Juan 10:35 - Tagbanwa

³⁵ Mga diyus i panaꞌwag it Ampuꞌang Diyus, duꞌut kasuratan ngayti, it mga taw nga pagpakarguꞌan yat mga ampang ya. Talagang basta inaat it kasuratan, egay kalipasan ya. Ega mapakay nga baliwalaꞌen i paꞌaaten ya.

Juan 10:35 Iomraidhean Croise

Genesis 15:1

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Mateo 24:35

Mabut i timpu nga maꞌawaꞌ i langit baw banwa, temed talagang egay kaꞌawaꞌan it mga ampang ku, matuman nga muꞌsa.

Mateo 27:35

Iyan nakaransang na nira duꞌut krus si Jesus, piyagbagiꞌ-bagiꞌan nira i pakayan ya, pagkatiwas it pagpintuꞌan nira.

Mateo 5:18

Ka ituy matuud nga iꞌaat kut imyu. Talagang maꞌawaꞌ i langit baw banwa, takaꞌ talagang egay kaꞌawaꞌan it maski piyakadekeyeꞌ nga bagiꞌ it mga urdin it Ampuꞌang Diyus seked it ega matuman i muꞌsa.

Lucas 16:17

Temed ega ireg sugiden nga naꞌawaꞌan nat keseg i mga ipiyagꞌurdin ngaytit Ampuꞌang Diyus. Ka yay matuud, maꞌawaꞌ pay langit baw banwa, ega gat maski sang puntuꞌ nga inaat it mga urdin ngaytu.

Juan 10:34

Timnubag si Jesus, “Daꞌga baꞌ magsusurat naga duꞌun it mga kaꞌurdinan mi ngayang magꞌaat, ‘Inaat ku nga mga diyus kamu.’

Juan 10:36

Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 19:28

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Mga Binwat 1:16

Maat ya, “Mga sulsug ku kat pamayaꞌ, ega mapakay nga ega matuman i magsusurat nga ampang ni David ngaytit tagnaꞌ, kat panakem it Espiritu Santo, pasar it ki Judas ngayti nga nanguꞌnat mga namagdakep it ki Jesus.

Roma 13:1

Itu gasiꞌ i magayen it kitang taw, pasakep tami nga muꞌsa it mga punuꞌan it banwa tami, sabap pabetang-betang nagat Ampuꞌang Diyus i may mga punuꞌan ngaytu. Talagang garing duꞌut kanya i kariꞌgenan it muꞌsa ngaytung magpamaalaꞌ it banwa.

Deuteronomio 18:15

Ka may ipatindeg it AMPUꞌANG DIYUS kat mga kabilug mi nga esang prupitaꞌ nga subung nagat aken. Kaꞌilangan pagnegan mi kanyat magayen.

1 Samuel 15:1

Kaꞌsa maat ni Samuel it ki Saul, “Daꞌga basaꞌan itiyaꞌeg it aken it AMPUꞌANG DIYUS nga landaw nga gunaan nga paturuꞌan i ulu mut lana, baw ipasiguru ka nga adiꞌ it Israel? Kayti pagnegan mu i inampang ya nga ipagpaꞌabut ya situt imu.