Juan 1:45 - Tagbanwa

⁴⁵ Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 1:45 Iomraidhean Croise

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Isaias 53:2

Kabilangan it manigsirbi ngaytu it Ampuꞌang Diyus, esang lulwaken nga inasikasu ya it magayen, nga timnubuꞌ baw kiminseg maski nakalwak duꞌun it lugtaꞌ nga matuꞌug. Kat aten nga panleteg, egay maski unu nga kagayenan ya. Talagang in maltegan tami kanya, egay kaꞌunu-unu ya nga pagsagyaan tami.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Isaias 9:6

Sabap ipiyanganak situt aten i esang waꞌwaꞌ. Ipiyagbegay i itung lalaki kat ikagayen tami. Kanya na i mamaalaꞌ it aten. Kanya ngaytu, kilalaen nga “Kalililuꞌan nga Manigpadisir,” “Ampuꞌang Diyus nga Gunaan,” “Amaꞌ tami nga Egay Pinꞌunan, Egay Kaskedan,” baw “Manigpamegbeg nga Magbegay it Kamatuudan nga Kaꞌimbengan.”

Mikas 5:2

Temed ikaw Betlehem Efrata, maski na maat kaꞌuyutan ka it mga piyakadekeyeꞌ nga mga lansangan it Juda, asan it imu i liꞌwanan it kanya nga magꞌadiꞌ it bangsa nga Israel. Kanya ngaytu, garing paꞌ it tagnaꞌ pang banar nga timpu i giyaringan ya it magpanliꞌwan.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 10:3

si Felipe, si Bartolome, si Tomas baw si Mateo nga manigpabayad na ngayti it barayadan duꞌut gubirnu, si Santiago nga anak ni Alfeo, si Tadeo,

Mateo 13:55

Daꞌga baꞌ anak tu it karpintiru? Daꞌga baꞌ si Maria i inaꞌ kaytu baw daꞌga baꞌ mga ariꞌ ya nga lalaki, si Santiago, si Jose, si Simon baw si Judas?

Mateo 2:23

Piyaꞌabutan nira duꞌun it lansangan it Nazaret, nga sakep it Galilea, ka duꞌun i taꞌidan nira. Duꞌun natuman i isiyugid it mga prupitaꞌ, nga magꞌaat, “Taꞌwagen kanya nga Nazaretanen.”

Mateo 21:11

Tumubag i kadakel ngayti nga mamagbayaꞌ it ki Jesus, “Bilaꞌ, si Jesus ngayan bang prupitaꞌ nga taga Nazaret nga sakep it Galilea.”

Marcos 14:67

Naltegan ya si Pedro ngayti nga magdagpiꞌ. Pagkalteg ya, liniling yat magayen baw inaat ya, nga magꞌaat, “Kaꞌibaan ka nagay imu ni Jesus ngayang Nazaretanen!”

Marcos 6:3

Daꞌga baꞌ kanyay karpintiru nga anak ni Maria baw akaꞌ na Santiago, si Jose, si Judas baw si Simon? Daꞌga baꞌ situ naga magtataꞌid i mga babay nga ariꞌ ya?” Talagang ega pagkilalaen nira kanya.

Lucas 18:37

Nagnegan ya nga tubag it mga taw it kanya, “Tumaꞌlib bayan si Jesus nga taga Nazaret.”

Lucas 2:4

Ta napanaw na gasiꞌ si Jose it kanya. Garing duꞌun it Nazaret nga sakep it Galilea, naꞌaduꞌun kanyat Betlehem nga sakep it Judea, lansangan nga siyakitan it adiꞌ it tagnaꞌ nga si David, sabap si Jose, tungtung-inapuꞌ it adiꞌ ngayti.

Lucas 2:48

Pagkalteg na Jose, naliluꞌ gasiꞌ sirat kanira. Maat it inaꞌ ya ngayti, “Dunguꞌ, unuka atkaytuy pabetang mut amen, it masyadu nay keber-keber it seled namen it amaꞌ mu it magtulus it imu? Tanud namen in naꞌunu ka na.”

Lucas 24:27

Bawnga ipiyaꞌyag ni Jesus it kanira i muꞌsa nga inaat duꞌun it kasuratan nga ampang it Ampuꞌang Diyus, nga kanya i pagpaꞌiguꞌan, gimnaring duꞌun it mga isiyurat ni Moises seked duꞌun it isiyurat it muꞌsang mga prupitaꞌ.

