Juan 1:7 - Tagbanwa

⁷ Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Juan 1:7 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Juan 1:12

Temed may mga taw nagang namayaꞌ baw simnarig it kanya. Sira ngaytu, binggayan ya sirat pudir nga makapabetang sira nga mga anak it Ampuꞌang Diyus.

Juan 1:15

Ipagpamatuud kanya ni Juan ngaytu nga ipagpanggagaꞌuy ya na, nga magꞌaat, “Kanya na ngaytu i pagsugiden ku ngayan, nga maat ku ngayan basaꞌan, iyan mabut nga magsusunud it aken, landaw paꞌ it aken, sabap parabir ipiyanganak aku, may kanya nang lagi.”

Juan 1:19

Kaꞌsa may piyapanaw it mga pagbayaꞌen it mga Judio nga taga Jerusalem. Piyapanaw nira, mga sasirduti baw mga Levita nga katabang nira nga manigbuwat duꞌun it Templo, ka ipagpaꞌingkut nira si Juan in unu kanya. Ituy pamatuud ni Juan nga tubag yat kanira.

Juan 1:36

Naltegan ya siꞌ si Jesus nga magpanaw. Pagkalteg ya, maat ya, “Wayan siꞌ kanya nga ibinggay it Ampuꞌang Diyus, nga subuk uꞌuybun it tupa nga ipagsalisi.”

Juan 1:9

Iyan tidaw ngaytu nga talaga, nga magꞌeyag kat muꞌsa nga mga taw, magꞌaꞌabut na situt sinirungat langit.

Mga Binwat 19:4

Tiyubag sira ni Pablo, nga maat ya, “Iyan pagbawtis ni Juan, magsugid it, taw nga magpabawtis, nagsinguliꞌ nat mga kasalaꞌan ya. Temed daꞌga baꞌ ipagpanulduꞌ gasiꞌ ni Juan nga kaꞌilangan mamayaꞌ ta it kanya nga magsusunud it ki Juan ngayti? Paꞌaaten ya ngayti, si Jesus.”

Galacia 3:26

Pati kamu nga ega Judio, mga anak na gasiꞌ it Ampuꞌang Diyus, nga maglalagpit nat ki Cristo Jesus sabap it pagsarig baw pamayaꞌ mi it kanya.

Efeso 3:9

Baw ipiyakarguꞌ ya gasit aken i buwat nga ipaꞌyag ku kat muꞌsang taw in magꞌuꞌunu matuman ya i pabetang-betang ya nga garing pat ega pay banwa ipagtagu-taguꞌ ya, kanya nga nagguna it muꞌsa.

1 Timoteo 2:4

Ka iyan talagay ireg ya, maribri i muꞌsang taw baw matantuwan niray kamatuudan pasar it kanya baw dalan it karibriyan ngaytu.

Tito 2:11

Ka kayti ipiyatantu it Ampuꞌang Diyus kat muꞌsang katataawan i kadakulat ildaw ya kat binwat ya nga karibriyan.

2 Pedro 3:9

Aypaꞌ it belag i kanya nga pabetang it timpu, ega maꞌaat ta nga subung it patandes it beken, nga sanggup ya ngaytu sabap it pamaꞌuliꞌ situ ni Jesu-Cristo, sanggup lampud na lamang ka ega paꞌ tiyuman ya. Temed yay matuud, ega paꞌ tiyuman ya sabap lamang it kadakulat sanguꞌ yat aten nga muꞌsa. Ka pagbegayan ya pat rugar i kadakel, nga makapagsinguliꞌ baw mangindiꞌ it kasalaꞌan nira. Ka talagang ireg ya nga maribri i muꞌsa, nga egay maski siyu nga kaꞌaduꞌun it egay kaskedan nga kakuriꞌan.