Juan 1:31 - Tagbanwa

³¹ Tagnaꞌ maski aku ngaytu, ega naꞌrutan ku in siyuy mabut ngayan, temed pagbuwaten ku ngaytu kayti, nga magpamawtis situt danum, ipagpakilala kuytu kanya it bangsa nga Israel.”

Juan 1:31 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Mateo 3:13

Ega naꞌlay miyabut na gasiꞌ si Jesus duꞌut Jordan ngayti. Giyaringan ya, duꞌun naga it Galilea. Naꞌaduꞌun kanyat ki Juan ka pabawtis gasiꞌ.

Mateo 3:6

Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Lucas 1:17

Ka kanya ngaytuy taꞌgen nga muꞌna it isiyanggup nga Cristo. Yay matuud, kat pagmaꞌiseg it nakem ni Juan ngayti baw kat guna it Ampuꞌang Diyus nga duꞌut kanya, subung talaga kanya it ki Elias ngayting prupitaꞌ it tagnaꞌ paꞌ. Sabap kat panulduꞌ ya, magkagayen siꞌ i mga amaꞌ baw mga anak. Baw papaꞌuliꞌen ya kat kasepsep it mga mataldeng i mga ega mamagsunud it Ampuꞌang Diyus, isaꞌun kat panulduꞌ ya ngayti, masiguru ya nga pagꞌabut it Ampuꞌan, magꞌaꞌalistu nay mga taawan ya.”

Juan 1:30

Kanya na i paꞌaaten ku ngayan nga maat ku basaꞌan, magsusunud it aken, esang taw nga landaw it aken sabap parabir ipiyanganak aku may kanya nang lagi.

Juan 1:32

Bawnga nagpamatuud si Juan ngayting magꞌaat, “Naltegan kuy Espiritu Santo. Magpapasalu kanya garing duꞌut langit, nga subung it kalapatiꞌ i pamabilug, baw nagpasarum na duꞌun it ki Jesus ngayti.

Juan 1:33

Ega naꞌrutan ku nga kanya na. Temed Ampuꞌang Diyus nga timnaꞌeg it aken nga magbawtis it danum, kanya nagay nagꞌaat it aken, ‘Maltegan muy Espiritu Santo nga magpapasalu asan it esang taw baw pasarum nayan asat kanya. Ta, yanayan, yang taw i mamawtis nga Espiritu Santo i ipamawtis ya.’

Juan 1:7

Piyapagtaw kanya isaꞌun makapamatuud ya i pasar it tidaw ngaytu, isaꞌun maꞌyagan baw pamayaꞌnen it muꞌsang katataawan i tidaw ngaytu nga paꞌaaten.

Mga Binwat 19:4

Tiyubag sira ni Pablo, nga maat ya, “Iyan pagbawtis ni Juan, magsugid it, taw nga magpabawtis, nagsinguliꞌ nat mga kasalaꞌan ya. Temed daꞌga baꞌ ipagpanulduꞌ gasiꞌ ni Juan nga kaꞌilangan mamayaꞌ ta it kanya nga magsusunud it ki Juan ngayti? Paꞌaaten ya ngayti, si Jesus.”