Juan 1:30 - Tagbanwa

³⁰ Kanya na i paꞌaaten ku ngayan nga maat ku basaꞌan, magsusunud it aken, esang taw nga landaw it aken sabap parabir ipiyanganak aku may kanya nang lagi.

Juan 1:30 Iomraidhean Croise

Mateo 3:11

Pagbawtisen ku kamu situt danum, bilang tandaꞌanan lamang it pagsinguliꞌ baw pangindiꞌ mit mga kasalaꞌan mi. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Maski mawaꞌ it talumpaꞌ ya, ega mapakay nga mabwat ku, ka subrang banar i kataꞌasan ya.

Lucas 3:16

Pagkamuya ni Juan kayti, maat ya it mga taw ngayti, “Pagbawtisen ku kamu situt danum. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Kamatuudan, maski muꞌbad it seget it talumpaꞌ ya, ega mapakay nga mabwat ku, ka subrang banar i kataꞌasan ya.

Juan 1:15

Ipagpamatuud kanya ni Juan ngaytu nga ipagpanggagaꞌuy ya na, nga magꞌaat, “Kanya na ngaytu i pagsugiden ku ngayan, nga maat ku ngayan basaꞌan, iyan mabut nga magsusunud it aken, landaw paꞌ it aken, sabap parabir ipiyanganak aku, may kanya nang lagi.”

Juan 1:27

Kanya i magsusunud it aken. Yay matuud, maski muꞌbad it seget it talumpaꞌ ya, ega mapakay nga mabwat ku ka subraꞌ kanya nga mabantug.”

Juan 1:31

Tagnaꞌ maski aku ngaytu, ega naꞌrutan ku in siyuy mabut ngayan, temed pagbuwaten ku ngaytu kayti, nga magpamawtis situt danum, ipagpakilala kuytu kanya it bangsa nga Israel.”

Juan 10:41

Dakel nga nagpaꞌaduꞌut kanya. Maamaatan sira nga, “Si Juan, egay binwat ya nga tandaꞌanan nga kalililuꞌang bagay, temed matuud i muꞌsa nga pagꞌaaten ya pasar it itu nga taw.”