Juan 10:28 - Tagbanwa

²⁸ Pagbegayan ku sira it kaꞌgenan nga egay kaskedan baw seked it kaꞌnu-kaꞌnu daꞌsira maꞌilang. Baw daꞌsira maꞌagaw it maski siyu situt aken.

Juan 10:28 Iomraidhean Croise

Isaias 55:3

Pagneg kamu baw pasakep nat aken. Pagnegan mi aku isaꞌun may kaꞌgenan mi nga ega basta-basta. Ka may ipakiꞌupakat kut imyu, pakiꞌupakat nga egay kaskedan ya. Sabap iꞌildaw ku nat imyu i mga ega basta-bastang kagayenan nga isiyanggup ku it adiꞌ it tagnaꞌ nga si David it ega magkaꞌugad-ugad nga sanggup.”

Jeremias 31:34

Ega na maat kaꞌilangan paꞌ nga itulduꞌ it maski siyu it mga kabanwa ya, u iꞌaat ya paꞌ it mga sulsug ya nga magꞌaat, ‘Kaꞌilangan nga kilalaen mu i AMPUꞌANG DIYUS.’ Sabap aku, makilalaan nira na nga muꞌsa, ega nay piniliꞌan, mataꞌas nga duguꞌ baw raꞌyat. Sabap ipasinsiya ku nat kanira i karaꞌe-raꞌetan nira baw talagang lipaten ku na i mga kasalaꞌan nira.”

Marcos 13:22

Sabap talagang may mangambuꞌ na nga maat Cristo na u prupitaꞌ na. Palteg sira it mga tandaꞌanan baw muwat sirat mga kalililuꞌang bagay, isaꞌun nga in mapakay lamang, mateꞌag-teꞌag niray pati mga piniliꞌ it Ampuꞌang Diyus.

Lucas 23:46

Nanggaꞌmaran si Jesus, nga magꞌaat, “Amaꞌ, ipagꞌintergaꞌ ku nat imu i kiyarurwa ku.” Langkuy it piyapalagsik ya na.

Juan 10:29

Ka iyan Amaꞌ ku nga minggay it kanira situt aken, landaw kanya nga gunaan, nga egay kasbung. Talagang daꞌsira maꞌagaw it maski siyu duꞌun it Amaꞌ ku.

Juan 11:25

Tubagen ni Jesus, maat ya, “Aku ngaytu i manigꞌegen it paꞌuliꞌ baw puꞌun it kaꞌgenan. Iyan magpamayaꞌ it aken, maski matay na kanya siguradung maꞌgen nagat paꞌuliꞌ.

Juan 14:19

Ega na maꞌlay nga timpu, daꞌku na maltegan it kadakel ngayting ega magpamayaꞌ it aken. Temed kamu, maltegan mi naga aku. Baw sabap it magꞌegen akut paꞌuliꞌ, siguradu nga kamu gasiꞌ, mabut nga magꞌegen kamu naga kat matuud nga kaꞌgenan nga egay kaskedan.

Juan 17:2

Subung nagat pagbegay mut aken it pagsakep it muꞌsang taw kat sinirungat langit, isaꞌun begayan kut kaꞌgenang egay kaskedan i muꞌsang ibinggay mut aken.

Juan 18:9

Inampang yay atkayti ka isaꞌun magmatuud i inampang ya ngayti nga magꞌaat, “Egay naꞌilang ku nga maski esa nga mga ibinggay mu ngaytut aken, Amaꞌ.”

Juan 3:36

Iyan magpamayaꞌ baw magsarig nat Anak ngaytut Ampuꞌang Diyus, may kaꞌgenan ya na nga egay kaskedan. Temed iyan nga ega magpamayaꞌ it Anak ngaytu, ega makanya i itung kaꞌgenan. Siguradung ega kaꞌbut duꞌut kagayenan nga duꞌun it langit. Magtetdek paꞌ duꞌun it kanya i iseg it Ampuꞌang Diyus.

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Juan 5:24

Talagang matuud tuy itu nga ipagꞌaat kut imyu. Iyan magpagneg it mga pagꞌampangen ku baw magpamayaꞌ it nagtaꞌeg ngaytit aken, iyan i may kaꞌgenan nga egay kaskedan. Ega na ukumanan kanya it mabeꞌgat. Imbis nga panriga nga kamataynen, siguradung may magꞌaꞌareg nat kanya nga kaꞌgenan nga egay kaskedan.

