Juan 1:37 - Tagbanwa

³⁷ Pagkagneg it duwa ngayting mga alagad ni Juan it inaat ya ngayti, namagdasun na sirang duwa it ki Jesus.

Juan 1:37 Iomraidhean Croise

Juan 1:36

Naltegan ya siꞌ si Jesus nga magpanaw. Pagkalteg ya, maat ya, “Wayan siꞌ kanya nga ibinggay it Ampuꞌang Diyus, nga subuk uꞌuybun it tupa nga ipagsalisi.”

Juan 1:38

Limningaw si Jesus baw lintegan yay duwa ngayting magdadasun it kanya. Iningkut ya sira, “Paꞌunu kamuytu? Subuk may pagtulusun mi.” Timnubag sira, “Tabiꞌ it imu, Manigtulduꞌ, ari pagꞌiꞌistaran mu?”

Juan 1:43

Pagꞌaldaw siꞌ, napikir ni Jesus nga paGalilea. Parabir napanaw tiyulus ya daꞌan i esang taw nga pagpangaranat ki Felipe, nga taga Betsaida, nga kabanwa na Andres duwa ni Simon ngayti. Pagkaparag ya inaat ya, “Felipe, mayaꞌ kat aken ka alagad ku na ikaw.”

Roma 10:17

Aypaꞌ maꞌyag nga ega magkapamayaꞌ i taw in ega paꞌ nagnegan nira i maat pamayaꞌnen. Baw egay beken nga kaꞌilangan nira nga magnegan, Magayen ngaytung Baritaꞌ pasar it ki Cristo.

Efeso 4:29

Kaꞌilangan gasiꞌ ega na liꞌwanan i mga baꞌbaꞌ mi it pangarampangen, in daꞌga purus magagayen nga ipagmapaꞌgen it pamayaꞌ it beken baw makatabang it kanira kat in unu nga kaꞌilangan nira.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.