Juan 10:27 - Tagbanwa

²⁷ Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 10:27 Iomraidhean Croise

1 Mga Adiꞌ 18:21

Iyan tingped na, inadap sira ni Elias baw maat ya it mga Israelita ngayti, “Seked it kaꞌnu baytu i pagꞌalang-alang mi ngaytu? Kayti ituy iꞌaat kut imyu. In talagang AMPUꞌANG DIYUS i matuud nga Diyus, kaꞌilangan nga kanyay sunudun mi. Takaꞌ in si Baal i matuud, ta yay sirbiyan mi, si Baal ngaytu.” Egay nagriꞌe-riꞌeng nga kadakel ngayti.

Isaias 66:22

Maat pay inaat it AMPUꞌANG DIYUS, “Baw in magꞌuꞌunu ega nay karanggaꞌan it baꞌgung langit baw baꞌgung banwa nga gunaen ku, atkayan naga nga maneꞌteꞌ it egay kaskedan i mga kamatuudan nga taawan ku baw mga tungtung-inapuꞌ nira.

Mateo 16:24

Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 25:12

Temed katubag i piyataꞌwagan ngayti, ‘Yay matuud, ega bayan kilala ku kamu nga kaꞌuyutan ku.’

Mateo 7:23

Temed yay itubag kut kanira, ‘Talagang ega pagkilalaen ku kamu nga taawan ku. Magliꞌid kamu na situt aken, mga mamumuwat it karaꞌe-raꞌetan!’”

Marcos 10:21

May raras nga tiyermek ni Jesus it semyek, baw inaat kanya, “May esa paꞌ nga bagay nga magkakurangan mu. Muliꞌ ka na ka ipaꞌalang muy muꞌsang kusas mu bawnga itabang mu it mga makukuriꞌ i bayad ya. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Marcos 8:34

Piyapaꞌadeꞌdeng ni Jesus i mga taw baw mga alagad ya ngayti baw miyampang kanya, nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Lucas 13:27

Pagtubag yan it Ampuꞌan, maat ya, ‘Ega bayan talaga pagkilalaen ku kamu nga kaꞌibaan ku. Magpaꞌalaid kamu na situt aken, kamung muꞌsa nga mamumuwat it karaꞌe-raꞌetan!’

Lucas 9:23

Bawnga may inaat ya siꞌ duꞌun it kadakel it mga taw nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yat aldaw-aldaw i sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Juan 10:14

Aku i magayen nga manigꞌeper. In magꞌuꞌunu magkakilalaan akut Amaꞌ baw kanya kilala ku gasiꞌ, atkayan naga magkakilalaan ku i sadili ku nga mga tupa, baw magkakilalaan nira gasiꞌ aku. Baw talagang ibgay ku i ginawa ku sabap lamang it kanira.

Juan 10:16

May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:8

Dakel i nakauꞌna it aken nga mga manigtulduꞌ nga egay pupudir nira nga garing duꞌut Ampuꞌang Diyus. Subung sirat mga mananakaw baw manigpanrangpas ka magꞌagaw it pamayaꞌ it katataawan. Temed ega inintindi sirat mga bilang tupa ku.

Juan 12:26

Iyan magsirbi it aken, kaꞌilangan masiyunudun kanyat aken, baw in ariyen i aduꞌunan ku, aduꞌunan naga yan it magsirbi ngaytu it aken. Talagang tumbasan it Amaꞌ it kagayenan i maski siyu nga magsirbi it aken.

Juan 21:22

Katubag si Jesus, maat ya, “In ireg ku nga egen kanya seked it pamaꞌuliꞌ ku, unuy labe-labet mu? Kaꞌilangan magsunud kay imu it aken.”

Juan 5:25

Ituy kamatuudan, mabut i timpu, kayti na ngaytu, nga magnegan it mga sakep it kamataynen i gaꞌmaran it Anak it Ampuꞌang Diyus, baw iyan nga pagneg baw sumunud, magꞌegen.

Juan 8:12

Pagsaꞌup siꞌ ni Jesus it mampang duꞌun it mga taw, maat ya, “Aku ngaytu i bilang tidaw nga magbegay it eyag kat pikiran it mga taw situt sinirungat langit. Iyan sumunud it aken, ega na subung it magpanaw it delemen, sabap pagꞌeꞌyagan na kanyat tidaw ngaytu nga magbegay it kaꞌgenan nga egay kaskedan.”

Juan 8:43

Unuka ega magkasepsepan mi i pagꞌaaten ku? Sabap siguru it ega kutanggapen mi i ipagpangadal ku ngaytu.

Mga Binwat 3:23

Ka in siyuy ega sumunud it itung prupitaꞌ, talagang mabeꞌgat i panriga it kanya, ka maꞌiriꞌ kanya kat mga taawan it Ampuꞌang Diyus.’

1 Corinto 8:3

Temed iyan taw nga magraras it masigkataw ya, yay pagkilalaen it Ampuꞌang Diyus nga taw nga may kamatuudan nga kasepsep ngaytu.

Galacia 4:9

Temed kayti, sabap it pagkilala it Ampuꞌang Diyus it imyu, pagkilalaen mi na kanyang banar. Ta it atkaytu na, unuka magpaꞌuripen kamu siꞌ it iyan dalan nga egay keseg baw egay kuwintaꞌ?

2 Timoteo 2:19

Temed talagang mapaꞌgeng-mapaꞌgen i kamatuudan nga garing duꞌut Ampuꞌang Diyus baw magꞌuꞌunay sikaytu i pamayaꞌ it mga taawan ya. Binggayan ya paꞌ sirat kariꞌgenan nga magꞌaat, “Magkakilalaan it Ampuꞌang Diyus i kumpur taawan ya nga matuud.” Baw paꞌugdun ya paꞌ, “Kaꞌilangan nga in siyuy magpamatuud nga nagpasakep na kanyat Ampuꞌan, paꞌalaidan yay muꞌsang karaꞌe-raꞌetan.”

Hebreo 3:7

Aypaꞌ, kayti, dedemdemen tami i ipiyagsasar ngayan it Espiritu Santo ngayang magꞌaat, “Kayti, basta nagnegan mi i ipagꞌaat it Ampuꞌang Diyus,

Mga Ipiyalteg 14:4

Mga taw ngayti, ega simnalya manriꞌe-riꞌeng it maski siyu nga babay. Mamagbaya-bayaꞌ sirang pirmi it paꞌaaten ngayting Uꞌuybun It Tupa. Talagang kat muꞌsang katataawan, napiliꞌ sira nga subuk inalang, nga sira, mga taawan na it Ampuꞌang Diyus. Baw kabilangan nira, subuk uꞌnang lutuꞌ nga tirigu nga ipagpasalamat duꞌun it Ampuꞌang Diyus baw Uꞌuybun ngaytit Tupa.

Mga Ipiyalteg 3:20

Ka wayni aku na. Subung it magtitindeg aku asat salakwatan, magpaꞌungaꞌ-ungaꞌ nga pasleden. Ka in siyu-siyuy sumambung, nga mabri it talaꞌep ya ka pasleden ya aku, daꞌnay kasasawan it pagꞌiba-iba namen.