Juan 1:36 - Tagbanwa

³⁶ Naltegan ya siꞌ si Jesus nga magpanaw. Pagkalteg ya, maat ya, “Wayan siꞌ kanya nga ibinggay it Ampuꞌang Diyus, nga subuk uꞌuybun it tupa nga ipagsalisi.”

Juan 1:36 Iomraidhean Croise

Genesis 22:7

Ega naꞌlay sirat panaw, miningkut si Isaac it amaꞌ ya. Maat ya, “Amaꞌ!” “Unu?” maat it amaꞌ ya ngayting si Abraham. “Ay Amaꞌ, taban tay apuy baw kayu nga iduꞌput. Ta ariyen i uꞌuybun it tupa nga antengen ta?”

Juan 1:29

Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 1:37

Pagkagneg it duwa ngayting mga alagad ni Juan it inaat ya ngayti, namagdasun na sirang duwa it ki Jesus.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.