Juan 10:24 - Tagbanwa

²⁴ Liniputan kanya it mga Judio baw inaat nira kanya, “Seked it kaꞌnu baytu paglibegen muy pikir namen? Kaꞌilangan in talagang ikaw nay Cristo ngayang isiyanggup nga Manriribring Adiꞌ, irapar mu na.”

Juan 10:24 Iomraidhean Croise

1 Mga Adiꞌ 18:21

Iyan tingped na, inadap sira ni Elias baw maat ya it mga Israelita ngayti, “Seked it kaꞌnu baytu i pagꞌalang-alang mi ngaytu? Kayti ituy iꞌaat kut imyu. In talagang AMPUꞌANG DIYUS i matuud nga Diyus, kaꞌilangan nga kanyay sunudun mi. Takaꞌ in si Baal i matuud, ta yay sirbiyan mi, si Baal ngaytu.” Egay nagriꞌe-riꞌeng nga kadakel ngayti.

Mateo 11:3

ka ipiyaꞌingkut ya nga magꞌaat, “Unu baꞌ, ikaw na i isiyanggup ngayan nga papaꞌasituun u melat kami paꞌ it beken?”

Marcos 8:32

Iriyapar ya talaga it kanira. Pagkagneg ni Pedro, inambayan ya si Jesus bawnga siyabar ya.

Lucas 3:15

Ta it talagang maseked-seked i elat it mga taw it isiyanggup nga Cristo, kat nake-nakem it muꞌsa, “Barang si Juan na ngaytuy Cristo ngayang paꞌaaten.”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 10:31

Pagkagneg it mga Judio ngayti, nagsigkuꞌmit siꞌ sirat batu, ka pagkubatuun nira siꞌ kanya.

Juan 10:33

Tiyubag kanyat mga Judio nga magꞌaat, “Ega sabap duꞌun it mga magagayen ngayting buwat i pagkubatuwan namen it imu, in daꞌga sabap duꞌun it pagꞌagawun muy kabantugan it Ampuꞌang Diyus, nga magpaDiyu-Diyus ka it taw ka lamang nga manengteng.”

Juan 16:25

Iyan mga itu ngaytu, ipiyagꞌaat kut imyu it paꞌalimbawa lamang. Temed mabut i timpu nga ega na atkaytuy pakisugi-sugid kut imyu. Raparan na nga isugid kut imyu i pasar it Amaꞌ.

Juan 8:25

“Tay, siyu ka baytu?” ingkut siꞌ it mga taw ngayti. “Ta daꞌga baꞌ ipagsugid ku nat imyu it kaꞌlay ngaytu in siyu aku nga matuud?” tubag ni Jesus it kanira.

Juan 8:53

Unu, mabantug ka paꞌ it amaꞌ namen ngaytu nga si Abraham? Natay na kanya, subung naga i mga prupitaꞌ. Unu baytuy tanud, in siyu na?”

Juan 9:22

Atkayti i pangampang it mga giyaringan ya ngayti ka magꞌiꞌlam sirat mga pagbayaꞌen ngaytit mga Judio, sabap may piyagꞌunyunan it mga Judio ngayti nga in siyu-siyuy liꞌwanan it si Jesus na ngayti i Cristo nga Manriribring Adiꞌ ngayang isiyanggup, awaꞌen na duꞌut papagsambaan nira. Ega na uyut it pagkaJudio.

2 Corinto 3:12

Ta, sabap it natantuwan nameng banar i kagayen nga daꞌnay kasubraꞌ it baꞌgu ngaytung dalan it karibriyan, ipagrapar namen it may pagmaꞌiseg it nakem.