Juan 1:32 - Tagbanwa

³² Bawnga nagpamatuud si Juan ngayting magꞌaat, “Naltegan kuy Espiritu Santo. Magpapasalu kanya garing duꞌut langit, nga subung it kalapatiꞌ i pamabilug, baw nagpasarum na duꞌun it ki Jesus ngayti.

Juan 1:32 Iomraidhean Croise

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Marcos 1:10

Desang magpatingdal na si Jesus, naltegan ya nga sakaling miyabri i langit, baw nagpasalu duꞌun it kanya i Espiritu Santo it Ampuꞌang Diyus, nga subung it kalapatiꞌ i pamabilug.

Lucas 3:22

Bawnga nagpasalu duꞌun it kanya i Espiritu Santo, nga subung it kalapatiꞌ i pamabilug. Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Juan 1:31

Tagnaꞌ maski aku ngaytu, ega naꞌrutan ku in siyuy mabut ngayan, temed pagbuwaten ku ngaytu kayti, nga magpamawtis situt danum, ipagpakilala kuytu kanya it bangsa nga Israel.”

Juan 1:7

Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Juan 5:32

Temed may beken nga magpamatuud it aken baw magkaꞌrutan ku nga talagang matuud i ipagpamatuud ya.