Juan 1:6 - Tagbanwa

⁶ May piyapagtaw it Ampuꞌang Diyus nga piyangaranan it ki Juan.

Juan 1:6 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Mateo 11:10

Sabap si Juan na ngaytu i pagpaꞌiguꞌan it ampang it Ampuꞌang Diyus ngayan nga isiyurat, nga magꞌaat, ‘Yay matuud, may taꞌgen ku nga makauꞌna it imu, ka asikasuun ya i panawan mu.’

Mateo 21:25

Ari giyaringan it pudir ni Juan nga mamawtis? Unu, duꞌun it Ampuꞌang Diyus u duꞌun it mga taw?” Pagkagneg nira kayti, remeteng-retengan sira, “In aaten ta, ‘Garing duꞌun it Ampuꞌang Diyus,’ aaten ya siꞌ kita, ‘Ta unuka ega pagpamayaꞌnen mi kanya?’

Lucas 1:13

Temed miyampang i anghil ngayti. “Zacarias,” maat ya, “ayaw kat iꞌlam, piyagnegan it Ampuꞌang Diyus i panalangin mu it kaꞌlay ngaytu baw may sambung ya na. Kayti, manganak nay asawa mu nga si Elisabet. Lalaki yan i sumakit. Si Juan i ipangaran mu.

Lucas 1:76

Ta, ikaw na, anak ku, taꞌwagen ka nga prupitaꞌ it Ampuꞌang Diyus nga Subrang Piyakamataꞌas. Sabap makauꞌna ka it Ampuꞌan isaꞌun asikasuun mu i panawan ya.

Juan 1:33

Ega naꞌrutan ku nga kanya na. Temed Ampuꞌang Diyus nga timnaꞌeg it aken nga magbawtis it danum, kanya nagay nagꞌaat it aken, ‘Maltegan muy Espiritu Santo nga magpapasalu asan it esang taw baw pasarum nayan asat kanya. Ta, yanayan, yang taw i mamawtis nga Espiritu Santo i ipamawtis ya.’

Juan 3:28

Kamu na kayti i magkapamatuud it iyan nga isiyugid ku, nga maat ku basaꞌan, ega aku i Cristo. Tiyaꞌeg aku lamang nga tigauꞌna ya.

Mga Binwat 13:24

Dedemdemen mi i binwat ni Juan nga magpamawtis. Kanyay miyuꞌna it ki Jesus, ka ipagpanulduꞌ ya duꞌun it mga kabilug yang mga Judio nga, kaꞌilangan, magsinguliꞌ sirang muꞌsa baw indiꞌan i mga kasalaꞌan nira baw pabawtis nga pamatuud it indiꞌan na.