagsagyaan nira ngayti.

1 Juan 2:19

Mga magpakikuntraꞌ ngaytu, maski kaꞌuyutan ta nagat tagnaꞌ, temed daꞌsira magpaꞌuyun it aten it kamatuudan nga paꞌuyun. Ka in talagang magpaꞌuyun sirat aten, simpri maneꞌteꞌ yan sirang kaꞌiba-iba ta. Temed it nagpablag sira, simpri maꞌyag nga ega na kaꞌuyutan tami i maski siyu it kanira.

1 Juan 2:21

Ega maat pagsuratan ku kamu sabap it ega magkaꞌrutan mi i kamatuudan pasar it ki Cristo, in daꞌga isaꞌun mapasiguru ku kamu kat kamatuudan ngaytu nga magkaꞌrutan mi na. Baw ta, urut mi na gasiꞌ nga iyan mga kaꞌambutan nga panulduꞌ, ega garing kat kamatuudan ngaytu.

Mga Ipiyalteg 2:2

Urut ku talaga i buwat mi nga mga magpamayaꞌ asan. Magpaꞌres kamu it paꞌres banar baw teꞌteꞌ talagay pamayaꞌ mi it kamatuudan. Talagang magkaltegan ku nga ega pagpasaleꞌsegen mi i magbuwat it maraꞌe-raꞌet asan it imyu. Siyukda-sukdanan mi i iyan mga magpaꞌapu-apustul asan, baw natantuwan mi nga magpaꞌapu-apustul sira nga matuud.