Juan 10:41 - Tagbanwa

⁴¹ Dakel nga nagpaꞌaduꞌut kanya. Maamaatan sira nga, “Si Juan, egay binwat ya nga tandaꞌanan nga kalililuꞌang bagay, temed matuud i muꞌsa nga pagꞌaaten ya pasar it itu nga taw.”

Juan 10:41 Iomraidhean Croise

Mateo 14:2

Maat ni Herodes it mga katimbang ya, “Ega yay belag, si Juan ngayan nga magpamawtis. Naꞌgen yan it paꞌuliꞌ. Aypaꞌ yan magkabwat it mga kalililuꞌan ngayan nga bagay.”

Marcos 1:37

Pagkaparag nirat ki Jesus, maat nira, “Pagtulusun ka bat kadaklan it taw.”

Lucas 12:1

Iyan sigi na nga abut it rinibu na nga mga taw, ta unupat magkapagtegda-tegdayen na sirat aꞌay. Miyampang si Jesus nga mga alagad ya daꞌan i inaat ya. “Iyan,” maat ya, “magꞌintur kamu it ipagpaꞌalsa it mga Pariseo, isaꞌun daꞌkamu matindakan. Paꞌaaten ku ngayan, adat nira nga pagbete-beteꞌen nira lamang nga magpamayaꞌ it Ampuꞌang Diyus.

Lucas 5:1

Kaꞌsa magtitindeg si Jesus duꞌun it tambing it Lapnaw it Genesaret. Riyamu na kanya it dakel na nga pagtaw ka ireg nira nga makagneg it ampang it Ampuꞌang Diyus.

Juan 1:27

Kanya i magsusunud it aken. Yay matuud, maski muꞌbad it seget it talumpaꞌ ya, ega mapakay nga mabwat ku ka subraꞌ kanya nga mabantug.”

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.