Juan 10:16 - Tagbanwa

¹⁶ May mga tupa ku pang beken nga magpuyrat mga itu ngaytu nga kat antur na ngaytu. Kaꞌilangan ipaꞌuyut ku gasiꞌ sira it pagꞌaypeten ku. Pagnegan nira gasiꞌ i gaꞌmaran ku, isaꞌun sang siraan nat dati nga mga tupa, baw esa-esa gasiꞌ i manigꞌeper nira.

Juan 10:16 Iomraidhean Croise

Isaias 49:6

Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”

Isaias 52:10

Kat muꞌsa nga bangsa, matantuwan nira i keseg it alima it Ampuꞌang Diyus. Talagang maltegan it muꞌsang taw situt sinirungat langit i panribri nga buwaten ya.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Lucas 15:8

“Atkayan naga,” maat ni Jesus, “nga in beteꞌ may esang babay nga may pirak ya nga sang pulung batu i madedsen nga pirak, nga kada sangbat, balit sang aldaw i tangdanan, bawnga sakaliꞌ nga may maꞌlam nga sangbat, unu yan i buwaten ya? Daꞌga baꞌ, pagketan yay tidaw? Walisan yat magayen i balay ya ka tulusun yat tulus banar seked it maparagan ya.

Juan 10:11

“Akuy subrang magayen nga manigꞌeper. Kamatuudan it magayen nga manigꞌeper, sabap lamang it mga tupa ibgay ya i pati ginawa ya.

Juan 10:2

Temed iyan ega magpamtes, ka in ari-ari puwirtaꞌan duꞌun i seldan ya, kanya yan i manigꞌeper it mga tupa.

Juan 10:27

Magpagneg it gaꞌmaran ku i mga tupa ku. Magkakilalaan ku sira, baw magdasun sira gasiꞌ it aken.

Juan 10:3

Pagpasleden kanya it guwardiya it puwirtaꞌan, baw pagpapagnegan nga pirmi it mga tupa i gaꞌmaran ya. Saꞌnulun yay sadiling mga tupa it ingaranen ya, ka ipaliꞌwan ya sira duꞌut antur.

Juan 10:4

Basta yan nakapaliꞌwan yay kumpur sadili ya, kanya nay duꞌut uꞌnaan baw dumasun nay mga tupa, ka magkatandaꞌan na niray gaꞌmaran ya.

Juan 10:5

Temed talagang daꞌsira magbayaꞌ it beken. Mamagpalagyu ga in may belag, ka ega magkakilalaan niray gaꞌmaran ya ka ega gaꞌmaran it manigꞌeper nira.”

Juan 11:52

Baw ega lamang bangsat Judio, in daꞌga isaꞌun mabwat sira nga sang siraan it matingped yang mga anak it Ampuꞌang Diyus nga gumaring kat paꞌari-aring rugar.

Juan 17:20

“Baw ega lamang mga alagad ku ngayni i ipagpanalangin ku, in daꞌga pati iyan mga mamayaꞌ it aken sabap it pangadal nira,

Juan 6:37

Pasakep it aken i kumpur ipagbegay it Amaꞌ it aken. Talagang egay imugawun ku nga maski siyu nga magpasakep it aken.

Mga Binwat 15:14

Nagnegan ta nay tuturan ngayan ni Simon Pedro, nga in magꞌuꞌunu nagpapuꞌun nay Ampuꞌang Diyus it papamayaꞌnen ya i mga taw nga ega Judio isaꞌun, duꞌun it kanira gasiꞌ, may makaꞌuyut it mga taawan ya.

Mga Binwat 18:10

ka ega ku ikaw pabayaꞌan. Pagtatarimaen ku ikaw nga pirmi, isaꞌun egay maski siyu nga kapasipalat imu it pasakit u pakuriꞌ, ka dakel pay papamayaꞌnen kung taw situt itung siyudad.”

Mga Binwat 22:14

Bawnga miyampang siꞌ kanya, nga maat ya, ‘Garing it tagnaꞌ, piniliꞌ ka nang lagi it Ampuꞌang Diyus it mga kagiyaringanan ta. Ipiyabetang-betang ya nga matantuwan mu i kaꞌirgan ya, ka maltegan muy mataldeng nga Manigsirbi ya baw magnegan muy ampang ya nga pakisugi-sugid yat imu.

Roma 11:25

Mga kasulsugan, may ipagpaꞌrut nat Ampuꞌang Diyus nga, garing it tagnaꞌ, ega paꞌ ipiyaꞌrut yat taw. Kaꞌilangan nga maꞌrutan mi tu isaꞌun ega makapataꞌas-taꞌas mi i sadili mi u manadilit pasepsep. Ta, itu nay ipagpaꞌrut it Ampuꞌang Diyus nga, kadaklan it mga Judio, paribasay magpakitabug sirat kamatuudan pasar it karibriyan, piyadsen ya na i mga ulu nira. Baw maneꞌteꞌ tu seked it timpu nga magpamayaꞌ nat ki Cristo i kapuꞌsaan it mga taw nga ega Judio nga napiliꞌ it Ampuꞌang Diyus.

2 Tesalonica 2:13

Temed dapat kami nga pirming magpasalamat duꞌun it Ampuꞌang Diyus sabap it imyu, mga sulsug namen kat pamayaꞌ nga mga pagrarasan it Ampuꞌan. Sabap, garing it ega pay banwa, napiliꞌ kamung lagi it Ampuꞌang Diyus nga, kat keseg it Espiritu Santo, maribri kamu baw ipapinpin nga mga mataldeng nga taawan ya sabap it pamayaꞌ mi it kamatuudan ngaytu.

Hebreo 13:20

Iyan duguꞌ nga ipiyaturuꞌ it Ampuꞌan ta nga si Jesus, iyan i magpapaꞌgen it Baꞌgu ngaytung Pakiꞌupakat nga egay kaskedan. Aypaꞌ inggen si Jesus it paꞌuliꞌ it Ampuꞌang Diyus baw nagbaraꞌ kanya nga ega Basta-bastang Manigꞌeper it mga tupa, sira nga magpamayaꞌ it kanya. Ampuꞌang Diyus ngaytu i puꞌun it kaꞌimbengan it nakem, baw ipagpanalangin ku nga ildawan ya kamu

1 Pedro 2:10

Yay matuud, tagnaꞌ ngayti ega paꞌ taawan kamu it Ampuꞌang Diyus. Temed kayti, mga taawan ya na kamu. Katꞌesa subuk daꞌkamuy imyu pagꞌildawan yat karibriyan, temed kayti naꞌimyu nay ildaw ya ngaytu.

1 Pedro 2:25

Sabap kaꞌalimbawaan mi, subung kamut mga tupa nga namagkatari-tariwanak ka namagkateꞌag-teꞌag na. Temed kayti tiningped kamu siꞌ it Manigꞌeper nga si Cristo, nga magtatarima it imyu it kaꞌustuꞌan nga pagtarima.

1 Pedro 5:4

Bawnga basta mamaalaꞌ kamu it magayen, pagꞌabut ni Cristo nga bilang Piyakamataꞌas nga Manigꞌeper it kitang mga magpamaalaꞌ, tumbasan kamu it ega basta-bastang kabantugan nga egay katupusan.

Mga Ipiyalteg 3:20

Ka wayni aku na. Subung it magtitindeg aku asat salakwatan, magpaꞌungaꞌ-ungaꞌ nga pasleden. Ka in siyu-siyuy sumambung, nga mabri it talaꞌep ya ka pasleden ya aku, daꞌnay kasasawan it pagꞌiba-iba namen.