Juan 10:36 - Tagbanwa

³⁶ Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 10:36 Iomraidhean Croise

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Isaias 42:3

Ega luꞌtasen yat mungguꞌ i kubungu-bungguꞌ na, u parngen ya i magkedyep-kedyep mana nga tidaw. Baw purus mataldeng nga pangukuman i ipapanaw ya.”

Mateo 27:43

Magsarig kanya it Ampuꞌang Diyus, baw pagꞌaaten ya paꞌ nga Anak kanya it Ampuꞌang Diyus ngaytu. Ayta, in talagang pagmaꞌalen kanya nga matuud it Ampuꞌang Diyus, simpri iribri ya.”

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Lucas 1:35

Katubag i anghil ngayti, “Talagang matuud i inaat mu. Temed kat tabang it Espiritu Santo magbaraꞌ tu. Aypaꞌ ka dumarugmatiꞌ ka sabap it guna it Ampuꞌang Diyus nga Subrang Piyakamataꞌas. Aypaꞌ ka ipanganak mu ngayan, alaid nga alaid kat kasalaꞌan ka Anak kanya it Ampuꞌang Diyus.

Juan 10:35

Mga diyus i panaꞌwag it Ampuꞌang Diyus, duꞌut kasuratan ngayti, it mga taw nga pagpakarguꞌan yat mga ampang ya. Talagang basta inaat it kasuratan, egay kalipasan ya. Ega mapakay nga baliwalaꞌen i paꞌaaten ya.

Juan 17:18

In magꞌuꞌunu tiyaꞌeg mu aku nga manulduꞌ sinit kadakel it mga makasalaꞌan, atkayan naga pagtaꞌgen ku na sira, nga manulduꞌ naga duꞌut katataawan nga alaid pat imu.

Juan 17:21

isaꞌun magꞌurunyun sirang muꞌsa. Subung nagat aten, Amaꞌ, nga nagꞌuyun ta nga banar, ikaw sinit aken, aku asat imu, sang kagina-ginawaan ta lamang. Pagꞌangutun ku nga urunyun sira kat kaꞌirgan mu, isaꞌun sira baw kita, subuk sang kabilu-bilugan na. Pagꞌangutun kuytu isaꞌun pamayaꞌnen it mga katataawan nga ikaw i nagtaꞌeg it aken.

Juan 17:8

Sabap itiyulduꞌ ku nat kanira i panulduꞌ nga ipiyakarguꞌ mut aken, baw pagpamayaꞌnen talaga nira. Talagang pagsisiguruun na nira nga aku, garing asan it imu, baw pagpamayaꞌnen nira nga ikaw i nagtaꞌeg it aken.

Juan 19:7

Katubag i mga Judio ngayti, maat nira, “May mga kaꞌurdinan namen, baw uyun duꞌut kaꞌurdinan ngaytu, talagang bagay kanyang imatayen, ka magpangambuꞌ kanya nga Anak it Ampuꞌang Diyus.”

Juan 20:28

Yanay seked it naꞌampang ni Tomas, maat ya, “Ampuꞌan ku, Ampuꞌang Diyus ku!”

Juan 20:31

Temed iyan mga magsusurat situ, isiyurat tu ka isaꞌun mamayaꞌ kamu nga si Jesus na ngaytu i isiyanggup nga Manriribri baw kanyay Anak it Ampuꞌang Diyus. Baw kat pamayaꞌ baw pakilagpit mit kanya, siguradu nga maꞌimyu i kaꞌgenan nga egay kaskedan.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Juan 5:30

Talagang ega mapakay nga may pagbuwaten ku nga pagsadiliyen ku lamang. Magꞌukuman aku uyun nga pirmi kat ipagꞌaat nagat aken it Amaꞌ. Aypaꞌ ka magayen i pangukuman ku, ka ega maat sadili ku nga kaꞌirgan i pagsunudun ku, in daꞌga iyan i pagsunudun ku, iyan nga kaꞌirgan it nagtaꞌeg it aken it paꞌasitu.”

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Juan 6:57

Egen talagay Amaꞌ nga timnaꞌeg it aken it paꞌasitu baw aku, egen gasiꞌ sabap it kanya. Atkayan nagay in siyu-siyu nga kumaꞌen it aken. Egen kanya sabap it aken.

Juan 6:69

Pagpamayaꞌnen baw pagsisiguruun namen nga ikaw talaga i ega basta-basta ngayan nga siyarigan it Ampuꞌang Diyus.”

Juan 8:42

“Ta in atkayan,” maat siꞌ ni Jesus ngayti, “in talagang mga anak kamu it Ampuꞌang Diyus, kaꞌilangan maꞌalen mi aku, sabap duꞌun it Ampuꞌang Diyus i giyaringan ku. Garing duꞌut kanya, naꞌasitu aku nat imyu. Ega naꞌasitu aku kat kaꞌirgan ku na lamang, in daꞌga matuud nga tiyaꞌeg ya aku.

Roma 1:4

Si Jesu-Cristo ngaytu, inimatay kanya temed nagꞌegen naga kanyat paꞌuliꞌ kat keseg it Espiritu Santo. Sikaytu ipiyamatuud nga, kanya, gunaan talagang Anak it Ampuꞌang Diyus. Si Jesu-Cristo ngaytuy Ampuꞌan tang muꞌsa.

Roma 8:3

Talagang, pagsunud it taw it mga urdin, ega ikapisit kataldengan kat panleteg it Ampuꞌang Diyus u ikaliꞌwan it taw kat pamegbeg it kasalaꞌan. Ka egay magkasunud it kaꞌustuꞌan it mga urdin ngaytu, sabap it singkadan tang kaꞌiꞌirgan nga maraꞌe-raꞌet nga magbabanwa na kat muꞌsang taw. Temed maski atkayan, may ipiyabetang-betang it Ampuꞌang Diyus nga yanay nakapabaraꞌ it ega ngayan nakapabaraꞌ it pagsunud it taw it mga urdin. Ka binwat it Ampuꞌang Diyus, ipiyalampud ya i sadili yang Anak nga nagbalyung taw isaꞌun kasbung nga banar it aten nga makasalaꞌan. (Temed kanya, egay kakasalaꞌan.) Bawnga, kat binwat ya nga tiyanggung ya i kasalaꞌan tami nga mga taw, riyanggaꞌ ya talaga i pamegbeg it aten it kasalaꞌan.

Roma 9:5

Mabantug i mga kagiyaringanan nira baw gasiꞌ nga kaduguꞌan nira naga i nanganak it ki Cristo ngaytu, iyan nagbalyu kanya nga taw. Si Cristo ngaytu, Ampuꞌang Diyus kanya nga magbebegbeg it muꞌsa, nga pagbantugun baw pagsambaen it egay katupusan. Kamatuudan talagaytu.

Galacia 4:4

Temed iyan naꞌbut nay ipiyagtirminu nga timpu, tiyaꞌeg it Ampuꞌang Diyus i Anak ya nga paꞌasitu. Nagbalyu kanya nga taw nga ipiyanganak it esang babay, baw nangaꞌgenan kanya kat pagpasakep it mga ipiyagꞌurdin it Ampuꞌang Diyus duꞌun it mga Judio,