Juan 10:4 - Tagbanwa

⁴ Basta yan nakapaliꞌwan yay kumpur sadili ya, kanya nay duꞌut uꞌnaan baw dumasun nay mga tupa, ka magkatandaꞌan na niray gaꞌmaran ya.

Juan 10:4 Iomraidhean Croise

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Juan 10:16

May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 10:3

Pagpasleden kanya it guwardiya it puwirtaꞌan, baw pagpapagnegan nga pirmi it mga tupa i gaꞌmaran ya. Saꞌnulun yay sadiling mga tupa it ingaranen ya, ka ipaliꞌwan ya sira duꞌut antur.

Juan 10:5

Temed talagang daꞌsira magbayaꞌ it beken. Mamagpalagyu ga in may belag, ka ega magkakilalaan niray gaꞌmaran ya ka ega gaꞌmaran it manigꞌeper nira.”

Juan 10:8

Dakel i nakauꞌna it aken nga mga manigtulduꞌ nga egay pupudir nira nga garing duꞌut Ampuꞌang Diyus. Subung sirat mga mananakaw baw manigpanrangpas ka magꞌagaw it pamayaꞌ it katataawan. Temed ega inintindi sirat mga bilang tupa ku.

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 13:15

Sabap binggayan ku na kamu it alimbawa, isaꞌun atkaytu nagay imyu nga buwaten, binwat ku ngaytu.

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 3:29

Ka subuk pasar it pagꞌasawa, iyan babay nga pagꞌasawaen na, kat lalaki lamang nga magpangasawa. Baw iyan lalaki nga magpasimpan it pagsadu ngaytu, nga iba-iba it magpangasawa, masagya kanyang banar pagkagneg yat ampang it iba-iba ya ngaytu nga papagsaduun na sira. Kayti aku, atkayan naga. Masagyang-masagya aku na, sabap it miyabut na si Jesus nga subuk pagsimpanan ku.

1 Corinto 11:1

Eeꞌ baꞌ, guruun mi i aken nga adat ka, aku, pagguruun kuy adat ni Cristo.

Efeso 5:1

Ta it kayti, kabilangan mi, mga anak kamu na it Ampuꞌang Diyus nga pagmaꞌalen ya, sana paꞌresan mi nga guruun mi naga kanya.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

Hebreo 6:20

Miyuꞌna it aten duꞌun si Jesus baw kayti magpanindeg it aten duꞌut adapan ngayti it Ampuꞌang Diyus. Ka, si Jesus ngaytu, kanya na i ipiyatindeg nga Piyakamataꞌas nga Sasirduti it egay katupusan nga subuk mataꞌas nga pagkasasirduti ni Melquisedec.

1 Pedro 2:21

Piniliꞌ kamu it Ampuꞌang Diyus baw talagang ipiyabetang-betang ya nga sumagkaꞌ kamu it kakuriꞌan it magayen i nakem. Sabap dakulaꞌ talagay siyagkaꞌ ni Cristo nga kakuriꞌan, isaꞌun lamang maribri kamu, baw sikayan binggayan ya kamu it ladawan nga iyan nagay guruun mi.

1 Pedro 4:1

Dakulay siyagkaꞌ ni Cristo nga kakuriꞌan, iyan situ paꞌ kanyat banwa. Aypaꞌ kaꞌilangan tingled nay nakem ta nga pasbung it kanya nga masagkaꞌ. Sabap in siyu nga ega magdaꞌga it kakuriꞌan nga magꞌabut it bilug ya, talagang magpamatuud nga ega na pagbebegbegan kanya it kasalaꞌan.

1 Pedro 5:3

Ega mapakay nga mapiyataꞌas-taꞌas kamu u mapiyanreges kat pagpamaalaꞌ mit mga taw, in daꞌga pamaalaꞌan mi sira kat keseg it magayeng adat mi nga ipaguru it kanira.