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Lucas 3:23

Mga magtutulung pulung taꞌun na i idad ni Jesus, nagpapuꞌun na kanyat buwaten ya nga magpangadal. Tanud it katataawan, ipiyagrasyaꞌ kanya ni Jose. Apuꞌ ya si Eli,

Lucas 4:22

Tiyuꞌgud kanya it kadakel baw naliluꞌ sira kat magagayeng pagꞌampangen ya. Takaꞌ maamaatan sira, “Daꞌga baꞌ anak tu na Jose?”

Juan 12:21

Minlep sira duꞌut esang alagad nga si Felipe nga taga Betsaida nga sakep it Galilea. Inupakat nira nga magꞌaat, “Agalen, ireg namen sana nga kimita it ki Jesus.”

Juan 14:8

Inaat kanya ni Felipe, “Iyan baꞌ talagay ireg namen, ipalteg mut amen i Amaꞌ mu ngayan.”

Juan 18:5

“Magtulus kami bat ki Jesus nga taga Nazaret,” maat i tubag nira. Maat siꞌ ni Jesus ngayti, “Aku na ngaytu baytu.” Si Judas ngayti nga dimnagang it kanya, duꞌun na gasiꞌ magtitindeg.

Juan 18:7

Miningkut siꞌ si Jesus it sumaꞌup, “Siyu bang matuud i pagtulusun mi?” “Si Jesus baꞌ ngayang taga Nazaret,” maat nagay tubag nira.

Juan 19:19

Simnurat si Pilato it pirang tagaꞌ nga sugi-sugid. Ipiyapakeꞌpel ya duꞌun it krus. Maat i isiyurat ya ngayti, “Si Jesus nga taga Nazaret, nga Adiꞌ it mga Judio.”

Juan 21:2

Kaꞌsang tingped na Simon Pedro, si Tomas nga panaꞌwag it kanya, Gambar, si Natanael nga taga Cana nga sakep it Galilea, mga anak ni Zebedeo baw duwa paꞌ nga mga alagad,

Juan 6:42

Maat nira siꞌ, “Daꞌga baꞌ itu na, si Jesus ngayan nga anak na Jose? Kilala tami nagay amaꞌ baw inaꞌ ya. Ta unuka magkaꞌaat ya kayti nga limnampud kanya nga garing duꞌut langit?”

Juan 6:5

Paglawag ni Jesus, nalawag ya nga dakel nang mga taw i mamagꞌaꞌabut. Iningkut ya si Felipe, “Ariyen tuy maꞌalangan tami it pangaꞌen isaꞌun may makaꞌen it mga taw ngayan?”

Juan 6:7

Katubag si Felipe, maat ya, “Bilaꞌ, maski beteꞌ tagdedekeyeꞌ lamang i ipamgay it kanira, tinapay nga maꞌalang it tangdan it balit walung bulan i binwatan, ega talaga manepay-tepay it yanayan ngayang kadakel it taw.”

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 2:22

Maat paꞌ ni Pedro, “Kamung mga kabilug ku nga tungtung-inapuꞌ ni Israel, pagnegan mit magayen i ipagꞌaat ku ngaytu. Si Jesus ngayan nga taga Nazaret, maꞌyag nga siyarigan kanya it Ampuꞌang Diyus. Kamatuudan, kat keseg it guna it Ampuꞌang Diyus ngaytu, talagang ega basta-basta i nabwat ya situt imyu nga mga tandaꞌanan nga kalililuꞌang bagay. Urut mi nagaytu ka nagpasar kat mata mi.

Mga Binwat 22:8

Natubag ku yan, maat ku, ‘Ay siyu ka bayan, Agalen?’ ‘Si Jesus aku nga taga Nazaret. Aku talaga i pagpakuriꞌan mu,’ maat i tubag it aken.

Mga Binwat 26:9

Temed tagnaꞌ, atkayan naga i aken nga magkapikir sabap it ki Jesus nga maat it beken, inggen it paꞌuliꞌ. Tanud ku magayen kat panleteg it Ampuꞌang Diyus in talagang paꞌresan kut pakikuntraꞌ i pamayaꞌ it ki Jesus ngayti nga taga Nazaret.

Mga Binwat 3:6

Temed maat ni Pedro, “In pirak baw bulawan, egay magkabgay namen, temed may beken nagang ibgay kut imu. Kat keseg it guna ni Jesu-Cristo nga taga Nazaret, timindeg ka na kayti ka makapanaw ka nayan.”