Juan 1:51 - Tagbanwa

⁵¹ Kamatuudan talagay ipagsugid ku ngaytut imu. Maltegan mu nga abri i langit baw mga anghil it Ampuꞌang Diyus, mapyat, lumampud, magpaꞌasitut aken nga Taga Langit nga Ipiyanganak it Taw.”

Juan 1:51 Iomraidhean Croise

Genesis 28:12

Pagkaꞌigaꞌ ya, nanagaynep. Tagaynep ya, magleteg kanya it agdan nga magtetengkad duꞌut lugtaꞌ, magꞌaꞌabut duꞌut langit. Duꞌut agdan ngayti mapyat lumampud i mga anghil it Ampuꞌang Diyus.

Mateo 25:31

Ipiyasigi ni Jesus, nga maat ya, “In mabut aku nga Taga Langit nga Ipiyanganak it Taw, nga maꞌyag nay kabantugan ku baw kaꞌibaan kuy muꞌsang mga anghil, madung aku na duꞌun it ega basta-bastang araꞌdungan it adiꞌ.

Mateo 26:24

Talagang maꞌimatay aku nga Taga Langit nga Ipiyanganak it Taw, ka simpri matuman i duꞌun it isiyurat nga ampang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen ngayan. Magayen pay ega na lamang ipiyanganak i iyang taw.”

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Mateo 4:11

Ta, liminꞌid na nga matuud si Satanas ngayti. Bawnga may miyabut nga mga anghil ka piyagsirbiyan na nira si Jesus.

Mateo 8:20

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun baw mga manu-manuk, may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Mateo 9:6

Aypaꞌ pagayenen ku i sarakiten ya ngaytu isaꞌun matantuwan mi nga aku, nga Taga Langit nga Ipiyanganak it Taw, may pudir ku naga situt sinirungat langit nga pasinsiya it mga kasalaꞌan.” Pagkaꞌampang ya kayti, maat ya it taw ngayti nga may patay nga bagit bilug, “Timindeg ka na, pirisiꞌnen mu nay pagliliꞌtidan mu ngayan ka muliꞌ ka na.”

Marcos 1:10

Desang magpatingdal na si Jesus, naltegan ya nga sakaling miyabri i langit, baw nagpasalu duꞌun it kanya i Espiritu Santo it Ampuꞌang Diyus, nga subung it kalapatiꞌ i pamabilug.

Marcos 14:62

“Eeꞌ, aku na,” tubag ni Jesus. “Baw talagang mamuyaan mi aku, nga Taga Langit nga Ipiyanganak it Taw, nga magꞌaꞌdung duꞌun it iwanan nga ayun it landaw nga gunaan nga Ampuꞌang Diyus. Baw beken, mabut nga maltegan mi aku nga magꞌaꞌabut nga gumaring duꞌut langit, nga magpangindelangan it kunum.”

Lucas 2:13

Sakaling dimnakel nay anghil ka nagsinabut nay garing duꞌut langit. Pagbantugun niray Ampuꞌang Diyus, nga magꞌaat,

Lucas 2:9

Sakaling minyag i pagꞌaꞌanuꞌan nira ngayti ka miyabut i esang anghil it Ampuꞌang Diyus. Binisaraꞌ sirat singkar ngaytit kabantugan it Ampuꞌang Diyus. Unupat namagꞌiꞌlam na sira.

Lucas 22:43

Iyan magpanalangin na ngayti kanya, miyabut i esang anghil nga garing duꞌun it langit. Piyakseg yay nakem ni Jesus ngayti.

Lucas 22:69

Temed yay matuud, garing kayti madung aku na nga Taga Langit nga Ipiyanganak it Taw duꞌun it iwanan nga ayun it landaw nga gunaan nga Ampuꞌang Diyus.”

Lucas 24:4

Nalibeg i pikiran nira sabap it iti ngayti. Sakaliꞌ nga may duꞌun nat umid nira nga duwang kataawan nga lalaki nga mamagsilaw nay pakayan.

Lucas 3:21

Iyan ega paꞌ ngayti napirisu si Juan, reet-reet nat taw i magpabawtis duꞌut kanya. Nagpabawtis gasiꞌ si Jesus. Pagpanalangin ni Jesus it magpatingdal na, naltegan ya nga sakaling miyabri i langit.

Juan 1:50

Maat siꞌ i tubag ni Jesus, “Namayaꞌ ka sabap it inaat ku ngayat imu, nga naltegan ta ikaw duꞌut siꞌrung it igos. Temed yay matuud, may maltegan mung bantug paꞌ nga mga bagay nga subraꞌ paꞌ it ituꞌun ngaytu.