Juan 6:27

Kaꞌilangan paꞌres kamu, ega sabap duꞌun it pangaꞌen nga magranggaꞌ, in daꞌga yay paꞌresan mi, pangaꞌen nga ega magranggaꞌ baw magkabgay it kaꞌgenan nga egay kaskedan. Ibgay tu it imyu it kanya nga Taga Langit nga Ipiyanganak it Taw, sabap kanya i binggayan it Diyus Amaꞌ it pudir.”

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:68

Katubag si Simon Pedro ngayti, “Ampuꞌan,” maat ya, “ay ari aduꞌunan namen it panulduꞌ mu gay magkabgay it kaꞌgenan nga egay kaskedan?

Mga Binwat 7:59

Siging buntal nira, siging panalangin ni Esteban nga magꞌaat, “Ampuꞌan ku nga si Jesus, tanggapen mu i kiyarurwa ku.”

Roma 5:17

Maꞌyag nga sabap it kasalaꞌan it sangbat nga taw, si Adan ngaytu, nasakep nay muꞌsang taw it kamataynen. Temed sabap gasiꞌ it sangbat nagang taw nga si Jesu-Cristo, subrang piyakamagayen i matanggap it iyan magpaꞌildaw-ildaw it kanya. Ka sabap it ildaw it Ampuꞌang Diyus nga bastanting-bastanti, begayan sirat begay-matag nga maꞌiriꞌ kat panleteg ya i muꞌsang kasalaꞌan nira, baw kaꞌibaan na sira ni Cristo it magꞌadiꞌ duꞌun it langit.

Roma 5:2

Sabap it binwat ngaytu ni Jesu-Cristo nga pagpamayaꞌnen baw pagsarigan ta, pagsasakpen ta na it ildaw ngaytut Ampuꞌang Diyus nga paglabayen ta na kayti. Baw talagang pagsisiguruun tat masagyang-masagya nga sakpen ta gasiꞌ it ega basta-bastang kabantugan nga ibgay it Ampuꞌang Diyus it aten duꞌun it langit.

Roma 5:21

Aypaꞌ, maski nandaꞌeg i kasalaꞌan ngaytu nga liꞌwan ya kamataynen, diyaꞌeg naytut ildaw it Ampuꞌang Diyus. Ildaw na ngaytuy magpandaꞌeg ka, sabap it binwat it Ampuꞌan ta nga si Jesu-Cristo, mapakay na nga tumaldeng nay taw kat panleteg it Ampuꞌang Diyus baw mabgayan it kaꞌgenang egay kaskedan.

Roma 5:9

Ta it kayti, timnaldeng tami na kat panleteg it Ampuꞌang Diyus sabap it pamayaꞌ baw pagsarig tat timnuruꞌ ngayti nga duguꞌ ni Cristo, ta, sabap nagat binwat ngaytu ni Cristo, siguradu nang maribri ta gasiꞌ kat panriga it Ampuꞌang Diyus sabap it mga kasalaꞌan tami.

Roma 6:23

Sabap maꞌyag nga kamataynen nga egay kaskedang panriga i liꞌwan it kasalaꞌan ngaytu. Temed maꞌyag gasiꞌ nga kaꞌgenang egay kaskedan i ipagꞌildaw ngaytut Ampuꞌang Diyus kat muꞌsang taw nga maglalagpit nat ki Cristo Jesus nga Ampuꞌan tami.

Roma 8:1

Temed kayti, ituy kamatuudan nga iyan mga maglalagpit nat ki Cristo Jesus, nga magpasakep nat kanya, talagang ega na maꞌulug kat maski unu nga ukuman nga panriga.

Roma 8:29

Sabap talagang garing paꞌ it katagnaꞌ-tagnaꞌan, pagnanakmen nang lagi it Ampuꞌang Diyus in siyu may siyu i panakman ya nga pasakep it kanya, baw ipiyasiguru ya gasiꞌ nga makasbung sirat Anak ya nga si Jesus. Kabilangan ya, si Jesus na ngaytu i mabantug nga kiyaꞌakaꞌan tami nga muꞌsang nagsulsu-sulsugun nga inanak it Ampuꞌang Diyus.

Filipos 1:6

Tabang mi ngaytu, tandaꞌ it piyapuꞌnan na it Ampuꞌang Diyus i kagayenan nga kubwaten ya kat nakem mi. Baw pagsisiguruun ku nga ipasigi ya seked it kumplitu na, kat aldaw it pamaꞌuliꞌ situ ni Cristo Jesus.

