Juan 10:34 - Tagbanwa

³⁴ Timnubag si Jesus, “Daꞌga baꞌ magsusurat naga duꞌun it mga kaꞌurdinan mi ngayang magꞌaat, ‘Inaat ku nga mga diyus kamu.’

Juan 10:34 Iomraidhean Croise

Exodo 4:16

Kanya i buwaten mu nga manigpakisugi-sugid it mga taw. Baw ikaw na i subuk aken, nga Ampuꞌang Diyus, nga magꞌaat it kanya in unu i aaten ya kat mga taw.

Exodo 7:1

Maat it AMPUꞌANG DIYUS it ki Moises, “Talagang buwaten ta ikaw nga subung ka nat Ampuꞌang Diyus kat panleteg it adiꞌ. Baw sulsug mu nga si Aaron i manigꞌampang mu.

Juan 10:35

Mga diyus i panaꞌwag it Ampuꞌang Diyus, duꞌut kasuratan ngayti, it mga taw nga pagpakarguꞌan yat mga ampang ya. Talagang basta inaat it kasuratan, egay kalipasan ya. Ega mapakay nga baliwalaꞌen i paꞌaaten ya.

Juan 12:34

Katubag i mga taw ngayti, maat nira, “Naꞌrutan namen i inaat duꞌun it kasuratan nga ampang it Ampuꞌang Diyus, nga Cristo ngayang isiyanggup, maneꞌteꞌ kanya it egay kaskedan. Ta unuka inaat mu nga ipadibwat duꞌun it krus i kanya nga Taga Langit nga Ipiyanganak it Taw? Unu bayan nga kalasing taw i paꞌaaten ngayan nga Taga Langit nga Ipiyanganak it Taw?”

Juan 15:25

Temed nagꞌabut tu isaꞌun lamang matuman i magbebtang duꞌun it kasuratan nira ngayang ampang it Ampuꞌang Diyus nga magꞌaat, ‘Pagꞌisgan nira aku maski egay binwat ku nga dapat isgan.’

Juan 8:17

Magsusurat naga duꞌut siyubli-subli mi nga mga kaꞌurdinan nga magꞌaat duꞌun, in nagsubung i pamatuud it duwa na nga magpanistigu, kaꞌilangan pakimatuudun.

1 Corinto 14:21

Dedemdemen mi i isiyurat nga ampang it Ampuꞌang Diyus nga magꞌaat, “Mabut i aldaw nga, kat ampang it beken nga bangsa it taw, ipaꞌrut kut mga taawan ku ngaytu i kusugiden kut kanira. Temed maski atkayan, talagang daꞌsira pagneg it aken.”