Juan 10:1

“Kamatuudan talagay ipagsugid kut imyu,” maat ni Jesus. “Iyan nga magseled duꞌun it antur it mga tupa nga magpamtes, nga ega duꞌut puwirtaꞌan i paglapasan ka in ari-ari na lamang i pagguꞌrapan, ega yay belag, mananakaw yan u in daꞌga manigpanrangpas.

Juan 10:7

Aypaꞌ saꞌup siꞌ nga inaat ni Jesus i mga taw, “Matuud i iꞌaat kut imyu, nga aku i bilang puwirtaꞌan nga paglapasan it mga tupa.

Juan 13:16

Kamatuudan tu nga kamatuudan i pagꞌaaten ku ngaytu, nga iyan manigsirbi, ega mataꞌas paꞌ kanya it agalen ya. Baw iyan nga tiyaꞌeg lamang, ega mataꞌas paꞌ it nagtaꞌeg it kanya.

Juan 13:38

Pagtubag siꞌ ni Jesus, maat ya, “Unu, ibgay mu talagay ginawa mu sabap it aken? Kamatuudan tuy iꞌaat kut imu, parabir tumaraꞌuk i manuk, tulu na nga paylu mu sabap it aken.”

Juan 14:12

Ituy kamatuudan nga isugid kut imyu, iyan magpamayaꞌ it aken, kat pagsarig yat aken mabwat ya gasiꞌ tu i mga pagbuwaten ku ngaytu. Baw subraꞌ paꞌ sikaytuy mabwat ya, sabap paꞌaduꞌun aku nay aken it Amaꞌ.

Juan 16:20

Matuud tuy iꞌaat ku ngaytut imyu, nga sumgaw kamu baw rumaꞌe-raꞌet nga banar i nakem mi, temed kadakel it mga kalaban ku, sumagya nga banar. Talagang ega basta-bastay kasmek mi, temed kasmek mi ngaytu, magbaraꞌ tu nga kasagyaan.

Juan 16:23

Ega na kaꞌilangan pang mingkut kamut aken it iyang aldaw, ka nasepsepan mi na. Kamatuudan talagaytu nga iꞌaat kut imyu, nga in unu-unu nga angutun mi duꞌun it Amaꞌ kat keseg it pakilagpit mit aken, siguradung ibgay yat imyu.

Juan 21:18

Kamatuudang-kamatuudan i pagꞌaaten ku ngaytut imu, nga iyan mangaꞌwaꞌen ka paꞌ, pagsadiliyen muy panaꞌbit mu baw magpanaw ka it in ari ireg mu nga panawan. Temed in gurang ka na, ibtir mu i mga alima mu baw belag nay pasaꞌbit it imu, baw tabanen ka na duꞌun it ega ireg mung aduꞌunan.”

Juan 3:3

Katubag si Jesus, nga maat ya, “Itu talagay kamatuudan nga isugid kut imu. Egay makaꞌuyut duꞌun it kaꞌadiꞌan it Ampuꞌang Diyus, in daꞌga iyan lamang nga ipiyanganak it sumaꞌup.”

Juan 3:5

Timnubag si Jesus, “Kamatuudan tuy iꞌaat ku ngaytut imu. Egay makaꞌuyut duꞌun it kaꞌadiꞌan it Ampuꞌang Diyus in daꞌga kanya lamang nga ipiyanganak it danum baw Espiritu Santo.

Juan 5:19

Ta it atkayti, inaat ni Jesus i mga Judio ngayti, “Kamatuudan tuy pagꞌaaten ku ngaytut imyu, nga egay magkabwat it Anak in kat sadili ya na lamang, in daꞌga iyan i pagbuwaten ya, iyan nga magkaltegan ya nga pagbuwaten it Amaꞌ. Iyan pagbuwaten it Amaꞌ ya, simpri iyan naga i buwaten ya.

Juan 5:27

Binggayan ya gasiꞌ i Anak ya ngaytu it pudir nga mukuman sabap kanya i Taga Langit nga Ipiyanganak it Taw.

Juan 6:26

Pagtubag ni Jesus, maat ya, “Matuud tuy iꞌaat ku ngaytut imyu, nga pagtulusun mi aku, ega sabap duꞌun it naltegan mi ngayti nga mga tandaꞌanan nga kalililuꞌan, in daꞌga sabap it nakakaꞌen kamu baw namagkaꞌgen.

