Juan 10:19 - Tagbanwa

¹⁹ Sabap it iti nga inampang ni Jesus, ega siꞌ magparag-paragen i mga Judio.

Juan 10:19 Iomraidhean Croise

Juan 6:52

Sabap siꞌ it iti nga inampang ni Jesus nagdaꞌe-daꞌegen siꞌ i mga Judio, ka maamaatan sira, “Magꞌuꞌunu ibgay it itung taw i bilug ya nga kaꞌnen tami?”

Juan 9:16

Maat i beken nga mga Pariseo ngayti, “Talagang ega garing duꞌun it Ampuꞌang Diyus i iyang taw, sabap it ega pagꞌintindiyen yay Aldaw it Kapaꞌnaan ngaytu.” Temed beken, magꞌaat gasiꞌ nga magꞌuꞌunu makabwat it atkaytung mga tandaꞌanan nga kalililuꞌang bagay i esang makasalaꞌan? Sikayti ega siꞌ magparag-paragen sira it pagsugiden.

Mga Binwat 14:4

Ta, nabagiꞌ nay mga taw duꞌun it Iconio ngayti. Sang bagiꞌ, kampiꞌ kat mga apustul nga kana Pablo, sang bagiꞌ duꞌut mga Judio ngayting ega kupamayaꞌ.

1 Corinto 11:18

Ka uꞌna-uꞌna ya, nabaritaꞌan ku nga in magtingped kamu nga magsamba, ega magꞌurunyun kamu ka, buwat it beken, pagbidaꞌen nira i maꞌiba nira. Subuk pagpakimatuudun kuytu nga barang may kamatuudan.

1 Corinto 3:3

Sabap magdadaꞌeg paꞌ kat nakem mi i maraꞌe-raꞌet nga kaꞌirgan it bilug, ka asan pat imyu i inggi-inggiten baw pakidaꞌeg it esa may esa. Iyang mga adat mi, magpamatuud nga pagsumbayaꞌen mi paꞌ i sadili mi nga kaꞌirgan it bilug, subung nagat mga taw nga ega paꞌ namayaꞌ it ki Cristo.