Juan 10:12 - Tagbanwa

¹² Temed in yay magꞌeper, pagtangdanan lamang nga ega tagpuꞌun it mga tupa, basta may maltegan yang magꞌaꞌabut nga bunglun, egay beken malagyu na yan. Tananan yang lagi i mga tupa ngayti. Aypaꞌ buwat it bunglun, temkeb na. Ta magtariwanak nay mga tupa ngayti.

Juan 10:12 Iomraidhean Croise

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Mateo 7:15

“Magꞌintur kamu kat mga magpapru-prupitaꞌ, nga ega naga pagpanakman it Ampuꞌang Diyus. Magꞌinu-inu sirat imyu nga maat, nakman sira nga subuk tupa. Arit yay kamatuudan, kaꞌiꞌilang sira nga subung it mga bunglun duꞌut talun.

Juan 10:13

Magpalagyu i pagtangdanan ka ega sadili ya i mga tupa, aypaꞌ egay raras yat kanira.

Juan 10:2

Temed iyan ega magpamtes, ka in ari-ari puwirtaꞌan duꞌun i seldan ya, kanya yan i manigꞌeper it mga tupa.

Juan 10:3

Pagpasleden kanya it guwardiya it puwirtaꞌan, baw pagpapagnegan nga pirmi it mga tupa i gaꞌmaran ya. Saꞌnulun yay sadiling mga tupa it ingaranen ya, ka ipaliꞌwan ya sira duꞌut antur.

Mga Binwat 20:29

Ka magkaꞌrutan ku nga pagkagaring ku, may mabut asan it Efeso nga mga taw nga manulduꞌ it talagang kamaliꞌ. Kaꞌalimbawaan nira, subuk maiꞌiseg nga bunglun nga magꞌaged it mga tupa, ka kuranggaꞌen nira i pamayaꞌ it mga magpamayaꞌ duꞌun it imyu.

1 Timoteo 3:3

Baw ega gasiꞌ makuꞌinum it kalalangu, ega maꞌiseg in daꞌga nakman, ega mapiyakibatir baw ega maꞌireg it pagpirak.

1 Timoteo 3:8

Ta yan mga katabang it mga magpamaalaꞌ ngaytu, kaꞌilangan gasiꞌ nga magayen i adat, nga paggalangen sirat beken. Kaꞌilangan nga kamatuudan i muꞌsang pagsugiden, ega uripen it kalalangu, baw ega taw nga magbuwat it maski unu nga ega magayen isaꞌun lamang kapirak.

2 Timoteo 4:10

Ka tiyananan aku na ni Demas, sabap it nalabi siꞌ it mga sadili nga pagsagyaan it bilug. Kayti duꞌun kanya it Tesalonica. Ki Cresente, nagpaGalacia na. Ki Tito, duꞌun it Dalmacia.

Tito 1:7

Magpamaalaꞌ ngaytu, mataꞌas i katengdanan ya, ka yay pagsarungaen, buwaten it Ampuꞌang Diyus. Aypaꞌ ka dapat egay magkaꞌiway asat kanya, ega mapiyasubraꞌ, ega makuꞌiseg, ega makuꞌinum it kalalangu, ega mapiyamasakit, baw ega taw nga magbuwat it maski ega magayen isaꞌun lamang kapirak.

1 Pedro 5:2

Ituy ipagkusugid kut imyu, asi-asi pat imyu, eperan mit magayen i mga nagpasakep it Ampuꞌang Diyus nga ipiyakarguꞌ yat imyu. Siray bilang tupa ya, kamuy manigꞌeper. Mamaalaꞌ kamu it masagyay nakem mi, ega desang magkaregesan lamang. Sabap iyan talagay pagsagyaan it Ampuꞌang Diyus. Talagang sarungaen mit magayen i katengdanan mi, it egay antap it nakem nga kupamirak, in daꞌga kat pagsirbi nga masagya.

2 Pedro 2:3

Ta it maꞌingarum talagay mga manigpangadal ngayti, kat biyuwat-buwat lamang ngayting sugi-sugid nira nga purus kaꞌambutan, buwaten nira kamu nga desang papanulusan. Temed yay matuud, garing it tagnaꞌ paꞌ magꞌaꞌareg nga lagi i ipiyabetang-betang nga ukuman nga mabeꞌgat. Talagang egay pagduwa-duwa nga daꞌsira abutun it panriga.