Juan 6:32

Katubag si Jesus, maat ya, “Kamatuudan i iꞌaat ku ngaytut imyu nga ega si Moises i nagbegay it kagiyaringanan mi it pangaꞌen ngaytu nga garing duꞌut langit, in daꞌga kanya nga Amaꞌ ku. Kanya i magbegay it matuud nga pangaꞌen nga garing duꞌut langit.

Juan 6:47

Kamatuudan tuy iꞌaat ku ngaytut imyu. Iyan nga mamayaꞌ baw pasakep it aken, may kaꞌgenan ya nga egay kaskedan.

Juan 6:53

Aypaꞌ ka inaat sira ni Jesus, “Kamatuudan tuy iꞌaat ku ngaytut imyu. Magpuyrat makaꞌen mi i isi it Taga Langit nga Ipiyanganak it Taw baw maꞌinum mi i duguꞌ ya, talagang ega maꞌimyu i matuud nga kaꞌgenan.

Juan 8:34

Maat siꞌ i tubag ni Jesus it kanira, “Matuud tuy ipagꞌaat ku ngaytut imyu, nga uripen it kasalaꞌan i in siyu-siyu nga magpasigi paꞌ nga muwat it kasalaꞌan.

Juan 8:51

Kamatuudan tuy pagꞌaaten ku ngaytu, nga in siyu-siyu nga magpangaꞌgenan uyun kat mga ipagtulduꞌ ku ngaytu, ega na labayen yay kamataynen.”

Juan 8:58

Katubag siꞌ si Jesus, maat ya, “Ituy kamatuudan nga isugid kut imyu, parabir ipiyanganak si Abraham, may aku nang lagi.”

Mga Binwat 10:11

Naltegan ya, miyabri i langit baw may ipagtuntun duꞌut lugtaꞌ nga subuk malabeg nga rambay. Pagsesgetay epat nga kantu ya.

Mga Binwat 7:56

“Aruy”, maat ya, “letganan mi ti! Magkaltegan ku, inabri i langit. Waytiꞌen magtitindeg duꞌun it iwanan nga ayun it Diyus Amaꞌ si Jesus ngayting taga langit nga ipiyanganak it taw!”

2 Tesalonica 1:7

Temed kamu nga pagpakuriꞌan, sang tamiyan nga awaꞌan it Ampuꞌang Diyus it muꞌsang mga kakuriꞌan, asan it ipaꞌuliꞌ ngayan it Ampuꞌan nga si Jesus nga garing duꞌun it langit, sang siraan it mga ega babasta-bastaen nga mga anghil ya.

2 Tesalonica 1:9

Talagang panriga it kanira, egay kaskedan nga kakuriꞌan, nga manupusan nang beblag nira it Ampuꞌan baw kabantugan it guna ya.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Hebreo 1:14

Aypaꞌ unuy pagꞌargan it mga anghil? Daꞌga baꞌ, mga anghil ngaytu, mga manigsirbi duꞌun it Ampuꞌang Diyus? Egaytu magkaltegan tami temed, muꞌsa sira ngaytu, mga pagtaꞌgen ya nga magtabang it kumpur ipiyabetang-betang ya nga begayan it karibriyan.

Judas 1:14

Naꞌiguꞌ gasiꞌ sira it inaat ni Enoc nga ikapitu nang pagtungtung-pagꞌinapuꞌ garing it ki Adan. Maat ya it tagnaꞌ ngayting timpu, “Pagnegan mi tu. Siguradu nga mabut i Ampuꞌan, iba ya i ribu-ribu nga ega babasta-bastaen nga mga anghil ya.

Mga Ipiyalteg 19:11

Pagkatupus siꞌ kayti, miyabri i langit. May naltegan ku nga esang kabayuꞌ nga maputiꞌ. Iyan magsasakay duꞌun, pagpangaranan it Egay Pagbaꞌgu baw Kamatuudan. Mataldeng kanya mangukuman baw tamaꞌ i pagbuwaten ya nga pakilaban it mga kakuntraꞌ ya.

Mga Ipiyalteg 4:1

Pagkatupus it iti ngayti, belag siꞌ nga subuk pagtagaynepen i ipiyalteg it aken. Ka sakaling may naltegan ku duꞌun it langit nga esang salakwatan nga pagꞌaꞌabriyen. Saꞌup ku siꞌ nga nagnegan i gaꞌmaran ngayti nga subuk tingeg it taburi. Maat siꞌ it aken, “Mapyat ka sini, ka ipalteg kut imu i mga bagay nga ipiyagpabetang-betang nga magꞌabut.”