Juan 1:43 - Tagbanwa

^43-44 Pagꞌaldaw siꞌ, napikir ni Jesus nga paGalilea. Parabir napanaw tiyulus ya daꞌan i esang taw nga pagpangaranat ki Felipe, nga taga Betsaida, nga kabanwa na Andres duwa ni Simon ngayti. Pagkaparag ya inaat ya, “Felipe, mayaꞌ kat aken ka alagad ku na ikaw.”

Juan 1:43 Iomraidhean Croise

Mateo 10:3

si Felipe, si Bartolome, si Tomas baw si Mateo nga manigpabayad na ngayti it barayadan duꞌut gubirnu, si Santiago nga anak ni Alfeo, si Tadeo,

Mateo 4:12

Nabaritaꞌan ni Jesus nga pinirisu na si Juan. Pagkabaritaꞌ ya, miyuliꞌ na kanya duꞌun it Galilea.

Mateo 8:22

Temed katubag si Jesus, “Magayen in mayaꞌ ka lamang it aken kayti. Ipataꞌan mu na nga ilbeng i miyatay ngayti it mga beken nga kabilangan patay gasiꞌ sabap daꞌsira kupamayaꞌ it aken.”

Mateo 9:9

Gumaring sikayti, napanaw siꞌ na Jesus ngayti. Napsagan it panaw nira i esang manigpabayad nga pagpangaranan it ki Mateo, magꞌaꞌdung duꞌun it pagpabayadan it barayadan duꞌut gubirnu. Inaat kanya ni Jesus, “Mayaꞌ ka nat aken.” Timnindeg nga lagi si Mateo, dimnasun na it ki Jesus.

Lucas 19:10

Sabap aku nga Taga Langit nga Ipiyanganak it Taw, yay inasitu ku, pagtulusun kuy mga nateꞌag-teꞌag ka iribri ku sira kat panriga sabap it kasalaꞌan nira.”

Juan 1:28

Piyangingkutan it mga taw ngayti it ki Juan, duꞌun it Betania nga duꞌut sang dipag it Jordan nga pagpamawtisan ya na ngayting danum.

Juan 1:29

Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 1:35

Pagꞌeyag siꞌ, duꞌun siꞌ na Juan baw duwa nga mga alagad ya.

Juan 1:37

Pagkagneg it duwa ngayting mga alagad ni Juan it inaat ya ngayti, namagdasun na sirang duwa it ki Jesus.

Juan 12:21

Minlep sira duꞌut esang alagad nga si Felipe nga taga Betsaida nga sakep it Galilea. Inupakat nira nga magꞌaat, “Agalen, ireg namen sana nga kimita it ki Jesus.”

Juan 14:8

Inaat kanya ni Felipe, “Iyan baꞌ talagay ireg namen, ipalteg mut amen i Amaꞌ mu ngayan.”

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 6:5

Paglawag ni Jesus, nalawag ya nga dakel nang mga taw i mamagꞌaꞌabut. Iningkut ya si Felipe, “Ariyen tuy maꞌalangan tami it pangaꞌen isaꞌun may makaꞌen it mga taw ngayan?”

Juan 6:7

Katubag si Felipe, maat ya, “Bilaꞌ, maski beteꞌ tagdedekeyeꞌ lamang i ipamgay it kanira, tinapay nga maꞌalang it tangdan it balit walung bulan i binwatan, ega talaga manepay-tepay it yanayan ngayang kadakel it taw.”

Filipos 3:12

Ega maat natuman nay muꞌsa ngaytu kat pangaꞌgenan ku. Ega gasiꞌ maat nga daꞌga nay magkabwat ku nga kasalaꞌan. Temed talagang pagpaꞌresan ku nga banar nga mabwat ku i kumpur kaꞌirgan ni Cristo Jesus, sabap siyakep ya aku isaꞌun mapaꞌresan kuytu kat pangaꞌgenan ku.

1 Juan 4:19

Yay matuud, may pagmaꞌal baw kararas tami nay aten sabap it pagmaꞌalen baw pagrarasan ta nga lagi it Ampuꞌang Diyus.