Juan 10:10 - Tagbanwa

¹⁰ Iyan inaat ku nga bilang mananakaw, egay beken nga pagꞌengden ya, kutakaw, kuꞌimatay baw manranggaꞌ. Temed aku, naꞌasitu aku isaꞌun iyan mga bilang tupa ku, mabgayan ku it kaꞌgenan, baw kaꞌgenan nga ibgay ku, talagang ega basta-basta.”

Juan 10:10 Iomraidhean Croise

Mateo 18:10

Maat siꞌ ni Jesus, “Magꞌintur kamu nga ega tibabaꞌen mi i maski esa kat mga mapiyababaꞌ ngaytu nga subuk waꞌwaꞌ nga may pamayaꞌ nat aken. Ka matuud talagay iꞌaat kut imyu, nga pagtatarimaen sirat mga anghil nga magkaꞌadap nga pirmi duꞌun it Amaꞌ ku nga duꞌut langit.

Mateo 18:11

Baw aku nga Taga Langit nga Ipiyanganak it Taw, yay inasitu ku, isaꞌun iribri kuy mga magkaꞌlam.

Mateo 20:28

Subung it aken nga Taga Langit nga Ipiyanganak it Taw. Naꞌasitu aku, ega maat isaꞌun pagsirbiyan it beken, in daꞌga aku i magsirbi baw ipagtas kuy ginawa ku nga yay itanggung it kasalaꞌan it kadaklan.”

Mateo 21:13

Maat ya it kanira, “Magbebtang duꞌun it isiyurat nga ampang it Ampuꞌang Diyus, ‘Iyan balay ku nga pagsambaan it aken, taꞌwagen nga balay nga papanalanginan.’ Temed binwat mi na nga pugad nat mga mananakaw!”

Mateo 23:13

Talagang subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Ka sabap it imyu magkabaeran i katataawan it pasakep it kaꞌadiꞌan it Ampuꞌang Diyus. It daꞌkamu nay imyu magꞌireg pasakep it kaꞌadiꞌan ya ngayti, pagpaaren mi paꞌ i magꞌireg pasakep.

Marcos 11:17

Bawnga nanulduꞌ kanya it mga taw nga maat ya, “Daꞌga baꞌ magbebtang duꞌun it isiyurat nga ampang it Ampuꞌang Diyus, nga magꞌaat, ‘Iyan balay ku nga pagsambaan it aken, taꞌwagen nga balay nga papanalanginan it muꞌsang bangsa.’ Temed binwat mi na nga pugad nat mga mananakaw!”

Lucas 19:10

Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Juan 10:1

“Kamatuudan talagay ipagsugid kut imyu,” maat ni Jesus. “Iyan nga magseled duꞌun it antur it mga tupa nga magpamtes, nga ega duꞌut puwirtaꞌan i paglapasan ka in ari-ari na lamang i pagguꞌrapan, ega yay belag, mananakaw yan u in daꞌga manigpanrangpas.

Juan 10:11

“Akuy subrang magayen nga manigꞌeper. Kamatuudan it magayen nga manigꞌeper, sabap lamang it mga tupa ibgay ya i pati ginawa ya.

Juan 12:47

Baw in siyu nga nakagneg it ampang ku, temed ega naga sunudun ya, betanganan yan it ukuman, temed ega aku i magꞌukuman it kanya. Sabap ega enged ku situ, ukumanan kuy banwa ngaytu, in daꞌga rimibri it katataawan.

Juan 12:6

Iti nga inampang ni Judas, ega maat matuud nga may ildaw yat mga makukuriꞌ, in daꞌga sabap it, kanya, mananakaw. Kanya i magkekpet it pundu nira. Sumang kaꞌanu may paglimat-limaten ya na.

Juan 3:17

Sabap ega yay piyapaꞌasituwan it Ampuꞌang Diyus it Anak ya, betanganan it ukuman nga panriga i katataawan, in daꞌga isaꞌun maribri ya i katataawan ngaytu.

Juan 5:40

Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Juan 6:33

Sabap yay paꞌaaten nga pangaꞌen nga begay it Ampuꞌang Diyus, kanya nga limnampud nga gimnaring duꞌut langit baw magbegay it kaꞌgenan nga egay kaskedan kat muꞌsang katataawan.”

Juan 6:51

Aku i pangaꞌen ngaytu nga magbegay it kaꞌgenan, nga limnampud nga garing duꞌut langit. May kaꞌgenan nga egay kaskedan it in siyu-siyuy kumaꞌen kaytu. Iyan pangaꞌen ngaytu nga ibgay ku, nga megay it kaꞌgenan nga egay kaskedan kat muꞌsang katataawan, sadili kung bilug.”

Roma 2:21

Ta, in magkapangadal ka nat beken, unuka ega pagtulduꞌan muy sadili mu? Ipagpanulduꞌ mut beken nga kuydaw i takaw. Ta, unuka magtakaw ka nagay imu?

1 Timoteo 1:15

Matuud talagay paꞌaaten nga dapat pamayaꞌnen it puꞌsa, nga si Cristo Jesus, naꞌasitu kanya nga matuud it sinirungat langit isaꞌun iribri ya i mga makasalaꞌan, nga talagang aku naytuy gimpuꞌun.

Hebreo 6:17

Ta atkayan naga, iyan simnanggup i Ampuꞌang Diyus it ki Abraham, piyapaꞌgen ya it sumpa. Binwat yay atkaytu ka ireg ya, matantuwan nga banar it mga tumanggap it ipagsanggup ya nga ega magbaꞌgu-baꞌgu i kanyang mga inampang.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.

2 Pedro 1:11

In daꞌga, talagang tanggapen kamut masagya it Ampuꞌan tami nga Manriribri nga si Jesu-Cristo, ka paꞌistaren ya na kamu duꞌun it egay kaskedan nga kaꞌadiꞌan ya.