2 Tesalonica 2:13

Temed dapat kami nga pirming magpasalamat duꞌun it Ampuꞌang Diyus sabap it imyu, mga sulsug namen kat pamayaꞌ nga mga pagrarasan it Ampuꞌan. Sabap, garing it ega pay banwa, napiliꞌ kamung lagi it Ampuꞌang Diyus nga, kat keseg it Espiritu Santo, maribri kamu baw ipapinpin nga mga mataldeng nga taawan ya sabap it pamayaꞌ mi it kamatuudan ngaytu.

1 Timoteo 1:16

Eeꞌ baꞌ, inildawan ya aku ngaytu isaꞌun, kat sanguꞌ ya ngaytut aken nga gimpuꞌun it makasalaꞌan, matantuwan i kadakulat kapalulusan ni Jesu-Cristo ngaytu. Ka binwat ya aku nga esang alimbawa, isaꞌun matantuwan it katataawan nga pati sira, mapakay nga mamayaꞌ it kanya, baw makanira gasiꞌ i kaꞌgenan nga egay kaskedan.

2 Timoteo 1:12

Baw sabap it pagsarunga kut katengdanan ku ngaytu, nakabetang akut kakuriꞌan ngaytung atkaytu. Temed egaytu ipagpabetang ku nga kaꞌeꞌyaꞌan, sabap talagang kilalang-kilala kuy piyamayaꞌ ku ngaytu nga si Cristo Jesus. Baw pagsisiguruun ku nga kaya ya talaga nga tarimaen ya aku nga makateꞌteꞌ, isaꞌun pagꞌabut it aldaw ngayang ipangukuman, maꞌaken i karibriyan nga isiyarig kut kanya.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

1 Pedro 1:5

Ta sabap it pagsarig baw pamayaꞌ mi it kanya, pagtatarimaen kamu nga pirmi kat guna it Ampuꞌang Diyus, mintras pagꞌeꞌlaten mi i karibriyan nga tumanen ya baw itanyag asan it umur nat banwa.

1 Juan 1:2

Eeꞌ baꞌ, kanya ngaytung puꞌun it kaꞌgenan, itiyanyag nat amen. Talagang naltegan namen kanya. Aypaꞌ ka ipagpamatuud namen na, baw ipagpangadal namen nat imyu i pasar it kanya ngaytu nga egen it egay kaskedan. Garing it tagnaꞌ paꞌ, duꞌun kanya nga lagi it adapan it Diyus Amaꞌ, baw kayti, itiyanyag na kanya situt amen.

1 Juan 2:19

Mga magpakikuntraꞌ ngaytu, maski kaꞌuyutan ta nagat tagnaꞌ, temed daꞌsira magpaꞌuyun it aten it kamatuudan nga paꞌuyun. Ka in talagang magpaꞌuyun sirat aten, simpri maneꞌteꞌ yan sirang kaꞌiba-iba ta. Temed it nagpablag sira, simpri maꞌyag nga ega na kaꞌuyutan tami i maski siyu it kanira.

1 Juan 2:25

Baw ituy isiyanggup it aten it Ampuꞌang Diyus, kaꞌgenan nga egay kaskedan.

1 Juan 5:11

Ka ituytu i pamatuud ya ngaytu. Kaꞌgenan nga egay kaskedan i begay it Ampuꞌang Diyus it aten, baw maꞌaten tu sabap duꞌun it pamayaꞌ baw pagsarig tat Anak ya ngaytu.

Judas 1:1

Aku nga si Judas nga manigsirbi ni Jesu-Cristo baw sulsug ni Santiago i tagsurat kaytu. Pagsuratan ku kamu, nga mga ipiyapinpin it Diyus Amaꞌ isaꞌun mataawan ya na baw talagang pagrarasan ya, kamu nga pagtatarimaen nga pirmi ni Jesu-Cristo baw piyanakman nga pasakep it kanya.

Judas 1:21

Inturun mi i pangaꞌgenan mi, isaꞌun daꞌkamu kapaꞌalaid kat kararas it Ampuꞌang Diyus, mintras pagpaꞌbutun mi i kaꞌgenan nga egay kaskedan, nga ildaw it aten it Ampuꞌan tami nga si Jesu-Cristo.

Judas 1:24

Dapat talaga nga bantugun i Ampuꞌang Diyus, kanya nga kayang-kaya ya talaga nga magtatarima it imyu isaꞌun daꞌkamu mateꞌag-teꞌag baw makakleb kat kasalaꞌan. Mapaꞌadap ya paꞌ kamu duꞌun it ega basta-bastang kabantugan ya it may dakulang kasagyaan, nga ega nay maꞌiway ya.