Juan 1:5 - Tagbanwa

⁵ Magꞌeyag kanya nga bilang tidaw kat kadleman, temed sira nga kat kadleman, ega ireg nirang eyagan it tidaw ngaytu.

Juan 1:5 Iomraidhean Croise

Mateo 5:15

Dedemdemen mi tu gasiꞌ, nga simpri egay magket it tidaw nga pagkapagket ya, sukruban ya it alupan. In daꞌga iduꞌun ya talaga it dadaꞌtunan, isaꞌun maꞌyagan i muꞌsang seled it balay.

Juan 1:10

Ta miyabut kanya nga matuud, baw timnaꞌid kanya situt denaꞌ. Temed ta, lamang kanya ngaytuy gimnuna it taw, temed ega kinilala nira kanya.

Mga Binwat 26:18

Sira ngaytu nga ega Judio i tulduꞌan mu isaꞌun kamukrat sira ka kayti, subuk beleg sira. Tulduꞌan mu sira isaꞌun kaliꞌwan sirat kadleman it kasalaꞌan baw pamegbeg ni Satanas, ka paꞌugad na sira kat kaꞌyagan nga ibgay it Ampuꞌang Diyus, nga pasakep na sirat kanya. Ka in mamayaꞌ sirang matuud it aken, mapasinsiya i mga kasalaꞌan nira baw makaꞌuyut sira kat mga taw nga piniliꞌ baw ipiyapinpin it Ampuꞌang Diyus nga mga taawan ya.’”

Roma 1:28

Ta, it ipiyabetang na nira nga egay kakapulusan it kamatuudan pasar it Ampuꞌang Diyus, egay beken piyabayaꞌan ya na sira kat pikiran nga maraꞌway, nga yay tumaban it kanira kat mga pagbuwaten nga purus na gasiꞌ mararaꞌway.

1 Corinto 2:14

Takaꞌ iyan mga taw nga ega paꞌ nabaꞌgu it Espiritu Santo i nakem nira, ega pagtanggapen nira i mga panulduꞌ nga magpanggaring duꞌut Espiritu Santo ngaytu it Ampuꞌang Diyus. Ka pagꞌaaten ga nira nga kaꞌengel-engelan lamang. Talagang ega magkasepsepan nira, sabap, mga bagay ngaytu, masepsepan lamang kat tabang it Espiritu Santo.