Juan 10:30 - Tagbanwa

³⁰ Ka aku baw Amaꞌ ku, sang kagina-ginawaan lamang.”

Juan 10:30 Iomraidhean Croise

Mateo 11:27

Pagkapanalangin, maat ya siꞌ, “Ipiyagꞌintergaꞌ it aken it Amaꞌ ku i muꞌsang mga bagay. Egay magkakilala nga banar it Anak in daꞌga Amaꞌ lamang. Baw ega gasiꞌ i magkakilala it Amaꞌ in daꞌga Anak, baw in siyu-siyu nga piliꞌen it Anak ngaytu nga paꞌyagan ya pasar it Amaꞌ.

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Juan 10:29

Ka iyan Amaꞌ ku nga minggay it kanira situt aken, landaw kanya nga gunaan, nga egay kasbung. Talagang daꞌsira maꞌagaw it maski siyu duꞌun it Amaꞌ ku.

Juan 10:36

Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 14:23

Katubag si Jesus, maat ya, “Iyan may pagmaꞌal it aken, simpri sunudun yay mga pagꞌaaten ku. Maꞌalen kanya it Amaꞌ ku, baw mamirmiyan kami magꞌAmaꞌ asat kanya nga kaꞌiba-iba ya nang pirmi.

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 16:15

Iyan muꞌsa nga duꞌut Amaꞌ, aken gasiꞌ. Aypaꞌ inaat ku nga manggaring it aken i ipaꞌyag yat imyu.”

Juan 17:10

Iyan muꞌsa nga aken, imu nagaytu, baw kumpur imu, aken naga yan. Baw matanyag duꞌut kanira i kabantugan ku.

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

Deuteronomio 6:4

Pagneg kamu it magayen, bangsa nga Israel. Iyan AMPUꞌANG DIYUS tami, kanya lamang i matuud nga Ampuꞌang Diyus. Ega nay beken.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Tito 2:13

Kaꞌilangan atkaytuy pangaꞌgenan ta mintras pagꞌelatan tami i kasagyaan nga pagsisiguruun ta, nga maltegan i kabantugan ni Cristo Jesus kat pamaꞌuliꞌ ya situ, kanya nga mabantug nga Ampuꞌang Diyus baw Manriribri tami.

1 Juan 5:20

Baw talagang magkaꞌrutan ta nga limnampud na situt aten i Anak it Ampuꞌang Diyus, baw binggayan ya na kita it ipagkasepsep, isaꞌun makilalaan tami nga banar i matuud nga Ampuꞌang Diyus. Kayti magpakiꞌuyun tami na it Ampuꞌang Diyus sabap maglalagpit ta nat Anak ya nga si Jesu-Cristo. Yay matuud, si Jesu-Cristo ngaytu, kanya talagay matuud nga Ampuꞌang Diyus nga puꞌun it kaꞌgenang egay kaskedan.

1 Juan 5:7

Yay matuud, tulu talagay magpamatuud kaytu pasar it ki Jesu-Cristo, in siyu talaga kanya.